Mika 4:6 - Bibilia Buk na Ŋun nagon koti luŋu a

⁶ Nan MATAT lo kulya adi, I ŋilu lor nan mo tutun ŋutu lo bata kulo i pirit na geleŋ, a nan mo momoruŋdye ŋutu i pirit na geleŋ logon aje riköji kaŋo, se ko ŋutu logon nan a sasan kulo.

Mika 4:6 ပူးပေါင်းရင်းမြစ်များ

Saumajin 147:2

MATAT nyönyök ’duggö Yerusalema; a nye tutunundye ŋutu ti Yisaraele logon a rekin kulo.

Saumajin 38:17

Kogwon nan gwe nyona ko ’doro kak, nan yeŋon ŋoŋga.

Yisaya 56:8

Nan MATAT Ŋun logon tutunuŋdya bot ŋutu ti Yisaraele lo riköji kulo, lo kulya adi, Nan köti mo tutunun ŋutu kulye logon a ko nyuŋ jwe.

Yeremia 3:18

A i kilu perok a kötumit na Yuda molu morakiŋdye i kötumit na Yisaraele, a lepeŋat liŋ mo poŋdi kaŋo i jur lo lobot tojo i jur logon nan aje tikin merenyejin kasu a lomore lo.

Yeremia 31:8

Mete, nan mo jojon ŋutu kwe lo gwon i jur lo lobot kulu, a nan mo pepenuŋdye se lo gwon i ’dutesi ti kak kulu, mora ko ŋutu mo ’dokeno, ko ŋodeki, ko wate na gwon ko ŋwajik se ko wate nagon gwe nyona ko ta ’du kune, a lepeŋat mo yitwene yitwe a lodir duma parik.

Ejikele 36:24

a nan mo joŋdi ta kaŋo i jurön, a pepenuŋdye ta kaŋo i jurön liŋ, a nyökuŋdye ta kasu i jur.

Mika 2:12

Ta ŋutu ti Yakobo, nan MATAT mo ’diri tutun ta liŋ, a nan mo momori pitono ti ŋutu ti Yisaraele; a nan mo momorakiŋdye lepeŋat i pirit na geleŋ gwoso köbilu i goro, ko gwoso teŋ na yidin i pirit yukit, a se mo woŋe adi, Gumm, kogwon se jore parik.

Jepania 3:19

Mete, i ŋinu diŋit a nan mo kona-kiŋdye karudak kulok liŋ arabat. A nan mo lwöggi ŋutu logon a bata, a momori ŋutu logon aje toreki, a nan mo löpuŋge lawe nase a pupuret anyen kuörö i kak ’bukuluŋ.

Luka 19:10

Kogwon nan Ŋuro lo ŋuto aje po i ga ’yu ko i Iwoggu na ŋo nagon aje likin kune.

Yoane 10:16

Kunie yidin kwe kata nagon ’bayin a ti lo goro. Nan ködyö jojon se köti, a se mo yiŋge gworo liŋ, a se mo gwe a teŋ geleŋ ko kayukunit geleŋ.