Mika 5:8 - Bibilia Buk na Ŋun nagon koti luŋu a

⁸ A pitono ti ŋutu ti Yakobo mo gwe i kiden na juron ko i kiden na gweyajin ti ŋutu jore, gwoso komiru i kiden na kijakwa ti mu ’diŋ, ko gwoso komiru titinti i kiden na yidin, a ko lepeŋ gwugwuoddu, a ryoka-kiŋdye yidin kak, a kekereŋdi se, a kalwokonit gwe ’bayin.

Mika 5:8 ပူးပေါင်းရင်းမြစ်များ

Suluet 49:9

Yuda a tore lo kömiru; ŋuro lio, do aje yitwe i koja.Nye a rupakiŋdya kak, nye a piriki kak rupu gwoso kömiru, ko a piriki gwoso kömiru na nakwan; ŋa logon gona totoŋi lepeŋ?

Saumajin 104:20

Do a tindu mudwe, a kirut kak gwe a tukwaje, a kijakwa liŋ ti mu ’diŋ lupundye kaŋo.

Saumajin 44:5

Yi dudukakin merok kaŋ kak kogwon do lo ŋarakindya yi; iŋkoi, yi ryoryokakin kaŋisak kaŋ kak kogwon karin kunök.

Saumajin 50:22

Nyena ta lo böböŋö Ŋun kilo, yeyeji ta ’bura, an nan kerendya ta, a lele ŋuto gwe ’bayin kwöŋ lo lwölwöŋ-kundyö.

Tolupesi 30:30

Kilo go a kömiru logon a kaŋa i kiden na kijakwa, lepeŋ ti löpukoddu kaŋo ko lele ŋo i komor;

Yisaya 5:29

A wuwuŋi nase gwe gwoso na kömiruöt, a se wuwugine gwoso kömiruöt teton; a se rumöne rumön a morgi go nase na kokoa, a se piköddi nye kaŋo, a lele ŋuto gwe ’bayin logon jojo lwöŋgu.

Ejikele 39:10

A lepeŋat mo tine ’dekan galaddu kaden mu ’diŋ kode tu i rudwö i toggu na kaden na nanama, ama a se mo nambi tito möriesi; nyena a lepeŋat mo ’dumaddi tito ti ŋutu logon a po i ’dumaddu na tito kase kulo, iŋkoi, se mo ryaggu tito ti ŋutu logon a po i ryaggu na tito kase kulo. Kilo a kulyaesi kwe ti MATAT ŊUN.

Osea 5:14

Kogwon nan mo gwon gwoso kömiru i kotumit na Epuraima, nan gwon gwoso kömiru titinti i kotumit na Yuda. Nan ’diri ko mugun nio mo kekeren se ka ’de ka ’de, a iti tu, nan mo jojoŋ se, a lele ŋuto gwe ’bayin lo lwölwöggu.

Mika 2:12

Ta ŋutu ti Yakobo, nan MATAT mo ’diri tutun ta liŋ, a nan mo momori pitono ti ŋutu ti Yisaraele; a nan mo momorakiŋdye lepeŋat i pirit na geleŋ gwoso köbilu i goro, ko gwoso teŋ na yidin i pirit yukit, a se mo woŋe adi, Gumm, kogwon se jore parik.

Mika 4:13

Do köji na Siona, suluje gwuddyo ’bolot gwoso dwöt lo tokitai, kogwon nan mo kökon pogwora kulok a witiöt, a sulukwakan kulok gwe a mölwö, a do mo rarayaggi gweyajin ti ŋutu jore, a do mo wukiŋdye nan MATAT go na ryakun se a ŋo nake na rurwan, a do tiŋdi nan MATAT lo kak ’bukuluŋ tukworien nase.

Mika 4:7

A nan mo gaji ŋutu lo bata kulo a pitönö, a mo koŋdi ŋutu lo riköji kulo a jur iŋgo; a nan MATAT mo lo tumatyane ko se i mere Siona suluja i na diŋit na tojo ko ŋupi.

Mika 5:3

Nyena nye mo puŋutukin ŋutu ti Yisaraele i konisi ti merok kase, tojo ko diŋit nagon ŋuto na gogga i ta ’duuŋdyo na a Iwoggu mugun; a kirut pitono ti luŋasirik kanyit mo yitöni yito i ŋutu kase.

