Mika 5:2 - Bibilia Buk na Ŋun nagon koti luŋu a

² Ama ta ŋutu ti Beteleme na gwon i jur lo Eparata, ma ’di kodyo kotumit nasu a na ’dit i kiden na kotumiton ti Yuda, ama lele ŋuto mo pupukun kasu kiden a lio logon a kasaranit lo Yisaraele, logon pipiluŋdya ’beron koju nu, i perok ti ’beron kulu.

Mika 5:2 ပူးပေါင်းရင်းမြစ်များ

Suluet 35:16

A se ŋiörö kaŋo Betele; a nagon se nyuŋ pajo madaŋ ko Eparata nu, a Raele yöŋöni ta ’du, a ta ’du nanyit gwe a nago parik.

Suluet 35:19

A Raele twane twan, a nukani nuka i kiko lo tu Eparata. (Eparata a Beteleme.)

Suluet 48:7

Kogwon na poŋdi nan Padan yu nu, a Raele twane twan i kiko i jur lo Kanana, na gwoŋdi Eparata nyuŋ pajo madaŋ nu, a ŋina gwe a delya köyö; a nan nuggi lepeŋ i kiko lo tu Eparata. (Eparata a Beteleme).

Suluet 49:10

Ture lo tumatyan ti wuddya ko Yuda i könin, iŋkoi, kasaranit mo ti jaran pukun i kiden na mokosi kanyit, tojo ŋilo ŋuto a po logon kine go a kanyit lo; a gweyajin ti Ŋutu mo twöji lepeŋ.

1 Dekat 2:54

A ŋwajik ti Salema gwe a ko Beteleme, ko ŋutu ti Netopa, ko Atarot-bete-yoaba, se ko swöt lo kötumit na Manakat logon a ŋutu ti Sori.

1 Dekat 4:4

A Penuele yuŋuŋdye Gedor ko Ejer monye Kusa. A kilo gwe a ŋwajik ti Kur kayu lo Eparata, monye Beteleme.

1 Dekat 5:2

kogwon Yuda a duma lo luŋasirik kanyit, köti kasaranit pipiluŋdya ko lepeŋ, ma ’di nagon köju to kayu gwon ko Yosepa).

Saumajin 132:6

Meddi, yi aje yiŋ kulya ti sanduk na tomoret Eparata yu, yi a ryö lepeŋ i yöbuöt ti Yaar.

Saumajin 90:2

Do ŋupi a Ŋun suluja i diŋit nagon merya a ko nyuŋ gweya, nagon do a ko nyuŋ gweja kak ’bukuluŋ nu, do a Ŋun ŋupi ŋupi ’bak ’dutet.

Yuörö 18:21

Nyenagon wuluŋdye Ŋutu i kiden na kilo Ŋutu liŋ logon a mirya i teteŋdya na kulya, logon kukuk Ŋun, logon a Ŋutu ti to ’diri, logon maman po na ropaki a lwön. Tiŋdi Ŋutu gwoso kilo i gwon a kasarak ti Ŋutu aliŋan, ko ti miajin, ko ti merya mukanat se ko ti puök.

Yuörö 18:25

A Mose wuluŋdye Ŋutu logon a mirya i teteŋdya na kulya kulo i kiden na Ŋutu liŋ ti Yisaraele, a tiŋdi se a kusik ti Ŋutu, ko a kasarak ti Ŋutu aliŋan, ko ti miajin, ko ti merya mukanat se ko ti puök.

Yisaya 11:1

A kene mo wilu i kumut na Yisai, a kene mo ŋunu kaŋo i kokori kanyit.

Yisaya 53:2

Nye a ’duröddu ki ko Matat i komor gwoso ködini logon nyuŋ punun a lomunyan, logon kokori kanyit gwon i kak nateyon; kogwon kwelen nanyit ’bayin ma ’di bulet köti anyai yi ködyö diŋa lepeŋ, kode meta a na ’but anyen yi ’de ’deŋgi nye.

Yisaya 55:4

Mete, nan köju a tiridu lepeŋ i gwon a katokuönit i gweyajin ti ŋutu, ko a kanyömönit ko a kasaranit lo gweyajin ti ŋutu.

