Mika 1:6 - Bibilia Buk na Ŋun nagon koti luŋu a

⁶ Nyenagon nan MATAT mo kökon Samaria a sudiet ti rubajin mu ’diŋ yu, ko a pirit ’yutit na kaden ti binyo; a nan mo ’buköddi ŋurupö kanyit kak i pirit na ’dir, a paŋdi pipilesi kanyit.

Mika 1:6 ပူးပေါင်းရင်းမြစ်များ

2 Samuele 17:13

Ko lepeŋ a mijörö bot tojo ko nene köji a ŋutu liŋ ti Yisaraele de joŋdi patala i ŋinu köji, a yi de piköddi ŋurupö kanyit tojo ko loro lukata, teŋ ko nene ŋurupit geleŋ tine kölöki nyu.

2 Moran 18:10

a te ’yi lepeŋ i mukök na kiŋajin musala. A i kiŋa tobuker na gwoŋdi Kijikia a mor, logon a kiŋa tobuŋwan na gwoŋdi Osea a mor lo Yisaraele nu, a Samaria kirut telani tela.

2 Moran 18:9

A i kiŋa toiŋwan na gwoŋdi Kijikia a mor, logon a kiŋa toburyo na gwoŋdi Osea ŋuro lo Ela a mor lo Yisaraele nu, a Salumaneser mor lo Asura poni i mörö ko Samaria, a tumbe lepeŋ,

2 Moran 19:25

Do a ko yiŋ adi, Nan a teteŋdya kine kulya köju ’beron nu le? Suluja i perok ti ’beron kulu nan a yeyeju koŋdya kine kulya na kon nan sopinana kine, adi do mo ryaggu köjinö na gwon ko maripan tojo i torubaju na se a sudiet,

Yisaya 17:1

’Dokut i kulya ti Damaseke adi, Meddi, Damaseke mo tine gwon aköjiköti, a nye mo worani a ’domeki ti rubajin.

Yisaya 25:12

A nye rupuŋdye bililyat lojo iŋgo ti goroma nagon a mariŋan ti Moaba kune kak, a mo nyökuŋdye se kak, a mo gubakiŋdye se kak i ŋutut.

Yisaya 25:2

Kogwon do a koŋdya köji i gwon a sudiet, köji na gwon ko mariŋ i gwon a rubajin; a kadi najo ki na Lwaka tine gwon a köji köti, a mo tine nyökö ’dukö kwöŋ.

Yeremia 31:5

A ŋutu kulök mo köti ’yuddiludweki ti kaden ti binyo i loki na merya ti Samaria, iŋkoi, ka ’yutuk mo ’yu ’yuddu, a mo nyesi ludweki.

Yeremia 51:25

Nan MATAT lo kulya adi, Do mere katukaranit logon tukaŋu kak ’bukuluŋ lo, mete, nan a miriku ilot. Nan mo ririörö könin lio i mörö ko do, a nan mo dukuŋdye do i lurwat, a do mo gwugwulupundye kak, a mo koŋdi do a mere lo nokan.

Yeremia 51:37

a Babela mo gwe a sudi ko a murwö nagon guwekan si ’da kata, lepeŋ mo gwon a torigwökit ko a ’diuket ’bak ŋutu lo si ’da kata.

Yeremia 9:11

Nan mo kökon Yerusalema a murwö, ko a dotoet na guwekan; a nan mo koŋdi köjinö ti Yuda a murwöki, a ŋutu mo gwe ’bayin lo si ’da kata.

Delyasi 4:1

A dyoŋ, dakap aje wora a nakuye, dakap nalilipök aje wora ka ’de! ŋurupo ti pirit nake na rurwan parasake i keresi liŋ ti kikolin.

Ejikele 13:14

A nan mo duyömökiŋdye ŋina gorom kak nagon ta aje we ’ya ko buya ŋina, a nan mo yayarakiŋdye lepeŋ kak, a pipilesi kanyit mo purune köke. Ko ŋina gorom a ’doro, a ta mo twatwane i lukata nanyit; a ta mo dene den adi nan logon a MATAT.

Osea 13:16

Samaria mo ŋogoŋ toron nanyit, kogwon ŋutu kanyit a renya ŋun lose, a se mo tatuani i gor, a luŋudiet kase mo ŋapasakani papasaka, a ŋutu wate kase nagon ko pelela kune mo kikilani kikila.

Amosa 5:11

Nyenagon kogwon ta a ryoka-kiŋdya lomerika kak, a ri ’dikiŋdye lepeŋat i ’buggö na usur lo ’bolot.ma ’di kodyo ta a ’duggö kadijik ko ŋurupö lo tuturu, ama a ta mo tine si ’da kata; ma ’di kodyo ta aje ’yuddu lukobiot ti kaden lo ’but ti binyo, ama a ta mo tine möju binyo kase.

Amosa 6:8

Nan MATAT ŋun aje milyeju ko mugun nio adi, ’Diri ’diri nan maman ’du ’duŋga na kötumit na Yakobo, a maŋdi piritön kase nago na titiyu; a nan mo wukiŋdye köji se ko ŋo liŋ na gwon i lukata nanyit kune i könisi ti merok. Kilo a kulyaesi kwe ti MATAT ŋun lo kurumi.

Mika 3:12

Nyena kogwon kulya kasu, Siona mo kukuru gwoso melesen; a Yerusalema mo worani a sudiet ti rubajin, a mere logon kadi na MATAT gwon kata lo mo worani a rudu.

Abakuk 3:13

Do aje tu i lwöggu na ŋutu kulok, i lwöggu na ŋutu lo welaki kölipö-nök kulök; a do iŋge ŋan kwe na kadi na ŋuto loron a iŋge lalaara gorom kak tojo i pi-pilesi logon a ŋurupö.

Matayo 24:2

A nye waddi pija adi, Ta memet kine ŋo liŋ le? ’Diri nan takiŋdya ta adi, ŋurupit nene geleŋ molu ti kölöki ni i nene loki nagon mo ti gubaki kak.