Mika 6:3 - Bibilia Buk na Ŋun nagon koti luŋu a

³ Ta ŋutu kwe, nan agu a kona-kiŋdya ta nyo? Nan darari ta i nyo? Nyoŋe ta nan!

Mika 6:3 ပူးပေါင်းရင်းမြစ်များ

Saumajin 50:7

Ta ŋutu kwe, yiŋge ta, nan de jajambu; ta ŋutu ti Yisaraele, nan de totokor kulya kasu adi ta a lorok. Nan a Ŋun logon a Ŋun losu.

Saumajin 51:4

Nan a torondya do, ’diri nan a torondya do tuŋ, a nan aje kondya ŋonyan konut i komor; anyen do böŋö ködyö kurwe a loke ko liliesi kunök, anyen do ’bu ’buŋu i ’duŋgö inot na ŋutet.

Saumajin 81:13

A ŋon, ko ködyö ŋutu kwe Yisaraele yiyiŋ nan, nyena se ködyö wöwörö i kikolin kwe!

Saumajin 81:8

Ta ŋutu kwe, yiŋge ta, a nan de jujuje ta; a, ŋon ŋutu ti Yisaraele, ko ta ködyö bubulö yiŋga nan!

Yisaya 5:4

Do a nyo koti nagon ködyö konaki melesen nio na binyo, nagon nan a ko nyuŋ konakin lepeŋ? Na yeŋdi nan lepeŋ i radan nanyit na ludweki na, nyo nagon lepeŋ radan ludweki logon a liabe?

Yeremia 2:31

Ta nyakwariat, tirikuni ta kulya­et lio lo MATAT. Nan köju ŋona gwon a yöbu i Yisaraele, kode a kak nagon a mudwe le? A kirut nyo nagon ta ŋutu kwe kulyani adi, Yi gwe a lui; yi tine ’bön yitö konut ŋini kwöŋ?

Yeremia 2:5

Nan MATAT lo pija ta adi, Merenyejin kasu ŋona a ryeju toron a nyo köyö nagon se mijörö pajo köyö na, a kepoddi ŋo nagon ’bak ’bulit, a worani ’bak ’bulit na?

Mika 6:5

Ta ŋutu kwe, yiyiuŋdye ta ŋo mwonyit nagon Balak mor lo Moaba a teteŋdya i mwon ko ta na, a Balam ŋuro lo Beor iŋge wasakin lepeŋ ada; koti yiyiuŋdye ta ŋo nagon a pukun suluja Sitim tojo ko Giligala kune, anyen ta kodyo deden adi nan MATAT a katelanit.

Roma 3:19

Yi a den adi ŋo liŋ nagon kilo Saresi a tuk kine a ti ŋutu lo ’debba kilo Saresi kulo, anyen ŋuto gwon ’bayin logon ’buruddu mugun kaŋo anyen ŋutu liŋ ti kak ’bukuluŋ gwon i putet lo non.