Mika 3:5 - Bibilia Buk na Ŋun nagon koti luŋu a

⁵ Kulo a kulyaesi ti MATAT i kulya ti nebijin lo togiŋa ŋutu kanyit. Kilo nebijin ko a tiki ŋo lo nyenyei, a se laije adi, ŋo lio a na ’but, ama ko ŋutu a ko tikin se ŋo lo nyenyei a se teteŋdi moro.

Mika 3:5 ပူးပေါင်းရင်းမြစ်များ

Tolupesi 28:21

’Bayin a na ’but i nyaŋu na swöt geleŋ; ama ŋuto bubulö torondya ko nye a wuju pitönö na ambata.

Yisaya 3:12

ŋwajik gwon a karudak ti ŋutu kwe, a wate tumatyane ko lepeŋat. Ta ŋutu kwe, kanyömök kasu a togiraddu ta, a tukwölöggi kikolin wöriesi kasu.

Yeremia 23:27

Kilo nebijin yeyeju adi kine rudweesi na tuk se ko ’börik kune titin ŋutu kwe i boŋo na karin kwe, gwoso nagon merenyejin kase a boŋori karin kwe nu a yeyeji karin ti Bala.

Yeremia 23:32

Nan MATAT lo kulya adi, Nan a miriku lo ŋutu logon kekejutu rudweesi ’burönö a nyönyökokiŋdye ŋutu, a togiraddi ŋutu kwe ko kulya ’burönö kase nagon se a jam a wuya kana kune. Nan ’bayin lo soŋdu se, kode sarakiŋdya se; nyena lepeŋat ti garakin kulo ŋutu kwoŋ. Kilo a kulyaesi kwe ti MATAT.

Yeremia 6:14

Lepeŋat gwoso ŋutu logon a ko tolik ’dika na ŋutu kwe ’bura, a kulyani adi, Ta gwe a lo ’but, iŋkoi, ta a lo ’but, ama kudyakan ’dika a ko nyuŋ lik kata yu.

Yeremia 6:4

A se kulyani adi, Ti yi teteŋdi tamörö, ti yi ŋine ta ki, ti yi iti ta i mörö ko nu köji i tuparan kiden! Wöidiö yi aje karakin, kolor sosore sosor, a tölimösi mimijörö mimijörö!

Delyasi 2:14

Nebijin kulok aje metakiŋdya do kulya kase i toilyet nagon a ’burönö ko a mumulukesi, se a ko timun lyaŋesi kunok anyen nyokuŋdyo do kaŋo i to ’dupien, ama se aje metakiŋdya do kulya kase i toilyet nagon a ’burönö ko a tulyaŋesi.

Ejikele 13:9

a nan mo möröni ko nebijin logon ŋo na met se kase i töilyet kune a köpuröt kana, a ŋo na galun se i to ’bunun kune gwe a ’burönö. Lepeŋat mo ti morakiŋdya i momoret na ŋutu kwe, a karin kase mo tine wuröki i wuret na kötumit na Yisaraele, a se mo tine lupö i jur lo Yisaraele. A ta mo dene den adi nan logon a MATAT ŊUN.

Osea 4:5

Ta mo kököŋukö i diŋit na tuparan, nebijin koti mo kököŋukö ko ta i ŋirit na geleŋ i diŋit na tukwaje; a nan mo tukaŋi Jur losu logon a ŋote nasu.

Yoele 3:9

Layiara ta kune kulya i kiden na jurön, adi, Teteŋdi ta ’borik anyen tu i morö; topije ta ŋutu walan. Ti ŋutu lio kamorök momoruŋdye i pirit na geleŋ, ti lepeŋat rumara i morö.

Mika 2:11

Ko lele ŋuto logon ko mulökötyo lo mumulugga wöwöröji jamaddu kulya ’burönö adi, Nan tokukiŋdyo ta kulya ti binyo se ko ti yawa na pötwör, lepeŋ kodyo lo gwon a nebi logon kilo ŋutu nyanyar!

Mika 3:11

Ŋutu kanyit temejik ’duŋgo putesi ko ŋo na ropaki a Iwon, a koanejin todiŋdye ko ropesi, a nebijin koŋdi to ’bunun ko gurut; ama se toggu ’borik ko MATAT, a pipije adi, MATAT gwon kayaŋ kiden, ’bayin sona le? ŋo naron ’bayin nagon pokin kayaŋ loki.

Malaki 2:8

Ama nan MATAT lo kurumi lo kulya adi ta aje girara kaŋo i ŋilo kiko; a ta aje tukopuggo ŋutu jore i kulya ti saresi kasu; ta aje koŋu tomoret nio ko Lewijin,

Matayo 15:14

Kölöki ta lepeŋat ka ’de. Lepeŋat a kanyömök mo ’dokeno. Nyena ko ŋuto mo ’doke jiköddu lele mo’doke, se liŋ murek mo ’dororo i dili.

Matayo 7:15

Kunyar ta nebijin kamumulukak logon po kasu ni meta gwoso köbilu, ama i lukata nase lepeŋat ’diri gwoso lujin kakerenyak.

Roma 16:18

kogwon ŋutu gwoso kilo ’bayin kitakiŋdya Kristo Matat likaŋ, ama lepeŋat kita pelela kase. A lepeŋat mumuluŋge töilyet ti ŋutu logon ’bak kulya kulo ko jamesi lo paleleŋ se ko kulyaesi ’bu ’busesi.