Mika 4:7 - Bibilia Buk na Ŋun nagon koti luŋu a

⁷ A nan mo gaji ŋutu lo bata kulo a pitönö, a mo koŋdi ŋutu lo riköji kulo a jur iŋgo; a nan MATAT mo lo tumatyane ko se i mere Siona suluja i na diŋit na tojo ko ŋupi.

Mika 4:7 ပူးပေါင်းရင်းမြစ်များ

Saumajin 2:6

Nan aje tosi ’dakindya ŋuto lio logon nan aje welakin a mor lo, i mere lio loke logon a Siona.

Yisaya 16:5

a kirut si ’daet na tumatyan mo togwi ’dikine ki i ’busan na nyaŋu, a lele ka ’duŋönit mo si ’dakine kanyit loki ko to ’diri i kemia na Dawidi, logon ga ’yu ’duŋgö gwogwo, a nyoŋgi koŋdya torigwö.

Yisaya 24:23

A i ŋinu diŋit a yapa mo ma’dake ma ’dak, a kolor mo gwe a natun; kogwon MATAT lo kurumi mo tutumatyan i mere Siona ko i Yerusalema, a nye mo kwekiŋdye bulet nanyit i komor na ŋutu kanyit temejik.

Yisaya 6:13

Ma ’di topuökit na ŋutu a pituŋdyö i lo jur, a se mo tukarani tukara koti, gwoso ködini logon a ri kode gwoso kite, logon kumut nanyit nyuŋ gwogwo ’dan na toköji ’e lepeŋ kak nu; nyena a kumut nanyit gwe a nyomot loke.

Yisaya 60:22

A ŋutu ku ’dik mö worani a alipan puök, a jur lö ’dit mo worani a iŋgo. Nan a MATAT, a rian mo i ’demeji kine kulya i diŋit nase.

Yisaya 66:8

Ŋa logon a yiŋ go gwoso na? Ŋa logon a met go gwoso kine? Kak ködyö yuyugwe i lor geleŋ le? a jur ködyö tata ’duwe adi wulek i daŋ geleŋ le? Kogwon ’de ’de na tomiöri Siona nu a nye yuŋuŋdye ŋwajik kanyit.

Ejikele 43:7

a ŋilo gworo takiŋdye nan adi, Ŋuro lo ŋuto, na a pirit na si ’daet nio na tumatyan, ko a pirit nio nagon nan gwogwo ’di ’e, nagon nan mo gwo-gwolorgi i kiden na ŋutu ti Yisaraele ŋupi na. A ma ’di lepeŋat kode moran kase mo köti tine köŋu karin kwe ko towutön nase se ko öpuö ti moran kase.

Daniele 2:44

A i perok ti kilu moran a ŋun lo ki mo togwi ’dikiŋdye tumatyan nagon ti bulö tukara asut, a riŋit saret na ŋina tumatyan mo tine bulö tiki lele gweyari lo ŋuto. A lepeŋ mo gwagwalaggi kine tumatyanjin liŋ i tupesi a tukaŋi se adi sit, a nye mo na yeŋe ŋupi;

Daniele 4:34

A ko diŋit aje temakiŋdya, a nan Nebukadanesar ’bi ’ye konyen kwe ki, a yeyeesi kwe iŋge yitwe a na ’but, a nan bu ’ye Katoŋanit lo ki lio, a pupurje a twoji lepeŋ lo yeyeŋon ŋupi ŋupi lo adi, Tomoran nanyit a tomoran na gwogwolor ŋupi. tumatyan nanyit yeŋon i nyakwa-riat liŋ;

Daniele 7:14

A lepeŋ iŋge tiki tomoran ko minyo se ko tumatyan, anyen gweyajin lio ti ŋutu, ko juron, ko ŋuto lo jambu kutusen ka ’de ka ’de ködyö kitakiŋdya lepeŋ; tomoran nanyit a tomoran na yeyeŋon ŋupi nagon molu ti bulo ’duddyo, a tumatyan nanyit mo tine bulo toliki asut.

