Mika 3:2 - Bibilia Buk na Ŋun nagon koti luŋu a

² Kolumbo a ta maŋdi kulya na ’but a nyaŋi toron, a ta ’boddi mugunya ti ŋutu kwe, a ’du ’duŋuji lokorio kaŋo kase i kuyu;

Mika 3:2 ပူးပေါင်းရင်းမြစ်များ

1 Moran 21:20

A Aba kulyani ko Eliya adi, Miriku liŋ, do a ryö nan? A nye waddi adi, Nan aje ryö do, kogwon do aje tugwörökiŋdyö mugun a ’duŋiet lo toron ko MATAT i komor.

2 Dekat 19:2

Ama a Yeu ŋuro lo Kanani kametanit lo kulya na popo iti kaŋo i rum ko lepeŋ, a nye yuyuŋge mor Yosapata adi, Do ŋona bubulö parakiŋdya ŋutu lorok a do nyaŋi ŋutu logon maman MATAT? Nyena kogwon kune ŋo woran na MATAT aje yukokin konut.

Saumajin 15:4

logon lalaun ŋutu logon ’bak ’bulit, ama nye bu ’ya se logon kukuk MATAT kilo. Nye logon a milyeju a tine kö milye lonyit ma ’di nagon milye totode-lyaju lepeŋ i kondya.

Saumajin 53:4

Ŋun lo ŋija adi, Kilo kakonak ti lyaŋesi ’bak denesi? Se nyesu ŋutu kwe gwoso na nyesi se kinyo na, a tine kwakwaddu nan.

Tolupesi 28:4

Ŋutu lo renya saresi pupurja ŋutu lorok, ama se lo ’debba saresi mörö ko ŋutu lorok.

Yisaya 3:15

Ta yeyeju nyo na mumuyugge ta ŋutu kwe, na rudakiŋdye ta komorsikan ti lomerika gwoso ŋuto najiji jöna? Kilo a kulyaesi ti MATAT Ŋun lo kurumi.

Yisaya 5:20

Woidio, ŋutu logon luŋgu toron a ’busan, ko ’busan a toron; logon lopuggo mudwe a parara, ko parara a mudwe, logon tiŋdu go na pötwör i gwon paleleŋ, ko go na paleleŋ i gwon pötwör!

Yisaya 57:12

A nan mo tukökiŋdye lötiöt kasu lo rigwo se ko konesi kasu, ama a lepeŋat mo tine parakin ta.

Ejikele 11:7

Nyenagon MATAT ŊUN lo kulya sona adi, Opuö nagon ta a toper i ŋina köji kata kine lepeŋat a lokore a ŋina köji gwe a sape, ama nan mo jojoŋ ta kaŋo i kiden nanyit.

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 24:4

tiki tupesi ti lokore i lukata nanyit, kweja adi tupesi liŋ na ’but, tojorene lepeŋ ko nyuti, ko gele, se ko kuyu liŋ lo nyunyumwe;

Ejikele 34:3

Ta möju le, a ta tojubbi ’börik ko boŋgwat na gweya ko kupir ti köbilu, a ta ’duŋge köbilu lopir, ama a ta tine tunyeju köbilu.

Amosa 4:1

Ta kisuk ti Basan, yiŋge ta kune kulya, ta nagon si ’da i mere lo Samaria, ta nagon ru ’ya ŋutu lomerika, ta nagon ryokakiŋdya ŋutu lo yöŋö ŋo kulo kak, ta nagon kulya ko lyan kasu adi, Taki ta yi ŋo na mamata.

Amosa 5:15

Maŋdi ta kulya narok, nyaŋi ta kulya na ’but, ’duŋge ta putesi gwogwo i piriton ti putesi; kode ŋona MATAT ŊUN lo kurumi mo wowon konyen ko ŋutu lo pituŋdyö ti kötumit na Yosepa.

Mika 2:8

Ama ta ŋikin i moro ko ŋutu kwe gwoso merok; ta rusun boŋgwat muisi kano ko riŋit i ŋutu logon ’bak kulya ko a ŋutu logon ti yeyeju moro.

Mika 7:2

Ŋutu lo twöju Ŋun aje twatwa i kak ni, a ŋutu lo rigwo gwe ’bayin i kiden na ŋutu; lepeŋat liŋ pokin i nyiŋgo na rima, ŋutu liŋ goŋa luŋasirik kase gwoso ŋuto lo togopa ko birya.

Mika 7:3

Lepeŋat kikita parik i koŋdya na po narok ko könisi kase; kasarak ko ka ’duŋok ti putesi pija ’dokesi nagon ropaki se a lwön, a ŋutu lokukwon jambi ’dekesi narok ti töilyet kase; nyena a se tomor i kine po a po geleŋ.

Jepania 3:3

ŋutu temejik logon si ’da i lukata nanyit kulo gwon gwoso komi-ruot lo rurumon; a ka ’duŋok kanyit ti putesi gwe gwoso lujin lo woro i sömukö logon ti kolokiŋdyo nene ŋina tojo ko ko ’bure.

Luka 19:14

Ama a ŋutu kanyit ti jur maŋdi lepeŋ; a se yokiöddi ŋutu ko lepeŋ i mukök, adi, Yi ti ’bön ŋilo ŋuto gwon a mor likaŋ.

Yoane 18:40

A se köti woŋoro ki adi, Yi ti ’bön ŋilo ŋuto, ama yukuki yi Baraba! Ama Baraba a karyakanit.

Yoane 7:7

ŋutu ti kak ni ti bulö maŋdu ta, ama lepeŋat maman nan, kogwon nan tökoŋu adi konesi kase a narok.

Roma 1:32

Ma ’di nagon lepeŋat deden saret lo Ŋun adi ko ŋuto logon a koŋdya ŋo gwoso kine lo, lepeŋ jujukin tatua, a se yeoe koŋdya a nyaŋi ŋutu logon koŋdya se kulo.

Roma 12:9

Ti nyaŋu gwe a na to ’diri. Mane ta man ŋo narok, ’depakiŋdye ta go i morga na ŋo na ’but.

2 Timoteo 3:3

Lepeŋat mo ti nyaŋu ŋutu kase, a gwe a kaworak logon ti suka, ko a kaŋöök, ko a nutu logon ti teŋgu ’börik, ko a kaŋajin, ko a kamanak ti no na ’but.