Mika 1:1 - Bibilia Buk na Ŋun nagon koti luŋu a

¹ Kulo a kulyaesi ti MATAT lo pokin ko Mika lo Moreset, i ŋo nagon nye a met kanyit i toili i kulya ti Samaria ko Yerusalema i perok ti Yotama, ko ti Akaja, ko ti Kijikia moran ti Yuda.

Mika 1:1 ပူးပေါင်းရင်းမြစ်များ

2 Moran 15:32

A i kiŋa tomurek na gwoŋdi Peka ŋuro lo Remalia a mor lo Yisaraele nu, a Yotama ŋuro lo Ujiya, mor lo Yuda, suluje gwon a kasaranit.

2 Moran 15:5

A MATAT riŋge mor, a nye worani a ŋuto lo rimajin tojo ko lor lonyit twayet, a mor si ’dani i nene kadi nye geleŋ. A Yotama ŋuro lo mor gwe a duma lo mede na mor, i saŋu na ŋutu ti jur.

2 Moran 16:1

A i kiŋa topuök wot buryo na gwoŋdi Peka ŋuro lo Remalia a mor nu, a Akaja ŋuro lo Yotama mor lo Yuda, suluje gwon a kasaranit.

2 Moran 18:1

A ko gwe sona i kiŋa tomusala na gwoŋdi Osea ŋuro lo Ela a mor lo Yisaraele nu, a Kijikia ŋuro lo Akaja, mor lo Yuda, suluje gwon a kasaranit.

2 Dekat 28:1

A Akaja gwe ko kiŋajin merya murek na suluje nye gwon a kasaranit nu, a nye saŋi Yerusalema yu ko kiŋajin puök wot buker. A nye tine koŋdya ŋo nagon a na ’but ko MATAT i metet gwoso na koŋdi merenye lonyit Dawidi köju nu,

2 Dekat 29:1

A Kijikia gwe ko kiŋajin merya murek wot mukanat na suluje nye gwon a kasaranit nu, a nye saŋi Yerusalema yu ko kipajin merya murek wot buŋwan. A karin ti ŋote nanyit gwe a Abiya ŋuro na Takaria.

Yisaya 1:1

Kine a ŋo na met Yisaya ŋuro lo Amosa, i kulya ti Yuda ko ti Yerusalema, i perok ti Ujiya, ko Yotama, ko Akaja se ko Kijikia, moran ti Yuda.

Yisaya 1:2

Ta ’dikolo, yiŋge ta, ko do kak, ŋaji swo; kogwon nan MATAT aje jambu adi, Nan a wowoja ko a to ’duŋo ŋwajik, ama a se aje renya nan.

Yisaya 7:1

A ko gwe MATAT i perok ti Akajamor lo Yuda, logon a ŋuro lo Yotama, ŋuro lo Ujiya, a Resin mor lo Suria se ko Peka ŋuro lo Remalia, mor lo Yisaraele, iti Yerusalema i moro ko lepeŋ; ama a se tine bulö te ’ya lepeŋ.

Yisaya 7:9

A köji duma na Epuraima gwe a Samaria, a duma lo Samaria gwe a ŋuro lo Remalia. Ko ta ti yubbo, a ta de tine togwi ’diki gwogwo.

Yeremia 26:18

Mika lo Moreset köju a keju i perok ti Kijikia mor lo Yuda, a kulyani ko ŋutu liŋ ti Yuda adi, MATAT lo kurumi lo kulya adi, Siona mo kukuru gwoso melesen; a Yerusalema mo worani a sudiet ti rubajin, mere logon kadi na MATAT gwon kata lo mo wora a rudu.

Osea 1:1

Kulo a kulyaesi ti MATAT lo pokin ko Osea ŋuro lo Beri, i perok ti Ujiya, ko ti Yotama, ko ti Akaja, se ko ti Kijikia, logon a moran ti Yuda, ko i perok ti Yerobama ŋuro lo Yöasa, mor lo Yisaraele.

Osea 4:15

Ta kötumit na Yisaraele, ma ’di nagon ta ködyö totowutön, ama ti kötumit na Yuda gwe ti toroŋdya. An ta ko tu ta Giligala, an ta ko tu ta Bet-awen i milyeju -adi, ’Diri ’diri, gwoso na gwoŋdi MATAT na.

Osea 8:14

Kogwon kötumit na Yisaraele aje böŋöri nan Kagweyanit lose, a ’duŋge kadijik ti tumatyan; a kötumit na Yuda tuŋdije köjino nagon a gömö ko mariŋan nago na titiyu; ama nan mo soson kimaŋ kase i köjinö, a mo ’yuŋe piritön kase nago na titiyu.

Amosa 1:1

Kilo a kulyaesi ti Amosa lele lo kayukuk ti Tekowa. Kilo kulyaesi po ko lepeŋ i po nagon a kweki lepeŋ kanyit i toili i kulya ti Yisaraele i kiŋajin murek i ŋerot na rigirigi. I ŋinu diŋit Ujiya a mor lo Yuda, a Yerobama ŋuro lo Yöasa gwe a mor lo Yisaraele.

Amosa 6:1

Woidio i ŋutu logon yeyeju adi se si ’da ’bura Siona, ko i se logon yeyeju adi nene ŋo naron ti pokin kase i mere lo Samaria, kilo a ŋutu lokukwön logon jur lose a bula a togeleŋ lo juron, ŋutu ti kötumit na Yisaraele tu ko kilo ŋutu yu!

Mika 1:5

Kine ŋo liŋ kona kogwon lyaŋesi ti ŋutu ti Yakobo, a kona kogwon toronjin ti kötumit na Yisaraele. Lyaŋesi ti ŋutu ti Yakobo a nyo? ’Bayin a Samaria le? A toron na kötumit na Yuda gwe a nyo? ’Bayin a Yerusalema le?

Mika 3:9

Yiŋge ta kine kulya, ta ŋutu logon a kusik ti kotumit na Yakobo, ko a kasarak ti kotumit na Yisaraele, ta logon maman kulya na rigwo, a tukwolorgi kulya liŋ nagon jojo,

Abakuk 1:1

’Dolet i kulya ti ŋo na met nebi Abakuk kanyit i toili kune,

2 Petero 1:21

kogwon ŋutu ’bayin logon a wakuŋdya keju, ama Mulokotyo Loke lo ri ’dikindya lepepat i jambu na kulyaesi lo po ko Ŋun.