Mika 4:11 - Bibilia Buk na Ŋun nagon koti luŋu a

¹¹ I na diŋit juron jore aje momora i mörö ko do, kulya adi, Ti lepeŋ koröni körö, ti konyen kaŋ diŋe do Siona ko lyöŋön i körö inot.

Mika 4:11 ပူးပေါင်းရင်းမြစ်များ

Saumajin 129:5

Ti ŋutu liŋ logon maman Siona kilo ti se telani tela ko ti riköjine riköji.

Saumajin 83:5

Merok a tujamakin i ŋirit na geleŋ ko töili geleŋ; a se tetenakindye tomoret nase i do:

Yisaya 10:7

Ama lepeŋ a ko tiŋdu tirikwet nanyit sona, a töili lonyit tine yeyeju sona; ama kanyit i töili a nye yeyeji tukaŋu abur, ko i tu ŋerot i tu ’baka ’yu na jurön jore;

Yisaya 17:12

Wöidiö, woŋon na lodirön, se woŋoro ki gwoso woŋon na tör duma na ’balaŋ adi yoŋ! Wöidiö, rumön na jurön, se rurumön gwoso rumön na karya temejik!

Yisaya 29:7

A lodir lojuron liŋ logon momoroko Ariele, ko se liŋ logon morö ko lepeŋ ko pirit nanyit nago iri todelyaju na lepeŋ kilo mo gwe gwoso rudweet, gwoso ŋoma memeta i tukwaje,

Yeremia 52:4

A i kiŋa tobuŋwan na gwoŋdi lepeŋ a kasaranit nu, i yapa topuök, i perok puök ti ŋilu yapa, a Nebukadaresar mo lo Babela poni ko kamörök kanyit liŋ i mörö ko Yerusalema, a se ’beggi mera nase nyu. A se teteŋdi takajin najo ki a tumesi ti ŋinu köji.

Ejikele 26:3

Nyenagon nan MATAT ŊUN lo kulya adi, Do Turo, mete, nan a miriku ilot, nan mo totopikin do jurön jore i möro ko do, gwoso nagon tör duma na ’balaŋ topikiŋdye yalajin i ya ’yu ko riŋit konut i mara na.

Ejikele 38:17

Nan MATAT ŊUN lo pija adi, Do a nye logon nan köju a jambu i kulya kunök ko nebijin ti Yisaraele köliŋönök kwe i kutusen, logon a keju kipajin jore adi nan ködyö jojon do i mörö ko lepeŋat. ’Bayin sona le?

Obadia 1:12

Ama do kodyo ti lyoŋon i med-dya na lor delyaet lo lupösurök, do kodyo ti kwekweni ko ŋutu ti Yuda i lor lose tukaret; a do kodyo tine jambu a lulayak i lor delyaet.

Mika 7:10

A kirut merok kwe mo meddi meddya, a yu na kwe mo morgi ŋutu lo pija nan adi, Liya MATAT Ŋun ilot? A nan mo meddi lepeŋat ko lyöŋön i diŋit na ryokari se gwoso wo ’do ’do ti kiko nu.

Jakaria 12:3

A mo gwe sona i ŋilu lor a jurön liŋ ti kak mo momora-kiŋdye i mörö ko lepeŋ ni, a nan mo koŋdi Yerusalema a ŋurupit loyödik i gweyajin liŋ ti ŋutu; a ŋutu logon ’dukuŋdyö lepeŋ ki kulo mo ’duŋge ’duŋgo kase i goliŋ.