Mika 6:8 - Bibilia Buk na Ŋun nagon koti luŋu a

⁸ Do ŋilo ŋuto, MATAT aje kwe-kiŋdya do ŋo nagon a na ’but; a nye yöŋöni ŋo a nyo konut? ŋun ’de ’dekan adi ti do kitani ko torigwo, ti do gwe a kanyaranit logon ti lopuggo. ko ti do woroni a lokoyok ko lepeŋ i komor.

Mika 6:8 ပူးပေါင်းရင်းမြစ်များ

Suluet 18:19

Kogwon nan a wulun lepeŋ, anyen nye ködyo saŋu ŋwajik kanyit ko Ŋutu ti mede nanyit lo gwon kanyit i mukök kilo, anyen se ködyo kebbu kiko liŋ lo MATAT i koŋdya na kulya na rigwo ko i ’duŋgö na kulya gwogwo; anyen nan MATAT böŋö jakiŋdya Abarayama ŋo nagon nan a milyekin lepeŋ kune.

Suluet 5:22

A i mukök na yuŋuŋdye nye Metusela nu, a Enoka wöröni ko ŋun ko kiŋajin miajin musala, a nye yuŋuŋdye kulye ŋwajik lyan ko nawate.

2 Dekat 30:11

Tuŋ ŋutu ku ’dik ti Aser, ko ti Manase, se ko ti Jebulun a tokoyogga ’borik a poŋdi Yerusalema.

2 Dekat 32:26

Ama a Kijikia iŋge tokoyogga mugun i bu ’ya nanyit na kwe, a ŋutu ti Yerusalema köti iŋge tokoyogga ’borik ko lepeŋ i pirit na geleŋ, nyena a woran na MATAT gwe a ko ’dukin kase loki i perok ti Kijikia.

2 Dekat 33:19

Koti kulya ti momolesi kanyit gwoso nagon Ŋun a ruŋge lepeŋ na, ko toronjin kanyit ko lawesi kanyit liŋ, se ko piriton nagon nye a ’duk i ko ’dulan ti merya kune, a togwo ’yi kaden ti mian logon a Asera, se ko nyomuejin, i ŋerot nagon nye tokoyoggi mugun, mete, kine a wuröki i Dekat ti kametak ti kulya na popo.

2 Dekat 33:23

A lepeŋ gwe a ko tokoyogga mugun ko MATAT i komor, gwoso na tokoyoggi Manase monye lonyit köju nu, ama a toron na ŋilo Amon ŋine ŋdi parik.

2 Dekat 34:27

Kogwon töili ilot lilik, a do tokoyoggi mugun ko Ŋun i komor, na yiŋge do kulyaesi kwe i kulya ti na pirit, ko i kulya ti ŋutu kanyit, ko do köti a tokoyogga mugun koyo i komor, ko a kekereŋdya boŋgwat kunok, a gwine gwien koyo i komor, a nan köti iŋge yiŋ do, nan MATAT lo kulya sona.

Nemaya 9:13

Koti do a po ki yu i mere Sinai, gworo ilot a kuun i ’diko ko lepeŋat ni i tiŋdu na se ’duŋesi na ’but ti kulya, ko saresi ti to ’diri, ko saresi lo ’but lo wurö, se ko jujuwesi,

Saumajin 101:1

yoyo ’yu kulya ti twöju ko kulya ti ŋutet lo rigwo, nan yulukindyö do puresi ŋon MATAT.

Saumajin 112:4

Parara ŋuŋukun i mudwe lukata i ŋutu lo rigwo; kogwon MATAT a kanyaranit, lepeŋ wowon konyen parik ko ŋutu, lepeŋ a lo rigwo.

Saumajin 112:9

Nye a gwelakindya abur, nye a ’dogga ŋutu lo yöŋö ŋo kilo; löti lonyit lo rigwo yeyeŋon ŋupi; lepeŋ a ŋuto lo riŋit logon bubula.

Saumajin 37:26

Nye yeŋon ’dogga abur, a nye tindi ŋutu logon ’de ’dekan kuŋö, a nyakwariat kanyit iŋge ’boria.

Saumajin 73:28

Ama gwon a na ’but köyö i mi-jun nyona ko Ŋun ni; nan a wulundyö MATAT ŋun a ’danaet lio, anyen nan böŋö tuköddu konesi kunök liŋ.

Tolupesi 21:3

Kondya na ŋo nagon a na ’but ko ŋo nagon gwon jojo tutulyöŋ MATAT lwölwöŋ nagon do ’duŋökindyö lepeŋ rubaŋga.

Katokuönit 12:13

Na a ’dutet na kulya; do aje yiŋ se liŋ. Kuŋge ŋun, ko twöji saresi kanyit; sekine ŋo nagon ŋutu ködyö kökon.

