Mika 7:11 - Bibilia Buk na Ŋun nagon koti luŋu a

¹¹ Lor mo popo logon nyökorikin ’dukörikin goroma kunök nagon a mariŋan ti köji. I ŋilu lor a koresi ’ti jur mo tomi-jojine pajo.

Mika 7:11 ပူးပေါင်းရင်းမြစ်များ

Nemaya 2:17

A kirut nan kulyani ko lepeŋat adi, Ta a met kulya kaŋ kine a narok parik; Yerusalema aje körö ko gwe a murwö, a kötumitön ti gorom nagon a mariŋ nanyit iŋge nokan ko kimaŋ. Po ta, ŋ i yi nyöggi ta ’duggö gorom nagon a mariŋ na Yerusalema anyen yi gwon ti ’dö ’döyö köti.

Nemaya 2:8

Köti waraga nagon jaki Asap katiyunit lo rudu lo mor, anyen lepeŋ tiŋdu nan kaden anyen tetenari kötumitön ti mariŋ na titiyu na kadi na ŋun, ko ti gorom nagon a mariŋ na köji, ko ti kadi nagon nan mo si ’da kata. A mor rukökiŋdye nan ŋo nagon nan a pi kunu, gwoso nagon könin lo ’but lo ŋun lio gwon köyö i parakiŋdya na nan.

Nemaya 4:3

A Tobia lo Amon gwe kanyit nyona, a lepeŋ waddi adi, Ee, ŋina gorom na ’duk se ko ŋurupö ŋina ma ’di ko gwagwe a kija i loki nanyit a mo duduyomökin kak!

Nemaya 4:6

Nyena a yi ’duŋge gorom nagon a mariŋ; a mariŋ liŋ iŋge tomoraki i pirit na geleŋ, a tojolan nanyit ki gwe a swot. Kogwon ŋutu gwon ko ’deket na kita.

Yisaya 54:11

Do köji na yöyögö, nagon a puök ko kudu, a tine si ’da ’bura, mete, nan mo pepetakin ŋurupö kunök i meme nago narwö, a mo pipi ’yi togwi ’diesi kulök ko ŋurupö sapira.

Yisaya 54:2

Tugalaŋgi pirit na kemia inot, ko ti boŋgwat na leleyo ti kadi inot ŋa ajine a nagalaŋ; tojo ’yi patala monoesi ti kemia inot ko ’bikikiŋdye kaleto kunök go.

Yisaya 58:12

A ŋutu kasu mo ’duŋge murwöki ti ’beron kunu; a ta mo nyöŋgi ’duggö kadijik nagon merenyejin kasu köju a pipi ’yu ’beron kunu, a ta mo luŋuni a katetenak ti piritön ti mejiŋ nagon a duduyömö, ko a kanyönyökök ti ’baŋin nagon a körö.

Yisaya 61:4

A se nio nyöŋgi ’duggö murwöki ti ’beron kunu, a se mo ’bilikiŋdye piritön na kököro köju kiinu ki, a se mo teteŋdi köjinö nagon a murwöki, ko piritön na kökörö suluja i nyakwariat ti ’befon köju kulu.

Daniele 9:25

Nyenagon dene den ko kuru kurun adi, mo gwon a jimalan buryo suluja i diŋit na tikine saret anyen Yerusalema nyönyöko ’duko, tojo ko diŋit na poŋdi ŋuto duma lo welaki. Nyena i jimalan merya buker wot murek lepeŋ mo nyonyökö ’duko ko piriton sakaesi kanyit se ko mariŋ nago, ama mo gwon i diŋit nagusu.