Mika 1:8 - Bibilia Buk na Ŋun nagon koti luŋu a

⁸ Kogwon ŋina kwe nan mo dedelya a gwine gwien parik, a nan mo rusuŋdye boŋgwat kaŋo a wöröni a limu kana; a nan mo woŋe gwoso gwagwe, a gwine gwoso tutwo.

Mika 1:8 ပူးပေါင်းရင်းမြစ်များ

2 Moran 18:13

A i kiŋa topuök wot iŋwan na gwoŋdi Kijikia a mor nu, a Sanakeriba mor lo Asura poni i möro ko köjinö liŋ ti Yuda nagon a gömö ko mariŋan nago, a te ’yi se.

Esetere 4:1

A gwe sona nagon Mordekai aje yiŋ ŋo liŋ na kona kune, a lepeŋ kekereŋdi boŋgwat kanyit kune, a jupukiŋdye boŋgwat terekesi ko kurök kanyit i mugun, a lepeŋ worojine i köji lukata, luluoddu parik ko gwiet duma.

Eyobo 30:29

Nan gwe a luŋaser lo gwagwea, ko a marate lo tutwölön.

Saumajin 102:6

Nan gwon gwoso kwenti urbaŋa lo yöbu, nan a wora gwoso lumö ’duk lo piritön nagon a rubajin.

Yisaya 13:21

Ama a kijakwa mo pere kak yu, a kadijik kanyit mo tojoreni ko ŋolo wuwuŋi; a tutwolön mo gwolore nyu, a lopijoki ti mulökö mo lyölyöŋiörö yu.

Yisaya 13:22

A luböŋuot mo woŋoro i kadijik kanyit, se ko guwekan i kadijik dumalak nakwekwelen; a diŋit nanyit gwe nyona ko po, a perok kanyit mo tine yeŋoro.

Yisaya 16:9

Nyenagon a nan mo gwine kogwon lu ködini lo binyo lo Sibema, gwoso na gwije nan Yajer nu; ta Kesebon ko Eleale, nan wöwök ta ko ŋolitan kwe; kogwon siraesi ti mörö a ’durukin kasu i ludweki ko kasu i ’butun.

Yisaya 21:3

Nyenagon monyet kwe mimien parik; tömiesi a mok nan, gwoso tömiesi ti ŋuto nagon tata ’du; nan a ruŋaki kak an yiŋga, a nan tokujönöni tokujönö an meddya.

Yisaya 22:4

Nyenagon a nan kulyani adi, Ko diŋa ta nan, nan mo gwigwien parik; ko möŋu ta suŋga nan, kogwon kulya ti körö na ŋutu kwe lomoriot.

Yisaya 32:11

Ta wate nagon si ’da ti yeyeju kune, böŋdi ta böŋdu, delyani ta, ta nagon ti den sasanya kune; rusuŋdye ta boŋgwat, gwe ta a limuö kana, torakiŋdye ta boŋgwat terekesi kasu i mukökö.

Yeremia 4:19

Nan a yiŋga wogon na tore se ko siraet lo gor, a nan nininije mugun lulujö adi, Woidio, woidio! Toili lio gwogwoja a nan tine bulo gwon taliŋ.

Yeremia 9:1

Ko ködyö kwe nio gwon a kidi lo pioŋ, a ko ködyö konyen kwe lelek a ŋolitananyen nan ködyö böŋö gwigwien ko tuparan ko tukwaje kogwon ŋutu kwe lo tatua kulo!

Yeremia 9:10

Nan pokin i gwien ko i lulujö i kulya ti merya, a nan delyani delya i kulya ti piritön yukisi na gwon mu ’diŋ kunu, kogwon se aje körö, a ŋutu gwe ’bayin lo lwöŋöddi nyin, a woŋon na toro ’bo tine yiŋa; kweja adi ko kwen ko kijakwa aje wökön, a gwe ’bayin kwöŋ.

Yeremia 9:19

Kogwon luluesi a kuun Siona, adi: Wöidiö, yi a tukara! Wöidiö, yi ’diri gwe ko yu na kwe, kogwon yi aje kölökiŋdyö jur likaŋ, a kilo ŋutu iŋge dugga kadijik kaŋ kak!

Ejikele 32:18

Ŋuro lo ŋuto, luluje lulujö i kulya ti ŋutu ti Ejipeto logon jore parik kulo, gubara lepeŋat kak tojo i jur logon i lukak na kak, iŋkoi, gubara Ejipeto se ko ŋutu ti jurön lokukwön anyen moraddu ko ŋutu logon tu kak i dili nagon ’bak ’dutet kulo.

Mika 2:4

I ŋilu lor a se mo yo ’yi koli giriset logon ’dö ’döyörikin ta, a mo luluje ko delyaesi na pötwör adi, Yi aje koro asut, koret na ŋutu kaŋ aje lopuko; nye ripara kayaŋ ada! Meleseno kao a koraki karerenyak.

1 Samuele 19:24

A nye köti rusuŋdye boŋgwat kanyit kune kaŋo, a nye köti keŋ keju ko Samuele i komor, a nye ’dorone kak a limu kana i ŋilu tuparan ko i ŋilu tukwaje liŋ. Ko ŋina kwe a ŋutu pije adi. Saula köti a lele lo nebijin le?