Yisaya 56:1

MATAT lo kulya sona adi, ’Debbi ta ’duŋgö gwogwo, koŋdi ta kulya na rigwo, kogwon i diŋit a na ’dit döŋdi a lwökit nio nagon nan lwöŋgi ŋutu nade poni pö a de kweyani kweya.

Yisaya 57:15

Kogwon nan, lo gwon ki pajo, nan si ’da ŋupi, logon karin kwe luŋu a Loke. Nan kulya adi, Nan gwogwolor ki i pirit nake na rurwan, i pirit na geleŋ ko ŋutu logon ködudwölön kase a muyukaji kak kö a lokoyokak, i torujo na ködudwölön ti ŋutu lokoyokak, ko i torujö na töilyet ti ŋutu lo muyukaji kak.

Yisaya 66:2

Kogwon könisi kwe a gweja kine ŋo liŋ, a kine ŋo liŋ gwe a kwe, nan MATAT lo kulya. Ama ŋuto logon nan memet lo a lomeri ko a muyukaji kak kanyit i ködudwö, logon böböŋdu kogwon kulyaet liŋ.

Yeremia 22:16

a ’duŋgö putesi ti lomerika ko ti ŋutu lo yöŋö ŋo;a kirut po liŋ gwe ’bura.ŋina ŋona ’bayin a deŋdya na nan le? Nan MATAT lo pija.

Yeremia 22:3

MATAT lo kulya adi, ’Duŋge ta putesi jojo ko torigwo, lwökuŋdye ta ŋutu i konisi ti karudak logon a ryaggu se kulo. Ko koŋdya ta a naron, ko mörö ta ko ŋutu lo si ’da a lepelok, kode ko kikijikö kode ko karu ’bejin, köti an ta ko ’buköddu ta rima na mamaŋa i na pirit.

Yeremia 9:23

Nan MATAT lo kulya adi, Ti ŋuto lokoŋ gwe ti bu ’ya mugun ko koŋon nanyit, ko ti ŋuto wa gwe ti wa ’yu mugun ko riŋit nanyit, ko ti ŋuto kwörinit gwe ti bu ’ya mugun ko tukwörien nanyit,

Delyasi 3:26

Ködyö gwon a na ’but ko ŋuto gwon ko taliŋ i möŋdu na MATAT anyen MATAT lwöggu lepeŋ.

Ejikele 16:63

A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.

Ejikele 33:14

Ma ’di köti ko nan a kulya ko ŋuto loron adi nye ’diri mo twatwan, ama ko nye a löpuggö i toron nanyit, a koŋdi ŋo nagon a na ’but i saret ko a gwak,

Daniele 4:37

Nyena nan Nebukadanesar a puŋa ko a yuöggu ko a bu ’ya Mor lo ki, kogwon konesi kanyit liŋ gwon rigwo, kikolin kanyit a gwak; a lepeŋ gwe ko riŋit i tokoyogga na ka ’du ’du-ŋak.

Osea 12:6

Nyena yitwene ta, Ŋun losu ŋaparakin ta, ’debbi ta go nyaŋu se ko ’duŋgö na rigwo, ko mömöŋdi ta Ŋun losu diŋitan lio.

Osea 6:6

Kogwon nan ’de ’dekan adi ti ŋutu nyare nyar nan ko nyaŋu nagon ti ’duddyö kwöŋ na, ti gwon i tiŋdu na rubaŋgajin; nan ’de ’dekan adi ti ŋutu dene den nan Ŋun lwölwöŋ ’yuŋa na rubaŋgajin.

Lewi 26:41

a nan wöröjine a wok kasu a joŋgi lepeŋat tojo i jur lo merok kase; nyena ko töilyet kase logon a ti ŋutu logon a ko yubbö nan kulo a tokoyokwe kak, a se iŋge ropakin ŋonyan nase;

Amosa 5:24

Ama ti ’duŋo na putesi gwogwo konani kona parik gwoso karya lo ’bukuŋdyo kak, ko ti loti lo rigwo konani kona parik gwoso kare lo ’do ’dokon ŋupi.

Mika 6:9

Yiŋge ta gworo lo MATAT, logon tokoŋgu ŋutu lo twöju lepeŋ kulo, MATAT luŋgu köji adi, Yiŋge, do kotumit na ŋutu lo momora köji kata!

Jepania 2:3

Ta ŋutu liŋ lokoyokak ti jur, ta lo twoju saresi kanyit kulo, ga ’yi ta MATAT; ga ’yi ta loti lo rigwo, ga ’yi ta gwon ko toilyet lokoyokak, kode ŋona ta mo ryoryo pirit rupit i lor lo pokiŋdye ŋoma na MATAT nu.

