Mika 2:4 - Bibilia Buk na Ŋun nagon koti luŋu a

⁴ I ŋilu lor a se mo yo ’yi koli giriset logon ’dö ’döyörikin ta, a mo luluje ko delyaesi na pötwör adi, Yi aje koro asut, koret na ŋutu kaŋ aje lopuko; nye ripara kayaŋ ada! Meleseno kao a koraki karerenyak.

Mika 2:4 ပူးပေါင်းရင်းမြစ်များ

2 Samuele 1:17

A Dawidi delyani Saula se ko Ŋuro lonyit Yonatana ko ŋilo köli lo twan,

2 Dekat 35:25

A Yeremia köti iŋge yolo köli lo twan na Yosia, a kayolok lulyan ko nawate liŋ ’di ’diŋdye Yosia i kolisi ti twan tojo ko lo lor. A lepeŋat ’debbi kilo kolisi ti twan a keri i Yisaraele; mete, kine a wuröki i buk na delyaesi.

Eyobo 27:1

A kirut Eyobo iti ŋerot i tokoŋu nanyit adi,

Yisaya 14:4

a ta mo suluje yulukiŋdyö ŋilo köli ’döyit lo mor lo Babela adi, A dyoŋ, ko karudanit aje gwo ’dan, ko bu ’ya nanyit na mugun aje ’baka!

Yisaya 24:3

A kak mo tu ’bakalani asut, a ryaka asut; kogwon MATAT aje jambu lo kulyaet.

Yisaya 6:11

A nan pipije adi, Diŋit ŋornan pon MATAT? a nye waddi adi, Tojo ko köjino a tukara ’bak ŋutu lo gwolor kata, a kadijik gwe ’bak ŋutu, a nu kak tukarani asut,

Yeremia 14:18

Ko nan a tu kaŋo köji kata, a nan meddi ŋutu a tatua ko baŋdujin, a ko nan lupö köji kata, a nan meddi ŋutu logon a doddya ko magor a iŋge gigilötu. Kogwon nebijin ko koanejin wöwö­rötu abur i jur kata ’bak deŋdya na kulya.

Yeremia 4:13

Mete ta, katukaranit ’di ’dikun gwoso ’dikolo, a urabiajin kanyit woku gwoso libibiu, a kusanjin kanyit gwe a na wule kak Iwolwoŋ yukuŋ; Woidio yi, karan popo, yi aje likin!

Yeremia 6:12

A kulye ŋutu mo ruddye kadijik kase ko meleseno kase se ko wate kase. Kogwon nan MATAT lo kulya adi, Nan mo ririörö könin lio kaŋo i mörö ko ŋutu ti lo jur.

Yeremia 8:10

Nyenagon a nan mo tiŋdi wate kase i kulye ŋutu, a nan mo tiŋdi meleseno kase i ŋutu logon a te ’ya jur lose kulo, kogwon suluja i lo ’di ’dik tojo i ŋutu temejik, lepeŋat liŋ gogoma parik ko ŋo nagon rye i kikolin lorok; iŋkoi, lepeŋat a kamumulukak, suluja i nebijin tojo ko koanejin.

Yeremia 9:10

Nan pokin i gwien ko i lulujö i kulya ti merya, a nan delyani delya i kulya ti piritön yukisi na gwon mu ’diŋ kunu, kogwon se aje körö, a ŋutu gwe ’bayin lo lwöŋöddi nyin, a woŋon na toro ’bo tine yiŋa; kweja adi ko kwen ko kijakwa aje wökön, a gwe ’bayin kwöŋ.

Yeremia 9:16

A nan mo torekiŋdye se i jurön logon se a ko den, ma ’di merenyejin kase köju a ko den kulu. A nan mo soŋdi merok kase i mukök ko baŋdujin, tojo ko nan a tutuŋ lepeŋat adi sit.

Ejikele 16:44

Mete, a ŋutu liŋ logon jambu tolupe-si kulo mo jambi lele tolupet i kulya kunök adi, Ŋuro nakwan a kelaji ko ŋote.

