Mika 1:7 - Bibilia Buk na Ŋun nagon koti luŋu a

⁷ A ŋöjinö kanyit liŋ na gigiru kune mo gwagwalakani gwagwalaka a na ’di ’dik na ’di ’dik, a ŋo liŋ nagon ropaki lepeŋ kunu mo ’yurani ’yura ko kimaŋ, a nan mo kököröji nyomuejin kanyit liŋ logon a nunyen kulo adi sit. Damaseke koju pepeŋdya kulu nyomuejin kogwon ropesi kanyit ti kalupe, a se mo koti worani a ropesi ti kalupe.

Mika 1:7 ပူးပေါင်းရင်းမြစ်များ

2 Dekat 31:1

A nagon kine po liŋ aje tutu poki nu, a ŋutu ti Yisaraele liŋ logon kata i nu diŋit iti kapo i köjino ti Yuda, a gwagwalaggi nurupo logon a togwi ’diki ki ka ’de ka ’de, a toggi kaden ti mian kak logon a Asera, a tuŋe kak piriton kwakwasesi na gwon i ko ’dulan kune, se ko piriton ’yuresi ti rubaŋgajin i lukata na Yuda ’bukuluŋ ko Benyamina, ko i Epuraima, se ko Manase, tojo se a kor lepeŋat liŋ. A kirut ŋutu liŋ ti Yisaraele yitöni kase i köjino, ŋutu liŋ geleŋ geleŋ kase i piriton lomoriot.

Yisaya 2:18

A nyömuejin mo wusajine kaŋo asut.

Yisaya 23:17

A mo gwe sona i ’baka na kiŋajin merya buryo, a MATAT mo ’yö ’yi Turo, a nu köji mo yitöni i ropaki na kita nanyit na ’beron, a mo kitakiŋdye tumatyanjin liŋ na gwon i kak ko ropet.

Yisaya 27:9

Nyenagon a lyaŋesi ti kötumit na Yakobo mo tolikani sona, a kulya nagon joŋga toronjin kanyit kaŋo kune mo gwe i kine kulya, kweja adi a nye mo gwagwalaŋgi salesi liŋ ti piritön ’yuresi ti rubaŋgajin anyen gwon gwoso ŋurupö lorgo-yo, a tine kölökiŋdyö kaden ti mian logon a Asera kode ’yuresi ti bökur i gwo ’dan ki köti.

Ejikele 6:6

Köjinö kasu mo kokona a murwöki i piritön kasu nagon ta si ’da kata kine, a piritön kasu kwakwasesi na gwon i ko ’dulan ti merya kine mo konani a murwöki. A piritön kasu ’yuresi ti rubaŋgajin mo köröni körö a mo gwe a murwöki, a nyömuejin kasu logon a ŋunyen kilo mo gwagwa-lakani gwagwalaka a tu ’bakalani tu ’ba-kala, a piritön kasu ’yuresi ti bökur mo turöni kak, a kitajin kasu mo seyajine kaŋo.

Osea 2:12

A nan mo kököröji kaden kanyit ti binyo se ko kaden kanyit ti ki ’bi, logon nye kulyari adi, Kulo a ropesi kwe logon kanyarak kwe a tikin nan kulo. Nan MATAT mo kökon se a rudu, a kijakwa ti mu ’diŋ mo nyesi se.

Osea 2:14

Nyenagon, mete, nan mo lulu-kun Lepeŋ, a joŋgi Lepeŋ mu ’diŋ, a jamakiŋdye Lepeŋ kulyaesi lo ’but.

Osea 2:5

Kogwon ŋote nase a koŋdya towuton; nye na yupuŋdyö se na a koŋdya arabat ’bak yu na kwe, kogwon Lepeŋ kulya adi, Nan de tutu ko kanyarak kwe yu, logon titikin nan kinyo lio se ko pioŋ kwe na mamata, a tiŋdi nan kupir ti köbilu se ko waratat pisite nagon gweya a boŋgwat kwe, ko welet nio se ko yawa kwe.

Osea 8:5

Nan aje renya tagwok na ŋutu ti Samaria nagon a nyomue, woran nio aje tulekin kase loki. (Diŋit ŋornan tojo se mo wora a loke i Yisaraele?)

Osea 8:6

Bodo a teteŋdya ŋina tagwok, ŋina tagwok ’bayin a ŋun. Tagwok na Samaria mo gwagwa-laka a na ’di ’dik na ’di ’dik.

Yoele 3:3

A lepeŋat iŋge gumbe ŋutu kwe guralan, lepeŋat aje tikin ŋwajik lyan a ropesi ti kawutejin, ko a tugwöŋu ŋwajik kö ’disi anyen se moji binyo.

Lewi 26:30

A nan mo köŋi piritön kasu kwakwasesi na gwon i ko ’dulan ti merya kine, a mo tolikiŋdye piritön ’yuresi kasu ti bökur, a nan mo gubakiŋdye öpuö kasu na ’bu ’burön kune i loki na nyömuejin kasu lo ’bu ’burön; a nan mo maŋdi ta.

Nyökit 23:18

An ta ko joŋdya i kadi na MATAT Ŋun losu ’doket na milye nagoŋ a ŋutut ropesi ti kalupejin, kode ti ŋutu lyan logon a toluŋ ko ’börik; kogwon kine murek liŋ MATAT Ŋun losu maman.

Nyökit 9:21

A nan ’dumaddi nu toron nasu nagoŋ a tagwok na teten ta nu, a nan ’yuŋe nye ko kimaŋ, a gwagwalaggi lepeŋ, a nyö ’buŋe nye ’bura tojo ko nye a poŋdya a naliliŋök gwoso ŋutu; a nan ’bukökiŋdye ŋutu kanyit i loro lo lelekun ki i mere.

Kweyatti 18:3

Kogwon jurön liŋ aje möju binyo ti towutön nanyit, a moran ti kak iŋge toluŋ ko lepeŋ, a katujarak ti kak iŋge wora a kwörinikö kolor kanyit nagon nye a monyota ko se abur kune.

Kweyatti 18:9

A moran ti kak lo toluŋ ko lepeŋ lo si ’da ’bura a monyota abur kulo, mo luluje lulujö jojokoja kidoni i kulya ti lepeŋ na meddi se köpuröt lo kimao nagon ’yurarikin lepeŋ nu i gwululuöddu ki.

1 Samuele 5:4

Ama i ko ’bure nanyit, na pije se ki i waran ’beron nu. mete, a Dagona aje ’doro kak rupu i komor na saŋduk na MATAT, mete, a kwe na Dagona ko ’dapan ti könisi kanyit liŋ aje ’biliŋuŋdyo kaŋo a gwe i kutuk na kötumit; tuŋ mugun na Dagona na pituŋdye.