Yisaya 7:14

Nyena a MATAT ko mugun nanyit mo tiŋdi ta kweyet. Mete, a ’diet mo gwe ko pele, a mo ta ’duuŋdye ŋuro, a mo gwije lepeŋ a Imanuele.

Yeremia 30:21

A matat lose mo gwe a ŋuto lose, iŋkoi, a lele lose mo puku i saŋuna se. A nan mo tiŋdi lepeŋ i mijun köyö nyona, a nye mo poŋdi köyö nyona, ko ’bayin sona, a ŋa logon papakanyit pukun i kalet no kiŋdya ru nanyit i po köyö nyona? ŋilo a nan MATAT lo pija.

Osea 6:3

Ti yi dene ta den MATAT, ti yi ri ’dikiŋdye ta ’börik i deŋdya na lepeŋ; ŋo nanyit a gwak gwoso nagon kak ’diri babaŋuŋdye na; lepeŋ mo ŋoŋo kayaŋ ni gwoso lilima, ŋo nanyit gwoso ’don na kudu lo kiser lo popogga kak.

Amosa 9:11

A i ŋilu lor a nan mo ’bilikiŋdye tumatyan na Dawidi ki nagon gwoso morogo nagon a ’doro kak na, a nyöggi teteŋdya piriton kanyit na tutulujo, a ’bilikiŋdye murwo nanyit ki a nyöggi ’duggö nye gwoso na ’beron koju nu,

Mika 4:10

Do köji na Siona, tomieni tomie i ruuŋdya, gwoso ŋuto na tata ’du; kogwon soŋinana ŋutu kulök mo kökolokin köji a si ’dani mu ’diŋ, a se mo iti tojo Babela. A se mo lwökoni lwökö nyu, a MATAT mo riŋuŋdye se kaŋo i könisi ti merok kulok.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Jakaria 9:9

Ta ŋutu ti Siona, lyoŋi ta lyoŋon parik! Ta ŋutu ti Yerusalema, maraŋgi ta maraŋgu! Mete ta, mor losu ŋilo popo kasu ni; nye aje tutuŋgo moro ko aje te ’ya, lepeŋ a lokoyok i si ’da ’e i kaine, i kolojityo tore lo kaine.

Matayo 2:1

A nagon Yesu aje yuŋwe i Bete-leme na Yudaya i diŋit na gwoŋdi Erode a mor nu, mete, a ŋutu lokoŋ ti swot lo ’yure poŋdi Yerusalema,

Matayo 2:6

Ta ŋutu ti Beteleme na gwon i jur lo Yuda, ma ’di ködyö kötumit nasu a na ’dit i kiden na kasarak ti Yuda, ama kasaranit mo pupukun kaŋö konut logon mo yuggu ŋutu kwe Yisaraele.

Matayo 28:18

A Yesu miju nyona, a kulyani ko se adi, Kido liŋ ki yu ko kak ni aje tiki nan.

Luka 23:2

a lepeŋat suluje pökiŋdyö lepeŋ adi, Yi a ryö lo ŋuto i tulyaŋgu na jur likaŋ, teteŋgu ŋutu i ropakiŋdya na Kaisar usur, köti kulya adi nye ko mugun nanyit a Masia logon a mor.

Luka 23:38

A wuret köti gwe kata kanyit loki, nagon a wurö adi, LO A MOR LO YUDAYAKI.

Yoane 7:42

Kulya ti Ŋun na wurö kune tuggö adi Masia pukun i kötumit na Dawidi, ko i Beteleme i köji na gwoŋdi Dawidi köju kata nu. Ti gwon sona le?

Nyökit 1:15

A nan ’dumuŋdye kusik ti kötumitön kasu, logon a ŋutu lokoŋ lo diniki, a nan tiŋdi se kasu ŋerot a kasarak ti ŋutu alipan, ko a kasarak ti ŋutu miajin, ko a kasarak ti ŋutu merya mu-kanat, ko a kasarak ti ŋutu puök, ko a yumiat gwoso i kotumiton kasu liŋ geleŋ geleŋ.

Kolosai 1:17

Ŋilo Ŋuro kata a kokwe na ŋo liŋ, a ŋo liŋ ’depakiŋdye i pirit na geleŋ kanyit i mugun.

