Mika 3:11 - Bibilia Buk na Ŋun nagon koti luŋu a

¹¹ Ŋutu kanyit temejik ’duŋgo putesi ko ŋo na ropaki a Iwon, a koanejin todiŋdye ko ropesi, a nebijin koŋdi to ’bunun ko gurut; ama se toggu ’borik ko MATAT, a pipije adi, MATAT gwon kayaŋ kiden, ’bayin sona le? ŋo naron ’bayin nagon pokin kayaŋ loki.

Mika 3:11 ပူးပေါင်းရင်းမြစ်များ

Tolupesi 17:23

Ŋuto loron wuju ’dokesi na ’dumwe i jeba a lwön, anyen tukwölöŋgu ’duŋgö na putet rigwo.

Yisaya 1:23

Kasarak kulök a karenyak ko a julin ti kolak. Se liŋ geleŋ geleŋ nyanyar gwöröki a kepoddi ’dokesi. A se tine ’duggö kulya ti kikijikö ’bura, a putesi ti karu ’bejin tine ’dur kase yu.

Yisaya 48:2

Kogwon ta a gwijö ’börik adi ta a ti köji nake, a ta tökökiŋdye ’börik i Ŋun lo Yisaraele; logon karin kanyit a MATAT lo kurumi.

Yisaya 5:23

logon ’duŋokiŋdyo putet lo ŋuto loron adi nye a loke kogwon sea ropaki go a Iwon, ama a se ’dumaddi löti lo ’but kaŋo i ŋuto lo rigwo.

Yisaya 56:11

Se a ’dioŋjin lo gwon ko maŋor ŋupi; a se tine yimönö kwöŋ. A kayiŋituk köti gwe ’bak tirikwet; a se liŋ geleŋ geleŋ girara i kikolin kase, ŋuto geleŋ yöŋö ’bulit nanyit, ma ’di i lon swöt.

Yeremia 23:17

Lepeŋat jambu diŋitan liŋ ko ŋutu logon lauŋdya kulyaesi kwe ti MATAT kulo adi, Kulya ’kasu mo gwon a na ’but, iŋkoi, a se jamakiŋdye ŋutu liŋ logon kebbu töilyet kase iŋgo kulo adi, Nene ŋo naron mo ti pokin kasu loki.

Yeremia 26:7

A koanejin ko nebijin se ko ŋutu liŋ yiŋge Yeremia i jambu na kulo kulyaesi i kadi na MATAT.

Yeremia 5:12

A lepeŋat renyani nan MATAT adi nan ’bayin a nene go, toron ’bayin nagon mo pokin kase loki, kode meddya wale kode meddya dyaŋ.

Yeremia 6:13

Kogwon suluja i lo ’di ’dik tojo ko ŋutu temejik, lepeŋat liŋ gogoma parik ko ŋo nagon rye i kikolin lorok; iŋkoi, lepeŋat a kamumulukak, suluja i nebijin tojo ko koanejin.

Yeremia 7:4

Ta yeŋon kulya adi, Na a kadi na MATAT, na a kadi na MATAT, iŋkoi, na a kadi na MATAT. Kine kulya kasu na jam ta kine a ’burönö, an ta ko yuŋ ta se.

Yeremia 8:10

Nyenagon a nan mo tiŋdi wate kase i kulye ŋutu, a nan mo tiŋdi meleseno kase i ŋutu logon a te ’ya jur lose kulo, kogwon suluja i lo ’di ’dik tojo i ŋutu temejik, lepeŋat liŋ gogoma parik ko ŋo nagon rye i kikolin lorok; iŋkoi, lepeŋat a kamumulukak, suluja i nebijin tojo ko koanejin.

Ejikele 22:12

ŋutu kata konut kiden logon wuju ropesi nagon wuki a lwön anyen ’buköddu rima, a ta luŋgi ’yalet ko ŋutu lo kuröddu po kasu, a ri ’di-kiŋdye lepeŋat i robba ko wöli, a ta iŋge böŋö nan. Ŋilo a kulyaet lio lo MATAT ŊUN.

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 34:2

ŋuro lo ŋuto, keŋ keju kulya narok i kulya ti kayukuk ti Yisaraele, keŋ keju ko taki lepeŋat adi, Ta kayukuk, MATAT ŊUN lo kulya adi, Wöidiö, ta kayukuk ti Yisaraele logon deŋdya tunyeju ’börik kilo! Kayukuk ködyö ti tunyeju yidin le?

Osea 4:18

Lepeŋat a laŋet na kamerak, se a tiŋdu ’börik i wutön; lepeŋat nyanyar lawe lwölwöŋ bula.

Osea 4:8

A Lepeŋat nyesi toronjin ti ŋutu kwe. a Lepeŋat gomani ko ŋonyesi kase.

