Mika 4:12 - Bibilia Buk na Ŋun nagon koti luŋu a

¹² Ama se ti den yeyeesi ti MATAT, a se tine kurun yeyeet nagon nye ’dek koŋdya na. Kogwon nye aje momora lepeŋat i pirit gwutet na ’bolot gwoso kusik ti ’bolot.

Mika 4:12 ပူးပေါင်းရင်းမြစ်များ

Saumajin 147:19

Nye tutukökin kötumit na Yakobo kulyaet lonyit, iŋkoi, nye tutukökin kötumit na Yisaraele saresi kanyit lo wurö se ko kulya na ’duŋ nye kune.

Saumajin 147:20

Nye a ko konakindya lele jur sona; kulye ŋutu a ko den saresi kanyit. Pupurje ta MATAT!

Yisaya 10:7

Ama lepeŋ a ko tiŋdu tirikwet nanyit sona, a töili lonyit tine yeyeju sona; ama kanyit i töili a nye yeyeji tukaŋu abur, ko i tu ŋerot i tu ’baka ’yu na jurön jore;

Yisaya 21:10

Ta ŋutu kwe, logon a gwutö ko a seta gwoso ’bolot i pirit gwutet na ’bolot, nan tukökintiyö ta ŋo nagon nan a yiŋ ko MATAT lo kurumi, logon a Ŋun lo Yisaraele.

Yisaya 29:7

A lodir lojuron liŋ logon momoroko Ariele, ko se liŋ logon morö ko lepeŋ ko pirit nanyit nago iri todelyaju na lepeŋ kilo mo gwe gwoso rudweet, gwoso ŋoma memeta i tukwaje,

Yisaya 55:8

MATAT lo kulya adi, Yeye esi kwe ti gwon a yeyeesi kasu, a kikolin kasu tine gwon a kikolin kwe.

Yeremia 29:11

Kogwon nan MATAT lo kulya adi, Nan a den ŋo nagon nan a yeye i kulya kasu kune; nan a yeyeju adi anyen ta gwolor ’bura ko taliŋ a tine konaki arabat, anyen tiŋdu ta i yeŋdu na ŋo ti ŋerot.

Yeremia 51:20

Do a ture wuluk lio, do a titoni nio möriet; nan mo kitari do i gwagwalaggu na jurön ka ’de ka ’de; nan mo kitari do i tukaŋu na tumatyanjin.

Yeremia 51:33

Kogwon MATAT lo kurumi Ŋun lo Yisaraele lo kulya adi, Köji na Babela gwon gwoso pirit gwutet na ’bolot i diŋit na gwutöri ’bolot kata nu; yöŋgi diŋit a na ’dit döŋdi a diŋit nanyit ŋeret mo ’dure ’dur.

Yoele 3:2

a nan mo momoruŋdye jurön liŋ, a mo joŋdi se kak i pirit na ’dir na Yosepata, a nan mo ’duŋokiŋdye putet nyu kogwon kulya ti Yisaraele logon a ŋutu kwe lomoriot, kogwon se a torekin lepeŋat i kiden na jurön, a iŋge kökörö jur lio.

Luka 3:17

A nye gwe ko köbi setet kanyit i könin, anyen seddya ’bolot liŋ lo gwon kanyit i pirit gwutet na ’bolot, a yuŋdye ’bolot kanyit i gugu; ama a nye mo ’yuŋe pudi ko kimaŋ nagon ti bulo peŋa.