Mika 2:8 - Bibilia Buk na Ŋun nagon koti luŋu a

⁸ Ama ta ŋikin i moro ko ŋutu kwe gwoso merok; ta rusun boŋgwat muisi kano ko riŋit i ŋutu logon ’bak kulya ko a ŋutu logon ti yeyeju moro.

Mika 2:8 ပူးပေါင်းရင်းမြစ်များ

2 Samuele 20:19

Nan a nene nase nagon sisi ’da ko taliŋ ko a katwöyönit i Yisaraele; do ga ’yu köŋu köji nagon a nene ŋote na Yisaraele; nyo nagon do yöŋö tutuŋgö lomore na MATAT?

Saumajin 55:20

Ju lio logon yi totoden lo a mörö ko ŋutu logon si ’da taliŋ ko lepeŋ kulo, nye a köŋu torukökin nase.

Yisaya 9:21

A Manase ŋisani ko Epuraima; a Epuraima ŋisani ko Manase, a se murek liŋ ŋisani ko Yuda. Nyena i kine kulya liŋ a woran nanyit na MATAT tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yeremia 12:8

Ŋutu kwe lomoriot a kaŋajin ko nan gwoso kömiru i rudu, lepeŋat a rumön ko nan, nyenagon a nan mane man se.

Mika 3:2

Kolumbo a ta maŋdi kulya na ’but a nyaŋi toron, a ta ’boddi mugunya ti ŋutu kwe, a ’du ’duŋuji lokorio kaŋo kase i kuyu;

Mika 3:3

ta koti a nyo lokoriŋ ti ŋutu kwe, a ’boddi mugunya kase, a totoggi kuyu kase a tutubbe se a lo ’di ’dik gwoso lo tiki i sape, ko gwoso lokore na tiki i mu ’da.

Mika 7:2

Ŋutu lo twöju Ŋun aje twatwa i kak ni, a ŋutu lo rigwo gwe ’bayin i kiden na ŋutu; lepeŋat liŋ pokin i nyiŋgo na rima, ŋutu liŋ goŋa luŋasirik kase gwoso ŋuto lo togopa ko birya.

Mika 7:3

Lepeŋat kikita parik i koŋdya na po narok ko könisi kase; kasarak ko ka ’duŋok ti putesi pija ’dokesi nagon ropaki se a lwön, a ŋutu lokukwon jambi ’dekesi narok ti töilyet kase; nyena a se tomor i kine po a po geleŋ.