Mika 2:10 - Bibilia Buk na Ŋun nagon koti luŋu a

¹⁰ ŋine ta ki ko iti ta, kogwon na ’bayin a pirit nasu yukaet, kogwon tolutan kata na tutukaŋu ŋutu ko tukaret nagon a naron bia parik.

Mika 2:10 ပူးပေါင်းရင်းမြစ်များ

1 Moran 9:7

a nan mö ’duŋöddi ŋutu ti Yisaraele kaŋo i jur logon nan aje tin se lo; a nan mo tolikiŋdye ŋina kadi köyö i metet nagon nan aje gelakin karin kwe na; a ŋutu ti Yisaraele mo gwe a temet ko a tojowet i kiden na jurön liŋ.

2 Moran 15:29

A i perok ti Peka mor lo Yisaraele, a Tigilat-pileser mor lo Asura poni ŋo, a te ’yi Iwon ko Ebele-bete-maka, ko Yanoak, ko Kedese, ko Kasor, ko Gilada, ko Galilaya, ko jur liŋ lo Napatali; a nye joŋgi kilu ŋutu Asura yu a ’dupi.

2 Moran 17:6

A i kiŋa tobuŋwan na gwoŋdi Osea a mor ’nu, amor lo Asura te ’yi Samaria, a nye joŋgi ŋutu ti Yisaraele kaŋo tojo ko Asura, a tosi ’daji se Kalak, ko köti nyona ko Kabor logon a kare lo Gojan, ko i köjinö ti ŋutu ti Medai.

2 Dekat 7:20

a nan mo gwunyuŋdye ta kaŋo i ŋilo jur logon nan a, je tin ta ŋilo; a nan mo tolikiŋdye ŋina kadi koyo i metet nagon nan aje gelakin karin kwe na, a nan mo koŋdi lepeŋ a temet ko a tojowet i kiden na juron liŋ.

Saumajin 106:38

a se ’bukundye rima na mamaŋa ti ŋwajik kase lulyan se ko nawate, kilo a ŋwajik logon se a tindu a rubaŋgajin ti nyömuejin ti Kana-na kulu; a ŋilu jur iŋge toluta ko kinu rima.

Saumajin 95:11

Nyena a nan milyeji i woran nio adi se mo ti luŋö köyö i ŋirit yukaet.

Yeremia 10:18

Kogwon nan MATAT lo kulya adi, Mete, nan ŋilo gugubara ŋutu ti na kak kaŋo i na diŋit, a nan mo ri ’dije lepeŋat anyen se deden.

Yeremia 3:2

’Biluddi konyen kulök ki i ko ’du­lan ti merya nagon gwon kana ’bak nene ŋo, a meddi se;nan pirit nagon do a ko körö kata? Do si ’da i merete lo kiko i mömöŋdu na kanyarak kulök gwoso Arabityo lo mömöŋdu ryag­gu kajölök i yöbu. Do aje toluddya jur ko wutön i lulupujö inot se ko toron inot.

Yeremia 9:19

Kogwon luluesi a kuun Siona, adi: Wöidiö, yi a tukara! Wöidiö, yi ’diri gwe ko yu na kwe, kogwon yi aje kölökiŋdyö jur likaŋ, a kilo ŋutu iŋge dugga kadijik kaŋ kak!

Ejikele 36:17

Ŋuro lo ŋuto, i diŋit nagon koju ŋutu ti kötumit na Yisaraele gwolor kase i jur nu, lepeŋat a tolut jur lose ko kikolin ti gwiliŋisi kase ko konesi kase; gwiliŋisi kase köyo i komor meta gwoso ŋuto nagon lolokia.

Ejikele 36:19

A nan iŋge torekin lepeŋat i kiden na gweyajin ti ŋutu, a lepeŋat iŋge gwo-gwölöki i jurön, a nan ’duŋökiŋdye lepeŋat putet kogwon kulya ti kikolin ti gwiliŋisi kase se ko konesi kase.

Nyökit 12:9

kogwon ta a ko nyuŋ ’dur i nu pirit yukaet ko i jur lomore logon MATAT Ŋun losu a tin ta lu.

Nyökit 30:18

nan kunyaŋu ta i lo lor adi ta mo totoliki; a ta mo tine si ’da ko kiŋajin jore i jur logon ta laŋaddu i nu pele na Yardene nyu anyen lubbö i morga na lepeŋ lu.

Nyökit 4:26

A ko ködyö mo gwon sona, a nan luŋgi ki ko kak i kwekiŋdya na kulya kasu adi ta mo totoliki asut i diŋit a na ’dit i lu jur logon ta mo laŋaddu i nu pele na Yardene i morga na lepeŋ lu. Ta mo ti gwon ko perok jore nyu, ama ta mo tutukara asut.