Mika 4:4 - Bibilia Buk na Ŋun nagon koti luŋu a

⁴ Ama a ŋutu lio mo sakani i mukökö ti kaden kase ti binyo ko ti ki ’biet, a lele ŋuto mo gwe ’bayin lo tokujöŋdu se. Kogwon MATAT lo kurumi ko mugun nanyit aje jambu sona.

Mika 4:4 ပူးပေါင်းရင်းမြစ်များ

1 Moran 4:25

A ŋutu ti Yuda ko ti Yisaraele si ’dani ’bak yöyöŋesi, suluja Dan tojo Ber-seba, a se liŋ sakani kase i mukökö ti kaden ti binyo ko ti ki ’bi, i perok liŋ ti Solomona.

1 Moran 5:5

Nyenagon nan yöŋö ’duggö kadi a na karin ti MATAT ŋun lio, gwoso na kulyari MATAT ko Dawidi monye lio nu, adi, ŋuro ilot logon nan mo titin konut i si ’daet i pirit inot lu, nye molu lo ’duggi kadi kogwon karin kwe.

Eyobo 11:19

A do mo pirikine kak a lele ŋuto mo gwe ’bayin lo tokujöŋdu do; a nutu jore mo mo ’yi ’busan konut.

Saumajin 72:3

Ti merya temejik ko lo ’di ’dik, iŋkoi, jur ’bukuluŋ gwe ’bura, kogwon ŋutu kulök sara ko kulya na rigwo!

Tolupesi 3:25

An do ko kujönö tokujönöet na po a lwön, kode karan nagon ’dukin i ŋutu lorok.

Yisaya 1:20

ama ko ta titiŋga ko rerenya, a ta de tutuŋoni ko baŋdujin; kogwon nan MATAT a jambu sona.

Yisaya 17:2

A köjinö kanyit mo kölökinekana ŋupi; a se mo gwe a ti yidin nagön a peron nyin, a lele ŋuto gwe ’bayin lötokujöŋdu lepeŋat.

Yisaya 22:25

a MATAT lo kurumi kulyani adi, I ŋilu lor nu kaluti na ’bikiki i pirit nago nu mo lukuji kaŋo; a nye mo tukukine kak a ’dorone ’doro, a ŋo na sopaki kanyit loki kune mo tokojine kaŋo, kogwon nan MATAT a kulya.

Yisaya 26:16

Pon MATAT, i delya nase se ga ’yu do, a se yakuŋdye kaŋo kokoyokta nase na pokiŋdye riŋet inot kase loki nu.

Yisaya 32:17

A kita na löti lo rigwo mo tiŋdi taliŋ, a ’dutet na löti lo rigwo mo joŋdi gwon taliŋ ’bak kujönö na kulya narok ŋupi,

Yisaya 36:16

An ta ko yiŋ ta Kijikia; kogwon mor lo Asura lo kulya adi: Moruŋdye ta köyö ni i teteŋdya na taliŋ, ko poŋdi ta kaŋo köyö ni; a ta liŋ geleŋ geleŋ mo nyesi ludweki ti kaden kasu ti binyo, ko ti ki ’biet, a ta liŋ geleŋ geleŋ mo möji kasu i kidia;

Yisaya 40:5

A bulet na MATAT mo kweyani kweya, ŋuti i liŋ mo memeddi lepeŋ i pirit na geleŋ, kogwon MATAT lo jambu ko kutuk nanyit.

Yisaya 54:14

A do mo togwi ’dikine i löti lo rigwo; a do mo gwe pajo i ruda, a do mo tine kujönö, a do mo gwe pajo i tokujönöet, a nye mo tine po konut nyona.

Yisaya 58:14

nyena a ta mo lyöŋi lyöŋön ko nan MATAT, a nan mo ’dokoddi ta i ko ’dulan ti kak; a nan mo tunyeji ta ko jur logon nan a tiŋdu Yakobo merenye losu, kogwon nan MATAT lo jambu.

Yeremia 23:4

A nan mo wuluŋdye kayukuk logon mo yuggu se, a köbilu kwe mo tine kujönö köti, kode delya, a nene nase mo tine likin köti. Kilo a kulyaesi kwe ti MATAT.

Yeremia 30:10

Do Yakobo köliŋönit lio, an do ko kujönö, iŋkoi, do Yisaraele, an do ko delya, ŋilo a nan MATAT lo jambu.Kogwon nan mo lwölwökun do pajo nyu, iŋkoi, nan mo lwölwökun nyakwa­riat kulök i jur lo gwoŋdi se a ’dupi lu. Kötumit inot na Yakobo mo yiyitwe, a mo si ’dani ’bura ko taliŋ, a lele ŋuto mo gwe ’bayin lo tokujöŋdu se.

Ejikele 34:25

A nan ko se mo teteŋdi tomoret na taliŋ; a nan mo tu ’baka ’yi gwuruŋin i jur, anyen ŋutu kwe böŋö gwolor ’bura i yöbu a dotoni ’bura i ruduö.

Ejikele 34:28

A jurön mo tine ryaggu lepeŋat köti, a gwuruŋin ti mu ’diŋ mo köti tine koja lepeŋat; a lepeŋat mo si ’dani ’bura lele ŋo ’bayin lo tokujöŋdu se.

Ejikele 38:11

A do mo kulyani adi do mo tu i mörö ko jur logon turön kanyit a ko gömö ko goroma nagon a maripan, a do mo ’dorone i ŋutu logon ti mörö, logon si ’da kata ’bura ’bak kujönö kulo, kweja adi, kilo a ŋutu logon si ’da ’bak goroma nagon a maripan a gwe ’bak kötumitön ko rigilesi kulo.

Ejikele 39:26

A i diŋit nagon se köti mo si ’dani ’bura kase i jur nu, a ŋutu mo gwe ’bayin lo tokujöŋdu se, a se mo böŋöni yu nase na kusik se ko dumesi liŋ nagon se köju a dudumuje nan kune.

Lewi 26:6

A nan mo tiŋdi jur i gwon taliŋ, a ta mo pere kak i doto, a lele ŋuto gwe ’bayin lo tokujöŋdu ta. A nan mo tiŋdi gwuruŋin i gwon ’bayin i jur, köti a merok tine po i köŋu na jur losu.

Mika 5:3

Nyena nye mo puŋutukin ŋutu ti Yisaraele i konisi ti merok kase, tojo ko diŋit nagon ŋuto na gogga i ta ’duuŋdyo na a Iwoggu mugun; a kirut pitono ti luŋasirik kanyit mo yitöni yito i ŋutu kase.

Jepania 3:13

a se mo tine koŋdya nene ŋo naron, a tine jambu ’burönö, a kulyaesi mumulukesi mo tine rye kase i kutusen; kogwon se mo nyenyesu a pere kak ’bak ŋutu lo tokujöŋdu se.

Jakaria 3:10

Nan MATAT lo kurumi lo kulya adi, I ŋilu lor a ta liŋ geleŋ geleŋ mo luŋgi maratejin kasu anyen ta ko saka i ri lo ködini lo binyo mukok ko i ri lo ki ’bi mukok.