Mika 6:9 - Bibilia Buk na Ŋun nagon koti luŋu a

⁹ Yiŋge ta gworo lo MATAT, logon tokoŋgu ŋutu lo twöju lepeŋ kulo, MATAT luŋgu köji adi, Yiŋge, do kotumit na ŋutu lo momora köji kata!

Mika 6:9 ပူးပေါင်းရင်းမြစ်များ

2 Samuele 21:1

A dyaŋ gwe kata ko kiŋajin A musala i perok logon Dawidi sasaŋi kulu; a Dawidi ga ’yi komor na MATAT. A MATAT kulyani adi, Toron kata ko Saula ko kötumit nanyit kogwon rima ti ŋutu ti Gibeon na ’bukörö lepeŋ kunu.

Eyobo 10:2

A nan de kulyani kö Ŋun adi, An do ko ’duŋökin kulya kwearabat, ama kweki nan ko nyo do wiwinya ko nan.

Eyobo 23:14

Kogwon lepeŋ tetenakin ŋo nagon nye a wulökin nan na; ŋo jore gwoso kine kata kanyit i töili.

Eyobo 5:17

Mete, lyönon gwon i ŋuto logon Ŋun ririŋ lo! nyenagon ko lauŋdya tojumisi ti Kabulönit lo ŋo liŋ.

Saumajin 107:43

Ti ŋutu logon a lokoŋ kilo yeyeji kine kulya, ti se yeyeji ’bura nyaŋu na MATAT nagon ti ’duddyö kwöŋ na.

Saumajin 48:10

Pon ŋun, gwoso na gwondi karin kunok na, ŋuŋura inot yeŋga tojo ko ’dutesi ti kak. Do saŋu ko kulya na rigwo.

Saumajin 83:18

Ti se dendi adi do geleŋ logon karin kunök a MATAT, do logon a Katoŋanit lo kak liŋ!

Saumajin 9:16

MATAT a tindu mugun i dena, a nye ’duŋge ŋutet; ŋutu lorok a loka ko kita na kon se ko könisi kase.

Tolupesi 22:3

Ŋuto logon deden kulya meddya ŋo naron a ’danani ’dana; ama a ŋuto logon ko yeyeesi a namunyak iti nyin a wuji ŋoŋga.

Yisaya 26:11

Ti se meddi pusök inot na se kogwon kulya ti ŋutu lorok, ko ti kusik kase yune yu. Ti kimaŋ nagon do a tetenakin merok kulö kina ti totumbe lepeŋat.

Yisaya 27:10

Kogwon köji na gwon ko mariŋ nago na titiyu na gwon kana, nye a kölöki a murwö ko a paki gwoso yöbu; nyu a kaja nyesi kata, a se pirikine kak nyu, a tutuŋge kenia kanyit.

Yisaya 30:27

A kine kulya mo gwe sona i ŋilu lio logon MATAT doŋgi böŋöji na ŋutu kanyit ko rubatan, a toliŋge ’dikasin na ’bitökin nye se kune.

Yisaya 66:6

Gworo lo rumön köji kata! Gworo lo lupe i kadi na MATAT! Ŋilo a gworo lo MATAT logon roropakiŋdya merok kanyit.

Yisaya 9:13

A ŋutu tine wöriŋuŋdyo i nye logon a gwuddyö se lo, a se tine galaddu MATAT lo kurumi.

Yeremia 26:18

Mika lo Moreset köju a keju i perok ti Kijikia mor lo Yuda, a kulyani ko ŋutu liŋ ti Yuda adi, MATAT lo kurumi lo kulya adi, Siona mo kukuru gwoso melesen; a Yerusalema mo worani a sudiet ti rubajin, mere logon kadi na MATAT gwon kata lo mo wora a rudu.

Yeremia 26:6

a kirut a nan mo koŋdi na kadi gwoso Silo, a nan mo koŋdi na köji a lömit i jurön liŋ ti kak.

Yeremia 47:7

Ama baŋdu lo MATAT gwon adi lii ada? MATAT aje sarakin lepeŋ i kita, iŋkoi nye a wulökin lepeŋ i mörö ko Asekelon se ko tikön.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Osea 13:16

Samaria mo ŋogoŋ toron nanyit, kogwon ŋutu kanyit a renya ŋun lose, a se mo tatuani i gor, a luŋudiet kase mo ŋapasakani papasaka, a ŋutu wate kase nagon ko pelela kune mo kikilani kikila.

Osea 14:9

Ko ŋuto logon a lokoŋ ti nye kuruŋdye kine go; a ko ŋuto logon a lotolok a ti nye deŋdi koi; kogwon kikolin ti MATAT gwon gwogwo, a ŋutu lo rigwo wöröni kata, ama a katoronyak kököpuköni kata.

Amosa 2:5

Nyena a nan mo gubakiŋdye Yuda kimaŋ, a mo ’yuŋe kadijik ti Yerusalema ti tumatyan.

Amosa 6:1

Woidio i ŋutu logon yeyeju adi se si ’da ’bura Siona, ko i se logon yeyeju adi nene ŋo naron ti pokin kase i mere lo Samaria, kilo a ŋutu lokukwön logon jur lose a bula a togeleŋ lo juron, ŋutu ti kötumit na Yisaraele tu ko kilo ŋutu yu!

Mika 3:12

Nyena kogwon kulya kasu, Siona mo kukuru gwoso melesen; a Yerusalema mo worani a sudiet ti rubajin, a mere logon kadi na MATAT gwon kata lo mo worani a rudu.

Mika 6:10

Nan ŋona bubulo boŋga mu ’diŋ anyen gwon ti meddya tojore na toronjin na gwon i kadijik ti ŋutu lorok, se ko temesi mumulukesi na mamana nagon temuŋdya ku ’dik le?

Mika 6:8

Do ŋilo ŋuto, MATAT aje kwe-kiŋdya do ŋo nagon a na ’but; a nye yöŋöni ŋo a nyo konut? ŋun ’de ’dekan adi ti do kitani ko torigwo, ti do gwe a kanyaranit logon ti lopuggo. ko ti do woroni a lokoyok ko lepeŋ i komor.

Jepania 3:2

Lepeŋ ti yiŋga luŋu kwoŋ, a tine ’bon yuyuko. Lepeŋ ti yinikin MATAT, a tine mijun ko Ŋun lonyit ni.

Kweyatti 3:19

Nan ririŋ ŋutu logon nan nyanyar kulo a tojumbi se. Nyena gwe ko pusok ko lopuŋge toili.