Amosa 5:14

Ga ’yi ta kulya na ’but ti gwon a kulya narok, anyen ta boŋo gwon jorun, nyena a MATAT ŋun lo kurumi mo gwe ko ta, gwoso na kulyari ta adi lepeŋ kata na.

Amosa 9:10

A ŋutu kwe liŋ logon a kato-ronyak mo tatuani ko baŋdujin, kweja adi kilo a ŋutu lo kulya adi, ŋo naron mo ti mok yi kode ryö yi.

Mika 3:5

Kulo a kulyaesi ti MATAT i kulya ti nebijin lo togiŋa ŋutu kanyit. Kilo nebijin ko a tiki ŋo lo nyenyei, a se laije adi, ŋo lio a na ’but, ama ko ŋutu a ko tikin se ŋo lo nyenyei a se teteŋdi moro.

Mika 7:3

Lepeŋat kikita parik i koŋdya na po narok ko könisi kase; kasarak ko ka ’duŋok ti putesi pija ’dokesi nagon ropaki se a lwön, a ŋutu lokukwon jambi ’dekesi narok ti töilyet kase; nyena a se tomor i kine po a po geleŋ.

Jepania 3:3

ŋutu temejik logon si ’da i lukata nanyit kulo gwon gwoso komi-ruot lo rurumon; a ka ’duŋok kanyit ti putesi gwe gwoso lujin lo woro i sömukö logon ti kolokiŋdyo nene ŋina tojo ko ko ’bure.

Jepania 3:4

Nebijin kanyit a kamumulukak jambu kulya nagon a wuya kana; koanejin kanyit a toluddya ŋo nagon a nake na rurwan, lepeŋat a gubakin saresi ti ŋun kak.

Malaki 1:10

A na ’but kodyo ko lele losu a kiŋdu kotumiton an ta ko mokakiŋdya kimaŋ i pirit nio ’yuret na rubaŋgajin ko kana! Nan MATAT lo kurumi lo kulya adi, Nan ’bak lyoŋon ko ta, koti a nan mo tine wuju nene ’doket kasu i konisi.

Malaki 2:9

nyena a nan koti mo tiŋdi ta i lawe ko i to ’dita ko ŋutu lio i komor, gwoso nagon ta a ko ’debba kikolin kwe na, ama ta aje nyunyumbo ŋutu i kulya ti saresi.

Kenet 16:15

A Mose iŋge woran a tömönik, a nye kulyani ko MATAT adi, An do ko ruk ’dokesi kase. Nan a ko ’dumuŋdya ma ’di kaine geleŋ kase, nan a ko konakiŋdya lele lose arabat kwöŋ.

Kenet 22:7

A temejik ti Moaba se ko temejik ti Midiyan giörö giörö jogga ’dokesi waŋesi; a se ’dure ko Balam yu, a jamakiŋdye lepeŋ jamesi ti Balak.

Matayo 3:9

an ta ko yeyeju ta kasu i töilyet adi, Abarayama a merenye likaŋ. Nan takiŋdya ta adi Ŋun bubulö pipiluŋdya nyakwariat ti Abarayama ma ’di i kilo ŋurupö.

1 Timoteo 3:3

Lepeŋ agu ködyö ti gwon a kamere, kode a kagwutönit lo ŋutu, ama ti nye gwe a lokoyok, ko ti nye gwe ti gwon a kamöronit, ko ti nye gwe ti gwon a kanyaranit lo gurut.

Tito 1:11

Toyiŋaji kilo ŋutu, kogwon lepeŋat köŋu yeyeesi ti ŋutu liŋ lo gwon i kunie midijik, lepeŋat ’bak yu na kwe i todiŋdyo na ŋo nagon se kodyo ti todin kune anyen ga ’yu ’bulit.

1 Petero 5:2

Yuŋge ta yidin ti Ŋun na gwon kasu kiden kine. Tiji ta se, ti gwon ko riŋaki, ama kogwon ta a wakun gwoso nagon Ŋun ’de ’dekan na. Tiji ta se ko pusök ti gwon kogwon gurut.

Yuda 1:11

Woidio lepeŋat! Se kepoddu kiko lo Kaina, a kolokiŋdye ’borik i lyaŋan kogwon se ’dek gurut gwoso na lyaŋgi Balam koju nu, a se iŋge renya gwoso na renyari Kora koju nu, a mo tatuani gwoso lepeŋ.

1 Samuele 8:3

Ama a ŋwajik kanyit tine wörö i kikolin kanyit, nagon a se girara i ga ’yu na tukwörien; a se wuji ’dokesi na ropaki a lwön, a kökörö-ji liliet na putesi.