Mika 3:12 - Bibilia Buk na Ŋun nagon koti luŋu a

¹² Nyena kogwon kulya kasu, Siona mo kukuru gwoso melesen; a Yerusalema mo worani a sudiet ti rubajin, a mere logon kadi na MATAT gwon kata lo mo worani a rudu.

Mika 3:12 ပူးပေါင်းရင်းမြစ်များ

Saumajin 107:34

a nye löpuŋge kak na radan ludweki anyen gwon a yöbu na ’balaŋ, kogwon ŋutu lo si ’da kata kulo a lorok parik.

Saumajin 79:1

Pon Ŋun, ŋutu ti jurön aje luŋe i jur ilot lomore; se aje toluddya kadi inot nake na rurwan; a se kölökindye Yerusalema i gwon a rubajin.

Yisaya 32:14

A kadi na mor mo kölökine a murwö, a köji na jore ko ŋutu mo kölökine kana; a lurutat lo bilili tiyit mo worani a kuggiet ŋupi, ko a lyöŋesi ti gogökön ko a piritön nyöösi ti yidin;

Yeremia 17:3

ko pur loron a merya. Nan mo titikin karya­kak monoja nasu se ko tukwörien nasu liŋ a ropet na toronjin kasu naŋon ta aje kon i jur losu ’bukuluŋ kine.

Yeremia 22:5

Nan MATAT lo kulya adi, Nan a milyeju ko mugun nio adi, ’Diri ’diri ko ta ti ’bön yiŋga kulo kulyaesi, a ŋina kadi mo worani a murwö.

Yeremia 22:6

Kogwon nan MATAT a jambu i kulya ti kötumit na mor lo Yuda adi, Ma ’di ködyö ta a lo ’but koyö gwoso Gilada, kode a lo ’but gwoso pilya na Libanon, ’diri gwak nan a milyeju adi nan mo kökon do gwoso yöbu na sese, ko gwoso köjinö naŋon a ko si ’darikin.

Yeremia 26:18

Mika lo Moreset köju a keju i perok ti Kijikia mor lo Yuda, a kulyani ko ŋutu liŋ ti Yuda adi, MATAT lo kurumi lo kulya adi, Siona mo kukuru gwoso melesen; a Yerusalema mo worani a sudiet ti rubajin, mere logon kadi na MATAT gwon kata lo mo wora a rudu.

Yeremia 35:17

Nyenagon nan MATAT Ŋun lo kurumi Ŋun lo Yisaraele lo kulya adi, Mete, nan jajakin kötumit na Yuda se ko ŋutu liŋ lo si ’da Yerusalema kulo ŋo narok liŋ nagon nan a kenakin lepeŋat kune; kogwon nan a jambu ko lepeŋat, a se gwe a ko yiŋga; nan a luŋ se, ama a se gwe a ko ruggö.

Yeremia 44:2

Nan MATAT lo kurumi Ŋun lo Yisaraele lo kulya adi, Ta aje met ŋo narok liŋ nagon nan aje jakin Yerusa­lema se ko köjinö liŋ ti Yuda kune. Mete ta, se gwe a murwöki i lo lor, a gwe ’bak ŋutu lo si ’da kata,

Yeremia 52:13

A nye ’yuŋe kadi na MATAT, ko kadi na mor, ko kadijik liŋ ti Yerusalema ko kimaŋ; iŋkoi, nye a ’yur kadijik dumalak liŋ.

Yeremia 9:10

Nan pokin i gwien ko i lulujö i kulya ti merya, a nan delyani delya i kulya ti piritön yukisi na gwon mu ’diŋ kunu, kogwon se aje körö, a ŋutu gwe ’bayin lo lwöŋöddi nyin, a woŋon na toro ’bo tine yiŋa; kweja adi ko kwen ko kijakwa aje wökön, a gwe ’bayin kwöŋ.

Yeremia 9:11

Nan mo kökon Yerusalema a murwö, ko a dotoet na guwekan; a nan mo koŋdi köjinö ti Yuda a murwöki, a ŋutu mo gwe ’bayin lo si ’da kata.

Delyasi 5:18

kogwon mere Siona a körö a gwagwea lo wöröni i loki nanyit.

Mika 1:6

Nyenagon nan MATAT mo kökon Samaria a sudiet ti rubajin mu ’diŋ yu, ko a pirit ’yutit na kaden ti binyo; a nan mo ’buköddi ŋurupö kanyit kak i pirit na ’dir, a paŋdi pipilesi kanyit.

Matayo 24:2

A nye waddi pija adi, Ta memet kine ŋo liŋ le? ’Diri nan takiŋdya ta adi, ŋurupit nene geleŋ molu ti kölöki ni i nene loki nagon mo ti gubaki kak.