Mika 7:1 - Bibilia Buk na Ŋun nagon koti luŋu a

¹ Wöidiö nan! Nan gwe gwoso ludweki logon a pituŋdyö lo kwökwöto i ’dutet na ja ’be, ko gwoso ludweki logon a pituŋdyö i kaden ti binyo i diŋit ’du ’dumet, a kwe na ludweki gwe ’bayin lo nyenyei, kode ki ’bi lo toran a kokwe logon nan nyanyar.

Mika 7:1 ပူးပေါင်းရင်းမြစ်များ

Saumajin 120:5

Wöidiö nan i mönundyö nio Meseke yu, i si ’da nio a lepetyo i kiden na ŋutu ti Kedar!

Tolupesi 20:6

Ŋutu jore tokujö ’börik adi se ’diri a julin. ama a do mo ryöni lele ya logon yiyiniki.

Yisaya 17:6

A pitönö mo kölökine kata, gwoso na ’bitöri ködini lo jeitun nu— a ludweki murek kode musala pitökine i kwe na kene na gwon ki liŋ, iŋkoi, ludweki iŋwan kode mukanat pitöki i kenia ti ködini lo raradan, lo a kulyaet lo MATAT Ŋun lo Yisaraele.

Yisaya 24:13

A mo konakine sona i kiden na kak, i kiden na jurön, gwoso na gwutöri ludweki ti ködini lo jeitun na, gwoso kwök Wötö na ludweki ti binyo logon a pituŋdyö.

Yisaya 24:16

Yi a yiŋun kölisi pupuresi i ’dutesi ti kak, logon bubularikin Ŋilu Lorigwo. Ama a nan kulyani adi, Nan sosokan, nan sosokan, wöidiö nan! Kogwon kadumak dudumuja, kadumak dudumuja parik.

Yisaya 28:4

A köturöni na minyo nakwekwe-len nanyit nagon nopara kak, na gwon i kwe na pirit na ’dir na kinyo na mo gwe gwoso ludwe lo ki ’bi lo toran a lo kokwe i ŋerot na ja ’be; logon ko ŋuto a met kanyit i könin, a nye wi ’ye wi ’yö wulek.

Yisaya 6:5

A nan kulyani adi, Wöidiö nan! Kogwon nan a toliki; kogwon nan a ŋuto logon ko kutuk a lut, a nan gwolore i kiden na ŋutu logon kutusen kase a lut; kogwon nan a metmor, MATAT lio kurumi ko konyen kwe!

Yeremia 15:10

Wöidiö nan! Yaŋgo, nyo do a yuŋ un nan a ŋuto lo wowoŋorikin logon kak ’bukuluŋ mömöröri? ŋo kwe a ko kuröji ko wöli, nan köti a ko kuŋö ŋo ti leŋe ko wöli, ama ŋutu liŋ lölöm nan.

Yeremia 24:2

A lele kupö gwe ko ki ’biet lo ’but parik gwoso ki ’biet lo toran a ti kokwe, ama a lele kupö lo gwe ko ki ’biet logon a lorok parik parik, logon ti bulö nyei.

Yeremia 4:31

Nan a yiŋ gwiet gwoso lo ŋuto nagon ŋoŋga i yupuŋdyö, iŋkoi luluet gwoso lo ŋuto nagon ta ’duuŋdyo ŋuro kayu. Ŋina a köji na Siona na lulujö gwoso ŋuto na yuyukuta, a mamaŋdi ko konisi kanyit i ga ’yu na lwökt, adi, Woidio nan! nan dododdya i komor na katatuak kwe.

Yeremia 45:3

Do a kulya adi, Wöidiö nan! Nan popoŋga a MATAT iŋge ’yalakiŋdya kunie delyaesi i popesi kwe; nan dadara i ’du ’duatu, a nan tine ryö yukan.

Yeremia 5:1

Wowokine ta abur i kikolin ti Yerusalema anyen ta memet ko denuŋdya kago kode gona ŋuto lo rigwo kata. Iŋkoi, gale ta ga piriton kanyit liŋ nagon a ’dara kana kode gona ŋuto lo gaga ’yu to ’diri kata, anyen nan bogo pipitokin ŋinu köji.

Osea 9:10

Nan Ŋun a ryö Yisaraele i yöbu gwoso ludweki ti binyo, nan a met komunyi ko lyoŋön gwoso ŋutu lo meddya ludweki ti ki ’bi lo suluja radan i diŋit nanyit na kokwe; ama a se iti Bala-peor yu, a geladdi ’börik i ŋo nagon a yu na kwe, a Lepeŋat worani a ŋo na mamana gwoso ŋo nagon se nyanyar na.

Kenet 18:13

A kinyojin waŋesi ti kokwe ti ŋo liŋ nagoŋ gwon ka ’de i jur na jon se ko MATAT kune mo gwe a kunök; ŋutu liŋ logon a loke i kulya ti keri konut midi kulo bubulö nyesu se.