Ebere 13:8

Yesu Kristo gwon jojo kaje ko i lo lor ko ŋupi ŋupi.

Ebere 7:14

Nye ŋilo Matat likaŋ logon ŋutu liŋ deden adi nye a lo kötumit na Yuda lo, a Mose gwe a ko ’diŋdya ŋinu kötumit na jambi nye i kulya ti koanejin nu.

1 Yoane 1:1

Kwe na kulya gwon a Kulyaet lo Ru. Ŋilo Kulyaet koju aje gwon kata suluja i suluet; yi a yiŋ lepeŋ, a yi iŋge met ko konyen kaŋ; yi a dir lepeŋ, a yi iŋge ’bo ko konisi kaŋ.

Kweyatti 19:16

A karin iŋge wuröki kanyit i boŋgo se ko kanyit i puŋdi adi, Mor lo moran ko a Matat lo kimak.

Kweyatti 2:8

Wuröki malaikatat lo kanisa na gwon Samurna na adi, Kilo a kulyaesi ti nye logon a suluet ko a ’dutet lo, logon koju a twan ko koti aje ru lo.

Kweyatti 21:6

A kirut lepeŋ takiŋdye nan adi, Kine kulya aje kona. Nan logon a Alapa ko a Omega, a suluet ko a ’dutet. A nan mo tiŋdi ŋuto lo moka kure lo pioŋ na lelekun i kidi toruet ’bak ropet.

Ka’duŋök 17:7

A lele titinti gwe kata Beteleme na Yuda, lo kötumit na Yuda logon a Lewityo, a nye si ’dani nyu.

Ruta 1:1

A ko gwe sona i diŋit saret na ka ’duŋök a dyaŋ gwe i jur, a lele nuto lo Beteleme na Yuda yuörö i jur lo Moaba, se ko narakwan nanyit ko ŋwajik kanyit murek.

Ruta 4:11

A ŋutu liŋ logon gwon i kotumit ko temejik kulo ruŋge adi, Yi liŋ a katökorok ti kine kulya. Ti MATAT tiŋdi na ŋuto nagon de Joŋa konut mede na i gwon gwoso Raele ko gwoso Lea nagon a pipiluŋdya kotumit na Yisaraele, se liŋ murek. Ko ti do puputuru ŋerot i Eparata, ko ti karin kunok ti Boaja kune kono Beteleme.

1 Samuele 10:19

Ama i lo lor ta aje renya Ŋun losu, logon a lwokuŋdyo ta i diŋitan ka-su nagusulak ko i delyaesi kasu; a ta iŋge kulya adi, ’Bayin, kolumbo tiŋdi yi mor logon tumatyan koyi. Nyenagon soŋinana pepenuŋdye ta ko MATAT i komor i kotumiton kasu ko i ’duŋesi kasu.

1 Samuele 17:12

A Dawidi gwe a ŋuro lo Yisai Eparatatyo lo Beteleme na Yuda. Yisai gwon ko ŋwajik lyan budök. A i kilo perok ti Saula a Yisai ’beron gwe a modoŋ ko kiŋajin jore.

1 Samuele 17:18

köti jaki duma lose lo kamörök aliŋ geleŋ ŋina gwoŋali nagon a tetena gwoso ambatajin puök na. Mete met ko luŋösurök gwon ada, ko jaki nan nene kweyet kase.

1 Samuele 23:23

Nyenagon meddi ta ’bura ko deŋdi ta piritön ’danaesi liŋ na ’danari lepeŋ kunu, a i mukök ti ta yitwene köyö ni ko lore logon a gwak. A kirut nan mo moraddi ko ta; a ko lepeŋ ’diri kata i jur yu a nan mo ga ’yi lepeŋ i kiden na kötumitön liŋ ti Yuda.

1 Samuele 8:12

A nye wulökiŋdye mugun kanyömok ti kamorök aliŋan, ko ti merya mukanat merya mukanat, a kulye mo kuŋi meleseno kanyit, ko a kaŋerak ti ’bolot kanyit; ko a katete-nak ti tito kanyit ti gor ko ti toro ’bo ti arabiajin kanyit lo jijikö.