Mika 2:6 - Bibilia Buk na Ŋun nagon koti luŋu a

⁶ Lepeŋat ruruddu kulya tokuesi adi, Ko ruruddu ta kulya tokuesi, ko tokujo ta kulya gwoso kine. Yu na kusik mo ti mok yi.

Mika 2:6 ပူးပေါင်းရင်းမြစ်များ

Saumajin 74:9

Yi tine met kweyesi kaŋ; nebi gwe ’bayin köti, ŋutu gwe ’bayin kayaŋ kiden logon deden ko kine kulya mo joŋga diŋit ŋoman.

Yisaya 29:10

Kogwon MATAT ra ’bukökiŋdyö kasu loki mulökotyo logon tiŋdu ta i doto adi mwön, nye aje muggö konyen kasu, konyen kasu a nebijin, a muŋge kusik kasu, kusik kasu a kametak ti kulya na popo.

Yisaya 30:10

a se kulyani ko kametak ti kulya na popo adi, An ta ko meddya ta kulya ti ŋerot; a kulyani ko nebijin adi, An ta ko kikiŋdyö ta yi kulya na rigwo; jamakiŋdye ta yi kulya na pölilyö, kikiŋdye ta yi ŋo na gwon kana,

Ejikele 20:46

ŋuro lo ŋuto, löpuköddi komor inot komorga swöt lo loki, jamaki ŋutu ti swot lo loki adi se a lorok, keŋ kulya narok i kulya ti jur logon a rudu lo gwon i jur lo Loki.

Ejikele 21:2

Ŋuro lo ŋuto, löpuköddi komor inot komorga Yerusalema, jambi kulya ti piritön nake na rurwan adi se a narok, ko keŋ kulya narok i kulya ti jur lo Yisaraele.

Ejikele 3:26

A nan mo tiŋdi ŋedep ilot i ’depakiŋdya konut i ’dako, anyen do gwon ti bulö jambu; a do mo tine bulo kunyaŋu lepeŋat, kogwon se a kötumit na karerenyak.

Amosa 2:12

Ama ta a ri ’dikiŋdya ŋutu logon a Najir i möju na binyo, a ta sarakiŋdye nebijin adi ti se gwe ti keju kwoŋ.

Amosa 7:13

ama an do koti ko keju Betele ni kwöŋ, kogwon nye a pirit na rurwan nagon mor kwakwaddu kata, ko a kadi kwakwaset na tumatyan na jur.

Amosa 7:16

Nyenagon soŋinana yiŋge kulyaesi ti MATAT. Do kulya adi, ti nan gwe ti kikiŋdyo ŋutu ti Yisaraele ŋo narok, ti nan gwe ti tokukiŋdyo kotumit na Yisaka kulya narok.

Mika 3:6

A MATAT kulyani adi, Ko ŋina kwe a kak mo gwe a tukwaje kasu, a ta mo tine meddya kulya kasu i toilyet, a mo gwe a mudwe kasu, a ta mo tine koŋdya to ’bunun. A kolor mo ’dororo kak i kulya kasu ta nebijin, a lor mo worani a mudwe kasu.

Mika 6:16

Nan mo kökon köji nasu a murwö, a koŋdi ŋutu kulok a lo ’di ’diuka, kogwon ta a ’debba saresi ti Omiri se ko kitajin liŋ ti kötumit na Aba, a ta iŋge wörö kase i jujuwesi, nyena a gweyajin ti ŋutu mo ’dö ’döji ta, a ta mo poŋgi ’do ’döyösi kase.

Konesi 4:17

Ama ti yi tokujöŋdi ta lepeŋat adi ti se. gwe ti jambu ko lele ŋuto köti i kine karin, anyen kine kulya gwon ti rekin ko ŋutu kiden.

Konesi 5:28

Yi köju a saŋu ta go adi ti ta gwe ti todiŋdyo ko kine karin, ama ta aje todinikin todinesi kasu i Yerusalema liŋ, a ta yöŋöni joŋdya rima ti ŋilo ŋuto kayaŋ i kusik.

Konesi 5:40

A se iŋge ruk jujuwesi ti Gamaliele. A se lupundye luyökie kulo a tiŋdi lepeŋat i ’bito, a sarakiŋdye lepeŋat anyen gwon ti jambu i karin ti Yesu, a kölöddi se.

Konesi 7:51

Nyena ta ŋutu logon ko muruto a nawo ’duŋak, logon toilyet se ko swo kasu gwon gwoso ti ŋutu logon ti yubbö ŋun, ta ŋupi renya Mulökötyo Loke. Ta kelaji ko merenyejin kasu.