Mika 4:8 - Bibilia Buk na Ŋun nagon koti luŋu a

⁸ Do bilili tiyit lo yidin, logon a mere lo köji na Siona, kido saret na köju nu mo yiyitwe konut ni, ŋina kido a tumatyan na köji na Yerusalema.

Mika 4:8 ပူးပေါင်းရင်းမြစ်များ

Suluet 35:21

A Yisaraele jölöjine nerot, a ’beggi kemia nanyit i nerot na bilili lo Eder.

2 Samuele 5:7

Kölumbö a Dawidi morgi nu pirit nago nagon a Siona, ŋinu a köji na Dawidi.

Nemaya 3:25

A ko Binui ŋerot a gwe a Palala ŋuro lo Ujai lo nyöggi teteŋdya piritön nagon a kököröju, komorga tuset se ko bilili lo kadi na mor na gwon i pirit na ’du logon pupuru i meta, nyona ko ’baŋ na kadi rereket. A ko Palala ŋerot a gwe a Pedaya ŋuro lo Parosa

Saumajin 24:7

Ta kötumitön ti köji, ’bi ’yi ta kusik kasu ki; ta kötumitön ti köji na yeyeŋon ŋupi, ’bi ’yi ta ’borik ki; anyen Mor lo minyo bubulö luŋö nyin.

Saumajin 48:3

I kadijik ti nu köji ti tomoran Ŋun a dena adi nye a ŋirit ’danaet nago.

Saumajin 61:3

kogwon do gwon köyö a ŋirit ’danaet, a bilili iŋgo i kulya ti merok.

Koli Lo ’but Parik 4:4

Murut inot gwon gwoso bilili lo kadi na ’duk Dawidi na anyen ’delarikin tito möriesi, nagon leleyorikin ’bukwö na ’di ’dik aliŋ geleŋ, se liŋ a ’bukwö ti ŋutu walan kamörök.

Yisaya 1:26

A nan mo nyökuŋdye ka ’dugök kulök gwoso i diŋit na kokwe nu, ko ŋutu lokukwön kulök gwoso i suluet. A molu do mo luguni a köji na ŋutu ti löti lo rigwo, a köji na ŋutu lo yiyiniki.

Yisaya 10:32

A i lo lor gwak nye de gwo ’de Noba, a nye de ’di ’diŋge konin lonyit i mere lo Siona, logon a mere lo Yerusalema.

Yisaya 5:2

A nye kuŋi lepeŋ, a ’du ’dumaddi ŋurupö kaŋo, a nye ’yuddi lepeŋ ko kaden ti binyo lo wulwe; a nye tetenakiŋdye taka kanyit kiden, a nye ’bokakiŋdye dili ryoket na ludweki ti binyo nyin; a nye yeŋdi radan nanyit na ludweki, ama a nu melesen rade ludweki logon a liabe.

Daniele 2:44

A i perok ti kilu moran a ŋun lo ki mo togwi ’dikiŋdye tumatyan nagon ti bulö tukara asut, a riŋit saret na ŋina tumatyan mo tine bulö tiki lele gweyari lo ŋuto. A lepeŋ mo gwagwalaggi kine tumatyanjin liŋ i tupesi a tukaŋi se adi sit, a nye mo na yeŋe ŋupi;

Daniele 7:18

Ama ŋutu loke ti Katoŋanit lo ki lio molo wujutumatyan, a ŋinu tumatyan mo yeŋe a nase ŋupi ŋupi.

Obadia 1:21

A ŋutu lo lwoko lo gwon i mere Siona kulo mo kiyaddi ki i mo-gga na mere Esau; a tumatyan mo gwe a na MATAT.

Mika 2:12

Ta ŋutu ti Yakobo, nan MATAT mo ’diri tutun ta liŋ, a nan mo momori pitono ti ŋutu ti Yisaraele; a nan mo momorakiŋdye lepeŋat i pirit na geleŋ gwoso köbilu i goro, ko gwoso teŋ na yidin i pirit yukit, a se mo woŋe adi, Gumm, kogwon se jore parik.

Jakaria 9:10

A nye mo ’dupoddi arabiajin lo jijiko kaŋo Epuraima yu, se ko kusanjin moriesi Yerusalema yu; a dapin moriesi mo ’be ’beleŋoni kaŋo, a nye mo laikiŋdye taliŋ i juron; a tumatyan nanyit mo suluje i nene tor tojo ko nene tor, ko i kare Perat tojo ko ’dutesi ti kak. ŋutu ti Yerusalema mo nyokwe kase i jur

Jakaria 9:12

Ta lo rereka logon gwon ko yenet kilo, yitöni ta kasu i mariŋan nago; nan tukökiŋdyö ta i lo lor adi nan mo roropakin ta ’busan daŋin murek.

Jakaria 9:9

Ta ŋutu ti Siona, lyoŋi ta lyoŋon parik! Ta ŋutu ti Yerusalema, maraŋgi ta maraŋgu! Mete ta, mor losu ŋilo popo kasu ni; nye aje tutuŋgo moro ko aje te ’ya, lepeŋ a lokoyok i si ’da ’e i kaine, i kolojityo tore lo kaine.

Kenet 24:19

A tumatyan mo puku kaŋo ko kötumit na Yakobo, a ŋutu lo wökön kaŋo i köjinö kata kulo mo tukarani tukara.

Matayo 21:33

Yiŋge ta lele lilim malo. Monye kak kata logon a ’yuddu kaden ti binyo i luköbi, a rikije rikija ko mariŋ, a ’boggi dili ryoket na ludweki ti binyo i lukata nanyit, a tetenakiŋdye taka, a nye sarakiŋdye ko kulye kakuruk i könisi, a nye iti i lele jur.

Marako 12:1

A nye suluje jambu ko lepeŋat i lilimön adi, Lele ŋuto a ’yuddu kaden ti binyo i lukobi, a rikije rikija ko mariŋ, a ’boggi dili ryoket na ludweki ti binyo, a tetenakiŋdye taka, a nye sarakiŋdye ko kulye kakuruk i konisi, a nye iti i lele jur.

Epeso 1:21

anyen gwon a duma lo kasarak liŋ, ko lo kidoni liŋ, ko lo riŋiton liŋ, ko lo tumatyanjin liŋ, karin kanyit a temejik Iwolwon karin liŋ nagon a ’dinya, ti gwon i na diŋit ka ’de ama i diŋit na popo molu nu.

Kweyatti 22:5

A tukwaje mo köti gwe ’bayin kwöŋ, a lepeŋat mo tine ’dekan parara na lombo kode na kolor, kogwon Matat Ŋun mo lo gwon a parara lose, a se mo tumatyane tumatyan ŋupi ŋupi.