Mika 7:18

ŋa logon a ŋun gwoso do logon pipitokiŋdyö toronjin, a girara a swot a tine met lyaŋesi ti pitönö ti ŋutu kulok lomoriot? Do ti ’de ’ya woran inot ŋupi, kogwon do nyonyola i kwekiŋdya na nyaŋu inot nagon ti ’duddyo kwoŋ na.

Jakaria 10:5

A se mo gwe gwoso ŋutu walan i pirit na geleŋ i mörö, logon ryokakiŋdya merok kase kak i wo ’do ’do ti kikolin; a se mo möröni mörö kogwon MATAT gwon ko se, a se mo te ’yi ŋutu lo wörö ko kusanjin.

Jakaria 11:6

Kogwon MATAT lo kulya adi, Nan mo köti tine won konyen ko ŋutu ti lo jur. Nan mo pakiŋdya ŋutu liŋ geleŋ geleŋ i könisi ti kayukuk kase, ko i konisi ti moran kase; a se mo köŋi na kak, a nan mo tine lwökuŋdyö nene ŋo kase i könisi.

Jakaria 12:3

A mo gwe sona i ŋilu lor a jurön liŋ ti kak mo momora-kiŋdye i mörö ko lepeŋ ni, a nan mo koŋdi Yerusalema a ŋurupit loyödik i gweyajin liŋ ti ŋutu; a ŋutu logon ’dukuŋdyö lepeŋ ki kulo mo ’duŋge ’duŋgo kase i goliŋ.

Jakaria 14:18

A ko ködyö kötumit na Ejipeto ti tu, ko a karakin, a ŋina riŋet na geleŋ kodyö ’duki kase loki nagon MATAT a riŋge kilo jurön logon a ko tu i koŋdya na rorwe lo murugujin.

Jakaria 9:15

A MATAT lo kurumi mo gaji se, a se mo nyaka ’yi kawitok ti wirowirojin a mo ryokakiŋdye se kak; a se mo moji rima kase gwoso binyo, a mo gwe gwoso kalaba nagon a jore, ko gwoso gopesi ti pirit ’yuret na rubaŋgajin na popoka.

Malaki 4:3

A ta mo ryokakiŋdye ŋutu lorok kak, kogwon se mo gwon gwoso kurök kasu i ’dapan i pilu lor lo kitari nan lu, nan MATAT lo kurumi lo kulya.

Kenet 24:9

Nye a rupakiŋdya kak, nye a piriki kak gwoso kömiru, iŋkoi gwoso kömiru nanakwan; ŋa logon totoŋi lepeŋ? Ŋutu liŋ lo ’boroja kötumit inot kulo mo ’bo ’boria, a ŋutu liŋ lo lömbu kötumit inot kulo mo lömöni lömö.

Matayo 10:14

A ko lele ŋuto mo ti ’bön wuju ta kode ti ’bön yiŋga kulyaesi kasu, ko ta ŋiörö ŋiörö i ŋinu mede kode i ŋinu köji, nanane ta kujöŋ na ryoryok ta ko mokosi kasu kine kaŋo.

Konesi 18:6

A lepeŋat renyani lepeŋ, a momoroji lepeŋ. Nyena a Paulo nanaji boŋgwat kanyit kune, a kulyani ko se adi, Ti rima kasu gwe kasu i kusik! Nan a loke. Soŋinana nan lo iti i ŋutu ti kulye jurön.

Ebere 12:25

Kunyar ta, an ta ko renya ta nye lo jajambu lo. Ŋutu logon a renya yinga nye lo kukuju se köju i kak ni kulo, lepeŋat a ko rwöddu i twan, a bia parik yi mo rwöddi ada koyi a löpu-köddu kano i yinga na nye lo kukuju yi ki yu lu.

Ebere 2:3

nyena koyi gwe ti yeyeju lwökit duma parik, a yi mo rwoddi riŋa ada? Matat ko mugun nanyit a kokwe a laŋa ŋina lwökit, a ŋutu lo yiŋga lepeŋ kulo iŋge tukokin yi adi a gwak.