Ejikele 2:10

A lepeŋ iŋge petakin köyö i komor; a ŋina waraga iŋge wurö swötön liŋ, a kulya na wuröki kata kune gwe a luluesi, ko delyaesi, se ko durweesi.

Yoele 1:13

Ta koanejin, doggi ta ’borik ko boŋgwat terekesi, ko jojoggi ta kidoni kasu ko delya, ta kakitak lo kita i pirit ’yuret na rubaŋgajin, luluje ta lulujö. Ta kakitak lio ti Ŋun lio, luponi ta kadi, gwe ta ko boŋgwat terekesi i tukwaje lio! Kogwon ’dokesi ti ’bolot se ko rubaŋgajin ’bu ’bukesi a ko jwe i kadi na Ŋun losu.

Yoele 1:8

Luluje ta gwoso ŋuro ’diet nagon a doggu mugun ko boŋgwat terekesi, na delyarikin lalet lonyit lo tuko ’di-sen.

Amosa 5:1

Ta kötumit na Yisaraele, yiŋge ta kulyaesi logon nan a delyari ta kulo adi.

Amosa 5:17

a ŋutu luluje i lukobiot ti kaden ti binyo, kogwon nan mo Iwolwöŋöddu kasu kiden. Kilo a kulyaesi kwe ti MATAT.

Mika 1:15

Ta ŋutu ti Maresa, nan mo koti jajakin ta ŋuto logon riŋuŋdya jur losu; a ŋutu lo bubula ti Yisaraele mo iti Adulam.

Mika 1:8

Kogwon ŋina kwe nan mo dedelya a gwine gwien parik, a nan mo rusuŋdye boŋgwat kaŋo a wöröni a limu kana; a nan mo woŋe gwoso gwagwe, a gwine gwoso tutwo.

Mika 2:10

ŋine ta ki ko iti ta, kogwon na ’bayin a pirit nasu yukaet, kogwon tolutan kata na tutukaŋu ŋutu ko tukaret nagon a naron bia parik.

Abakuk 2:6

Kilo liŋ mo jambu lilim i kulya ti lepeŋ. a ’do ’doji lepeŋ ko tolupet adi, Woidio ŋuto logon ’du ’du ’yu ŋo nagon ’bayin a kanyit, a sobbi mugun ko ŋo nagon a togwoesi! Kine ŋo mo gwon a kunok ko diŋit ŋornan?

Jepania 1:2

MATAT lo kulya adi, Nan mo rereyara ŋo liŋ kaŋo lo gwon i kak ni kulo.

Kenet 23:18

A Balam tokoŋ adi, Balak, ŋine ki, ko yiŋge yiŋga;

Kenet 23:7

A Balam tokoŋ adi, Balak a joŋdya nan Aram yu, iŋkoi mor lo Moaba a joŋdya nan kaŋo i merya ti swöt lo ’yure kulya adi, Po, lömöki nan ŋutu ti Yakobo, po, senye ŋutu ti Yisaraele!

Kenet 24:15

a nye tokoŋ adi, Ŋilo a nan Balam ŋuro lo Beor lo ’do ’yu, ŋina a ’dolet nio nan ŋuto logon konyen kwe gwon ŋa,

Kenet 24:3

a nye tokoŋ adi, ŋilo a nan Balam ŋuro lo Beor lo ’do ’yu, ŋina a ’dolet nio nan ŋuto logon konyen kwe gwon ŋa,

Marako 12:12

A se ga ’yi kiko logon morgi Yesu, ama a se kujono ni lodir lo ŋutu, kogwon se a kurun adi nye jambu ŋilo lilim i kulya kase; nyena a se kö ’yi lepeŋ a se iti tu.

Nyökit 28:29

a ta mo wawaji ko könisi kasu i tuparan kiden, gwoso nagoŋ ŋutu mo ’dokeŋo wawaji i mudwe na, a ta mo tine ryö komor na ’but kasu i gwiliŋit; a ta mo rudani ruda a ryakani ryaka perok liŋ, a ta mo gwe ’bak kalwokönit.