Mika 5:5 - Bibilia Buk na Ŋun nagon koti luŋu a

⁵ a nye mo gwe a ŋuto lo taliŋ. A ko ŋutu ti Asura a lupuŋdyo kayaŋ i jur, a ryoryöggi kujoŋ kaŋ, a yi mo topikiŋdye kayukuk buryo se ko kasarak budok i moro ko se.

Mika 5:5 ပူးပေါင်းရင်းမြစ်များ

Eyobo 5:19

Nye mo lwölwökun do kaŋo i delyaesi buker; ma ’di i delyaet toburyo a ŋo naron mo tine ’bo ’yu do.

Saumajin 72:7

Ti ŋutu lo rigwo ’duröddi ’bura i perok kanyit; ko ti se yeŋe si ’da ’bura ko taliŋ gwoso yaŋa!

Tolupesi 30:18

ŋo musala kode iŋwan kata nagon a tusör nan parik; nan ti kurun se kwöŋ.

Tolupesi 30:29

ŋo musala kode iŋwan kata logon kwekwelen i wörö, se wörö ko ’du ’dugga parik.

Tolupesi 6:16

Do jore kata nagon MATAT maman,

Katokuönit 11:2

ŋaŋi ŋo kunok ko ŋutu buryo kode ko ŋutu budok, kogwon do ti den ko ŋo naron a nyo nagon ködyö pokin i kak.

Yisaya 14:25

adi nan mo ’beleŋgu ŋutu ti Asura köyö i jur, a nan mo ryokakiŋdye lepeŋat kak ko mökot köyö i merya loki; a gwuluŋi lose lo Asura mo wusajine kaŋo kasu, a sopet nase mo joŋani kaŋo kasu i gelya;

Yisaya 44:28

Nan nye lo jambu i kulya gi Korese, adi, Nye logon a kayukunit lo ŋutu kwe, a nye mo koŋdi ŋo liŋ nagon nan ’de ’dekan; a nan jambi i kulya ti Yerusalema adi, Ti nye ’duköni ’dukö, ko i kulya ti kadi nio na MATAT adi, Do mo pipilu köti.

Yisaya 59:19

Nyenagon a se mo kujönöni karin ti MATAT suluja i swöt lo tokotyaŋ, se ko bulet nanyit suluja i swöt lo ’yure; kogwon nye mo popo gwoso kare lo ’do ’dokon, logon a wuköji ko köbuŋöt lo MATAT.

Yisaya 65:8

MATAT lo kulya sona adi, Gwoso nagon binyo ryerye i kwe na ludweki ti binyo na, a ŋuto kulyani adi, Ko kör lepeŋ, kogwon ’boriet gwon i lukata nase, nyena a nan mo koŋdi sona kogwon kulya ti kölipönök kwe, a mo -tine tukaŋu kötumit nase liŋ.

Yisaya 7:14

Nyena a MATAT ko mugun nanyit mo tiŋdi ta kweyet. Mete, a ’diet mo gwe ko pele, a mo ta ’duuŋdye ŋuro, a mo gwije lepeŋ a Imanuele.

Yeremia 33:15

A i kilu perok ko i ŋinu diŋit a nan mo towiluŋdye Kene na löti lo rigwo i kötumit na Dawidi, a nye mo ’duŋge putesi jojo, a mo koŋdi kulya na rigwo i jur.

Amosa 1:3

MATAT lo kulya adi, Nan mo tine lopuk riŋet, kogwon Damaseke a koŋdya aka toronjin jore; kogwon ŋutu kanyit aje jojogga ŋutu ti Gilada ko witiot jojokesi lo jijiko.

Amosa 1:6

Nan MATAT lo kulya adi, Nan mo ti lopuk riŋet, kogwon Gaja a koŋdya aka toronjin jore; kogwon ŋutu kanyit a joŋga ŋutu lio ti jur a ’dupi, a wukiŋdye se ko ŋutu ti Edom i konisi.

Jakaria 10:11

A delyaesi mo poki i kare Perat, a nan mo gwuddye yalajin kanyit, a piritön nagululök ti Supiri mo lilikara ki. A bu ’ya na Asura na kwe mo nyökwene kak, a ture lo Ejipeto lo tumatyan mo liki likin.

Jakaria 10:3

A woran na MATAT tuleki i kayukuk, a nye mo riŋge lopijoki; a MATAT lo kurumi ’yö ’yi teŋ nanyit nagon a kötumit na Yuda ko kulya na ’but, a mo tiŋdi se i gwon gwoso kusan nanyit nagon ko riŋit möriet i gor.

Jakaria 12:6

A i ŋilu lor a nan mo tiŋdi ’duŋesi ti kötumit na Yuda i gwon gwoso ta ’dok na gwon ko kimaŋ i kiden na kaden, ko gwoso kalyati na tutule i kiden na kusik ti ’bolot; a se mo nyöörö gweyajin liŋ ti ŋutu lo gwon kase i mara kulo i swot lo lutaten ko i swöt lo kadoŋe, ama a ŋutu ti Yerusalema mo yeŋe gwon Yerusalema i köji nase.

Jakaria 9:10

A nye mo ’dupoddi arabiajin lo jijiko kaŋo Epuraima yu, se ko kusanjin moriesi Yerusalema yu; a dapin moriesi mo ’be ’beleŋoni kaŋo, a nye mo laikiŋdye taliŋ i juron; a tumatyan nanyit mo suluje i nene tor tojo ko nene tor, ko i kare Perat tojo ko ’dutesi ti kak. ŋutu ti Yerusalema mo nyokwe kase i jur

Jakaria 9:13

Kogwon nan a rokuŋdya Yuda a daŋ nio; a nan sukiŋdye Epuraima a lowe lio. Do Siona, nan mo momok ŋwajik kulok gwoso baŋdu lo kamoro-nit, anyen yikarikin ŋwajik kulok, do jur lo Giriki.

Luka 2:14

Ti bulet gwe ko Ŋun lo ki, ko i kak ni ti taliŋ gwe ko ŋutu logon Ŋun lyölyoŋön ko lepeŋat kulo.

Yoane 14:27

Taliŋ nagon po köyö na nan aje kölökin ta a ’doket. Taliŋ nagon nan titin ta na ti gwon gwoso na tiŋdi ŋutu ti na kak kulo na. Ti töilyet kasu gwe ti delya, ti se gwe ti kujönö.

Yoane 16:33

Nan aje jamakin ta kine kulya anyen ta boŋö gwon ko taliŋ köyö i mugun. I na kak ta gwon i diŋit ŋoŋet. Ama togo ’yi ta töilyet, kogwon nan aje te ’ya na kak.

Kweyatti 17:14

A se mo möröni ko ŋilo Kilolor, a ŋilo Kilolor mo te ’yi lepeŋat, kogwon lepeŋ a Matat lo kimak ko a Mor lo moran. A ŋutu lo gwon ko nye kulo mo paruŋdye te ’ya nanyit, kweja adi kilo a se logon nye a luŋun ko a wulun, ko a gwo ’dan go kulo.

Kweyatti 19:14

A teŋon ti kamörök ti ki kepoddi lepeŋ, wörö ko kusanjin nakwe ko a jupu boŋgwat na ’but nakwe ko a nake.