Daniele 7:27

A tumatyan ko tomoran ko todumalan ti tumatyanjin ti kak ’bukuluŋ molu tikine ŋutu loke ti Katopanit lo ki liŋ; a tumatyan nase mo gwe a tumatyan na yeyeŋon ŋupi, a tomoran liŋ mo kitakiŋdye a twöji lepeŋat.

Osea 1:10

Ama a kenet na ŋutu ti Yisaraele mo gwe gwoso sese na tor nagon ti bulo tema kode kena, a i ŋirit na taki ’e se koju adi, Ta ’bayin a ŋutu kwe nu, a Lepeŋat mo luŋuni a ŋwajik ti ŋun lo gwon jorun.

Yoele 2:32

A mo gwe sona adi, ŋutu liŋ lo luŋgu karin kwe ti MATAT kilo mo lwölwökö. Kogwon lwökt kata i mere Siona a na ŋutu logon a rwoddu kilo, gwoso na jambi nan MATAT na, a i Yerusalema a nan MATAT mo luŋgi ŋutu i se logon a pituŋdyö kilo.

Yoele 3:17

Nyena a ta mo deŋdi adi nan a MATAT ŋun losu, nan si ’da i mere lio loke Siona. A Yerusalema mo gwe a nake, a ŋutu lepelok mo köti tine lwöpöddu kata kwöŋ.

Obadia 1:21

A ŋutu lo lwoko lo gwon i mere Siona kulo mo kiyaddi ki i mo-gga na mere Esau; a tumatyan mo gwe a na MATAT.

Mika 2:12

Ta ŋutu ti Yakobo, nan MATAT mo ’diri tutun ta liŋ, a nan mo momori pitono ti ŋutu ti Yisaraele; a nan mo momorakiŋdye lepeŋat i pirit na geleŋ gwoso köbilu i goro, ko gwoso teŋ na yidin i pirit yukit, a se mo woŋe adi, Gumm, kogwon se jore parik.

Mika 2:13

A ŋuto lo tulokiŋdyo pirit lupet i gorom lupoddi kaŋo kase ŋerot, a se burunyuŋdye kaŋo a Iwoŋoddi kotumit. A mor lose iti kase ŋerot, nan MATAT lo nyomoddu lepeŋat.

Mika 5:3

Nyena nye mo puŋutukin ŋutu ti Yisaraele i konisi ti merok kase, tojo ko diŋit nagon ŋuto na gogga i ta ’duuŋdyo na a Iwoggu mugun; a kirut pitono ti luŋasirik kanyit mo yitöni yito i ŋutu kase.

Mika 7:18

ŋa logon a ŋun gwoso do logon pipitokiŋdyö toronjin, a girara a swot a tine met lyaŋesi ti pitönö ti ŋutu kulok lomoriot? Do ti ’de ’ya woran inot ŋupi, kogwon do nyonyola i kwekiŋdya na nyaŋu inot nagon ti ’duddyo kwoŋ na.

Jepania 3:13

a se mo tine koŋdya nene ŋo naron, a tine jambu ’burönö, a kulyaesi mumulukesi mo tine rye kase i kutusen; kogwon se mo nyenyesu a pere kak ’bak ŋutu lo tokujöŋdu se.

Jepania 3:20

I ŋinu diŋit a nan mo momoruŋdye ta a joŋdi ta mede, a nan mo tiŋdi ta i pupura ko i kono i kiden na gweyajin lio ti ŋutu ti kak, i diŋit nagon nan nyökuŋdye ta bot i to ’dupien nu, a ta mo mete met kine kulya. Kilo a kulyaesi kwe ti MATAT.

Luka 1:33

a nye mo lo tumatyane i kotumit na Yakobo ŋupi, a tumatyan nanyit mo tine ’duddyo kwöŋ.

Kweyatti 11:15

A malaikatat toburyo lo kuddye buruŋ i lonyit; a gworolo lobot gwe kata ki yu logon kulya adi, Tumatyan na na kak soŋinana gwe a na Matat likaŋ ko a na Masia lonyit, a lepeŋ mo tumatyane tumatyan ŋupi ŋupi.