Mika 5:3 - Bibilia Buk na Ŋun nagon koti luŋu a

³ Nyena nye mo puŋutukin ŋutu ti Yisaraele i konisi ti merok kase, tojo ko diŋit nagon ŋuto na gogga i ta ’duuŋdyo na a Iwoggu mugun; a kirut pitono ti luŋasirik kanyit mo yitöni yito i ŋutu kase.

Mika 5:3 ပူးပေါင်းရင်းမြစ်များ

1 Moran 14:16

A nye mo wukiŋdye ŋutu ti Yisaraele kogwon toronjin ti Yerobama, nagon nye a toroŋdi ko nagon nye a tiŋdi ŋutu ti Yisaraele i toroŋdya kune.

2 Dekat 30:7

An ta ko gwon ta gwoso merenyejin kasu kode luŋasirik kasu logon a ko twoju MATAT Ŋun lo merenyejin kase, a nye iŋge kon lepeŋat a sorit gwoso na meddi ta nu.

Saumajin 67:3

Ti gweyajin ti ŋutu pupurje do ŋon Ŋun; ’diri ti gweyajin liŋ ti ŋutu pupurje do!

Yisaya 11:11

A mo gwe sona i ŋilu lor, a MATAT mo riöddi könin lonyit daŋ tomurek i toyituŋdyö na pitönö ti ŋutu kanyit lo pituŋdyö, i Asura, ko i Ejipeto, ko i Patorosa, ko i Etiopia, ko i Elam, ko i Sinar, ko i Kamat, ko i tikönyö.

Yisaya 49:6

a nye kulyani adi, Kita nagon nan a tin do i gwon a kölipönit liŋ na a ŋo na ’dit, anyen do ’bilikiŋdya kötumitön ti Yakobo ki, ko anyen nyökuŋdyö ŋutu ti Yisaraele logon a lwökö; nyena a nan mo tiŋdi do a parara i ŋututi jurön, anyen lwökit nio böŋö yegaddu tojo ko ’dutesi ti kak.

Yeremia 23:5

Nan MATAT lo kulya adi, Mete, perok molu popo logon nan mo towiluŋdye Kene na löti lo rigwo i kumut na Dawidi, a ŋina Kene mo gwe a mor logon saŋu ko koŋon, a mo ’duŋge putesi jojo, a mo koŋdi kulya na rigwo i jur.

Yeremia 31:1

Nan MATAT lo kulya adi, I ŋinu diŋit nan mo gwon a ŋun lo kötumitön liŋ ti Yisaraele, a se mo gwe a ŋutu kwe.

Ejikele 34:16

a nan mo tiŋdi se i peron kak, ŋilo a nan MATAT ŊUN lo kulya. A nan mo galaddi nagon a likin kune, a nan mo nyökuŋdye bot nagon a girara kaŋo kune, a nan mo doggi nagon a böböŋoji kune ko rubatan, a nan mo ruruŋge se nagon a namunyak kune, a nan mo meddi napir ko nago; a nan mo tunyeji se ’bura.

Osea 11:8

Epuraima, nan ŋona bubulö kö-löddu do ada? Yisaraele, nan ŋona bubulö ŋa-kiŋdya do ada? Nan ŋona bubulö konakiŋdya do gwoso Adema ada? Nan ŋona bubulö koŋdya do gwoso Seboim ada? Töili lio lukata aje kukutörö bot, konyen kwe ga ’yu won konyen ko do parik.

Osea 2:14

Nyenagon, mete, nan mo lulu-kun Lepeŋ, a joŋgi Lepeŋ mu ’diŋ, a jamakiŋdye Lepeŋ kulyaesi lo ’but.

Osea 2:9

Nyena nan mo nyonyökörö ’bolot kwe i diŋit nase, ko binyo kwe i diŋit nase; a nan mo ’dumaddi kupir ti köbilu se ko waratat nio pisite nagon gweya a boŋgwat nagon ködyo muggo to ’buson nan-yit.

Amosa 5:15

Maŋdi ta kulya narok, nyaŋi ta kulya na ’but, ’duŋge ta putesi gwogwo i piriton ti putesi; kode ŋona MATAT ŊUN lo kurumi mo wowon konyen ko ŋutu lo pituŋdyö ti kötumit na Yosepa.

Mika 4:4

Ama a ŋutu lio mo sakani i mukökö ti kaden kase ti binyo ko ti ki ’biet, a lele ŋuto mo gwe ’bayin lo tokujöŋdu se. Kogwon MATAT lo kurumi ko mugun nanyit aje jambu sona.

Mika 4:7

A nan mo gaji ŋutu lo bata kulo a pitönö, a mo koŋdi ŋutu lo riköji kulo a jur iŋgo; a nan MATAT mo lo tumatyane ko se i mere Siona suluja i na diŋit na tojo ko ŋupi.

Mika 5:7

A pitono ti ŋutu ti Yakobo i kiden na gweyajin ti ŋutu jore kulo mo gwe gwoso puŋutut lo po ko MATAT yu, ko gwoso lilima na ’don i doru loki, nagon ti karakin i mordu na ŋutu kwoŋ.

Mika 5:8

A pitono ti ŋutu ti Yakobo mo gwe i kiden na juron ko i kiden na gweyajin ti ŋutu jore, gwoso komiru i kiden na kijakwa ti mu ’diŋ, ko gwoso komiru titinti i kiden na yidin, a ko lepeŋ gwugwuoddu, a ryoka-kiŋdye yidin kak, a kekereŋdi se, a kalwokonit gwe ’bayin.

Mika 6:14

Ta mo nyenyesu, ama a ta mo tine yimönö. a pelela kasu mo gwe ko magor, ta mo wusaddu po kasu i ’dela ama a mo tine si ’da ’bura, ama po logon ta a wusara i ’dela kulo nan mo titikin se i tatua ko baŋdujin.

Mika 7:13

A kak se ko ŋutu kanyit mo koroni koro, kogwon konesi kase narok na kon se kune.

Jakaria 10:6

A nan mo togo ’yi kötumit na Yuda, a nan mo tiŋdi kötumit na Yosepa a katelak. A nan mo toyituŋdye se kogwon nan a won konyen ko se, a se mo gwe gwoso nagon nan a ko pa se; kogwon nan a MATAT ŋun lose a nan mo yiŋge se.

Matayo 1:21

A nye mo ta ’duuŋdye ŋuro lulalet, a do mo gwije lepeŋ a Yesu, kogwon lepeŋ mo Iwolwok ŋutu kanyit i toronjin kase.

Matayo 12:50

Kogwon ŋuto logon kökon ŋo nagon Baba lo gwon ki lu ’de ’dekan na, nye lo gwon a luŋaser liŋ, ko a kiaser nio, ko a yaŋgo.

Matayo 25:40

A nan Mor mo waddi adi, ’Diri nan takiŋdya ta adi, gwoso nagon ta a konakiŋdye ma ’di lele geleŋ lo ’dit lo kilo luŋasirik kwe, kweja adi ta a konakiŋdya nan.

Roma 8:29

Kogwon köju ’beron Ŋun a den ŋutu kanyit, a iŋge gelakin se anyen kelaji gwoso Ŋuro lonyit, anyen ŋilo Ŋuro ködyö gwon a kayu lo luŋasirik jore.