Matayo 7:2 - Bibilia Buk na Ŋun nagon koti luŋu a

² Kogwon liliet nagon ta lileŋ na mo liliki i ta, a temet nagon ta yeŋ temakiŋdye kulye ŋutu na nye mo köti na temaki ’e ta.

Matayo 7:2 ပူးပေါင်းရင်းမြစ်များ

2 Samuele 21:5

A se nyobbi mor adi, Ŋuto logon a tutuŋgö yi ko ga ’yu köŋu yi anyen yi gwon ’bak pirit asut i koresi ti Yisaraele liŋ lo,

Saumajin 109:17

Leŋeŋ nyanyar lömbu, nyena ti nye lömöni lömö! Leŋeŋ ti nyar ’boroja, nyena ti nye gwe ti ’boria!

Yuörö 21:24

a ko koŋe lo böŋöji a ropani ko koŋe, a ko kele lo böŋöji a ropani ko kele, a ko könin lo böŋöji a ropani ko könin, a ko moköt lo böŋoji a ropani ko moköt,

Yisaya 33:1

Wöidiö, do katukaranit, do logon a ko tukara; do kadumanit, logon ŋutu a ko dumba do! Ko do a tutuggö tukaŋu, a do mo tukarani tukara, a ko do a tutuggö dumba, a do mo dumani duma.

Yeremia 34:17

Nyenagon nan MATAT lo kulya adi, Ta a ko twöju nan i mukök nagon ta liŋ geleŋ geleŋ aje laikiŋdya luŋasirik kasu ko maratejin kasu adi se a lui; nyena mete ta, nan MATAT lo kulya adi, Nan mo lalaikin baŋdu, ko twanti iŋgo se ko dyaŋ adi se a lui i tatuja na ta, a nan mo tiŋdi tumatyanjin liŋ ti kak i rigwökö kogwon kulya kasu.

Yeremia 51:24

Ta mo memet nan i ropakiŋdya na Babela se ko ŋutu liŋ lo si ’da Kaledea ŋo narok liŋ nagon se aje konakin Siona kune. Kilo a kulyaesi kwe ti MATAT.

Obadia 1:15

Kogwon lor lio lo MATAT mo gwe nyona i gweyajin liŋ ti ŋutu. A do mo konakine sona koti gwoso na koŋdi do na, a konesi kunok mo yitokine konut i kwe.

Matayo 6:14

Kogwon ko ta pipitökin ŋutu i lyaŋesi kase, a Monye losu lo gwon ki lu köti mo pitökiŋdye ta;

Marako 4:24

A köti nye kulyani ko lepeŋat adi, Meddi ta ’bura i ŋo na yiŋ ta kine; ŋo nagon ta tetemakiŋdye kulye ŋutu kine mo na temaki ’e ta köti, a kunie mo ’yalakine ta.

Luka 6:38

’Doggi ta ’doŋga, a ta mo koti ’dokani ’doka. Temet na ’but nagon a ruda, ko a dodoŋaki jojo, ko a ’du ’dulu na mo ’bukoki kasu i wuyisi. Kogwon temet nagon ta yeŋ temakiŋdye kulye ŋutu na nye mo koti na temeki ’e ta.

2 Korinto 9:6

Yeyene ta yeye adi, ŋuto lo weja ku ’dik lo mo köti peŋa ku ’dik, a nye lo weja jore lo mo köti peŋi jore.

Yakobo 2:13

Kogwon ŋutu logon ti yatakiŋdya lo mo ’duŋöki ’bak yataki, ama yatakiŋdya te ’ya ’duŋöki na putet.

Kweyatti 18:6

Konaki ta lepeŋ gwoso na konakiŋdye nye kulye ŋutu na. Ropaki ta lepeŋ daŋin murek kogwon oŋ na kon nye kune. ’Yulöki ta lepeŋ i koŋo nagon nye yeŋ ’yulokiŋdye kulye ŋutu na.

Ka’duŋök 1:7

A Adoni-bejek kulyani adi, Moran merya buryo logon nan a ’duŋ morin kase lobot ti könisi ko ti mokosi koŋo kulo yeŋ kwökwöddu tupesi ti kinyo koyo i misa mukök. Nyena ŋun aje ropakiŋdya nan gwoso na koŋdi nan nu. A se joŋge lepeŋ Yerusalema, a nye twane twan nyu.

Ka’duŋök 5:27

A nye rorokaddi rorokaddu, a ’dorone kak, a gwe taliŋ kanyit i mokosi, iŋkoi, nye a rorokaddu kak ko lepeŋ i mokosi, a ’dorone kak, a nye twane twan asut.

1 Samuele 15:33

a Samuele kulyani adi, Gwoso nagon baŋdu ilot aje tolikiseŋdu wate jore nu, nyena köti a ŋuti de gwe a likiso ko wate kiden. A Samuele totoggi Agaga ka ’de ka ’de ko MATAT i komor Giligala yu.