Jakaria 7:9

MATAT lo kurumi lo kulya adi, ’Duŋge ta putesi rigwo, koti ŋutu liŋ ge-leŋ geleŋ kwekiŋdye ’borik nyaŋu kowon na konyen,

Matayo 5:3

ŋutu logon a lomerika i töilyet kilo a kalyöŋök; kogwon Tumatyan na Ki a nase.

Matayo 5:7

ŋutu logon wowon konyen ko ŋutu kilo a kalyöŋök; kogwon se mo woworikin konyen.

Luka 10:42

Ŋo geleŋ na ’dekarikin tuŋ. Maria aje wuluŋdyö swöt lo ’but logon mo ti ’dumaji kaŋo kanyit kwöŋ.

Luka 11:42

Woidio ta Parusijin! Ta ’dogga ko swöt topuökit lo nana ko lo mulukia logon a jiyo, se ko lo koropo liŋ na to ’busarikin kinyo, ama a ta kölökiŋdye ’duŋgo na kulya gwogwo se ko nyaŋu na ŋun. Kine ŋo a se nagon ta kodyö kökon, a gwe ti kölokin kunie a ko kona.

Luka 12:14

A nye waddi adi, Do ŋilo ŋuto, ŋa lo ’burukiŋdya nan kasu ŋerot a ka ’duŋonit kode a kakoranit?

Luka 6:36

Wone ta konyen ko nutu gwoso nagon Monye losu wowon konyen na.

Roma 7:16

A ko nan koŋdya ŋo nagon nan ködyö ti ’dekan koŋdya kune, kweja adi nan a ruk kilo Saresi adi se a lo ’but.

Roma 9:20

Ama do ŋuto kana, do a ŋa anyen ŋetakiŋdya Ŋun kulya? Sape ŋona bubulö pija kagweyanit lonyit le adi, Ko nyo nagon do gweja nan sona?

1 Korinto 7:16

Do nakwan, do den ada kode do ŋona mo lwölwök lalet ilot? Do lalet, do den ada kode do ŋona mo lwölwök nakwan inot?

Epeso 4:32

Gwe ta a lo ’but ko ’börik, ko i won konyen ko ’börik, ko i topitökin ko ’börik gwoso nagon Ŋun köti a pitökiŋdye ta ko Kristo i mugun na.

Nyökit 27:10

Nyenagoŋ ta ködyö yiŋga gworo lo MATAT Ŋun losu, i koŋdya na jujuwesi kanyit, se ko saresi kanyit lo wurö, logon nan aje sarakin ta i lo lor kulo.

Nyökit 30:15

Meddi ta, nan aje tiŋdu kasu i komor i lo lor ru ko kulya na ’but, se ko twan ko kulya narok.

Kolosai 3:12

Nyenagon gwoso nagon Ŋun aje wulun ta a ŋutu kanyit lo nyanyara na, jupukiŋdye ta kine ŋo gwoso boŋgwat, kweja adi, won na konyen, ko kwekiŋdya na ’busan, ko tokoyokan, ko pele na lilik, se ko ŋoŋga taliŋ.

2 Tesalonike 2:16

Ti Matat Yesu Kristo ko mugun nanyit, se ko Ŋun Baba likaŋ logon nyanyar yi, ko a won konyen koyi i togo ’yu na yi ko tŋgolet nagon yeyeŋon se ko yenet na ’but lo,

Yakobo 2:20

Do ŋutu lu ’böŋ! Do a ko den le adi yupet nagon ’bak konesi na gwon gwoso ŋutu nagon a ’baŋ?

Yosua 24:14

Nyenagon so pinana kuŋge ta MATAT, ko kitakiŋdye ta lepeŋ i tugwakan ko i to ’diri; ko paji ta ŋunyen logon merenyejin kasu aje kitakiŋdya lepeŋat i nu pele na lu Kare ko i Ejipeto kulu, ko kitakiŋdye ta MATAT.

1 Petero 3:8

Kune gwe a kulya ti ’dutet adi, ta liŋ ködyö gwon ko töili gelen, i ŋaŋu na delyaesi ko lyöŋesi i pirit na geleŋ ko kulye ŋutu; tunyare ta tunyar ko ’börik gwoso luŋasirik, gwe ta kowon na konyen se ko töilyet lokoyokak.

1 Samuele 12:23

Ama nan kwöŋ ti bulö toroŋdya MATAT i kö ’yu na momo ’yu na lepeŋ i kulya kasu; a nan mo todinikiŋdye ta kiko logon a lo ’but ko a lo rigwo.

1 Samuele 15:22

A Samuele pije adi, MATAT ŋona bubulö lyöŋön ko rubaŋgajin lo ’yu ’yura ’buluŋ ko lo ’du ’duŋö kilo kwölwöŋ lyöŋön nanyit ko ŋutu a twöju gworo lonyit le? Mete, twöju a na ’but lwölwöŋ rubaŋgajin, yiŋga a na ’but lwölwöŋ welet na lopoŋoki.