Matayo 7:1 - Bibilia Buk na Ŋun nagon koti luŋu a

¹ An ta ko liŋ ta kulya ti kulye ŋutu, anyen kulya kasu mo gwon ti lilia.

Matayo 7:1 ပူးပေါင်းရင်းမြစ်များ

Yisaya 66:5

Ta ŋutu logon böböŋdu ko kulyaet lo MATAT kulo, yiŋge ta kulyaet lonyit. Lepeŋ kulya adi, Luŋösurök logon maman ta, logon riköddu ta kaŋo kogwon karin kwe kulo, aje ’dö ’döju adi, Ti MATAT bulani bula, anyen yi memet lyöŋön nasu; ama kudyakan a se mo wuji yu na kusik.

Matayo 7:2

Kogwon liliet nagon ta lileŋ na mo liliki i ta, a temet nagon ta yeŋ temakiŋdye kulye ŋutu na nye mo köti na temaki ’e ta.

Matayo 7:5

Do kamumulukanit, a kokwe kiyaŋ ’dumu bau kaŋo konut i koŋe, a kirut a do bulöni bulö meddya ’bura i kurutuŋdyö na korodoti na ’dit kaŋo ko luŋösur i koŋe.

Luka 6:37

An ta ko lilija ta kulya ti kulye nutu, an kulya kasu mo lilia. Koti ko ’duŋökiŋdyö ta kulya ti kulye ŋutu a narok an kulya kasu mo ’duŋöki a narok. Pitöki ta kulye ŋutu, a ta mo koti pitokine pitöki.

Luka 6:41

Ko nyo nagon do meddya korodoti na ’dit na gwon ko luŋosur i koŋe na ama a do tine met bau na gwon konut i koŋe na?

Yoane 8:7

A na gwoŋdi se nyuŋ i pipija na lepeŋ nu, a lepeŋ riuŋdye mugun ki, a kulyani ko se adi, Ko lele losu kata logon ’bak toron ti nye sulune gumba lepeŋ ko ŋurupit.

Yakobo 3:1

Luŋasirik kwe, ti Jore kasu gwe ti gwon a katodinok, kogwon ta deden adi yi lo totodiŋdyö kulo mo ’du ’duŋoki putet logon Iwolwoŋ lo kulye ŋutu.