Matayo 26:18 - Bibilia Buk na Ŋun nagon koti luŋu a

¹⁸ a nye waddi se adi, Iti ta köji i lele ŋuto, ko taki ta lepeŋ. adi, Katodinönit lo kulya adi, Diŋit nio gwe nyona. Nan se ko ŋutu kwe kajujumuk de nyesu rorwe lo Pasaka konut kadi.

Matayo 26:18 ပူးပေါင်းရင်းမြစ်များ

Yoane 7:6

A Yesu kulyani ko se adi, Diŋit nio a ko nyuŋ po, ama diŋit nasu ŋupi kata.

Yoane 17:1

A nagon Yesu aje jambu kilo kulyaesi nu, a nye ’bi ’yi konyen kanyit ki, a kulyani adi, Baba, diŋit aje ’dur; bu ’ye Ŋuro ilot anyen nan Ŋuro böŋö bu ’ya do,

Yoane 13:1

Nyena a diŋit na rorwe lo Pasaka gwe a ko nyuŋ po. A Yesu iŋge den adi diŋit nanyit aje jo anyen nye wuwuddye i na kak i tu ko Monye yu. Lepeŋ nyanyar ŋutu kanyit lo gwon kak ni kulo, a nye nyaŋi se parik tojo ko ’dutet.

Yoane 7:30

Nyena a se ga ’yi morga lepeŋ, ama a lele ŋuto gwe a ko sukiŋdyö könin i morga na lepeŋ, kogwon diŋit nanyit nyuŋ a ko po.

Yoane 7:8

Ta ko ’borik iti ta i rorwe. Nan ti tu i ŋilo rorwe kogwon diŋit nio a ko nyuŋ po.

Yoane 12:23

A Yesu waddi se adi, Diŋit aje ’dur nagon bulari nan Ŋuro lo ŋuto.

Luka 22:53

Na gwoŋdi nan ko ta perok liŋ i Kadi na Ŋun nu, a ta gwe a ko mok nan. Ama na a diŋit nasu, ko a na riŋit na mudwe.

Yoane 11:28

A nagon Marata aje kulya sona nu, a nye yitwene yitwe a luŋgi Maria kiaser nanyit a kulyani ko lepeŋ a lwön adi. Katodinönit lo ni, lepeŋ luŋgu do.

Marako 5:35

A nagon nye nyuŋ jajambu nu, a kulye ŋutu logon poŋdya ko duma lo kadi momoret midi kulo kulyani adi, Ŋuro inot aje twan. Nyo do nyuŋ tudaraju Katodinonit?

Matayo 26:2

Ta a den adi i mukök na perok murek ŋesaka mo gwon kata, a nan ŋuro lo ŋuto mo pakine ko merok i konisi anyen ’bikiki i ködini na görö.

Matayo 23:10

Ta ködyö ti luŋu a katojumuk, kogwon ta gwon ko Katojumunit geleŋ logon a Masia.

Matayo 23:8

Ta ködyo ti luŋu a Katodinök, kogwon ta gwon ko Katodinönit geleŋ, a ta liŋ gwe a luŋasirik.

Matayo 21:3

A ko lele ŋuto a kulya ko ta ko nene ŋo, ruŋge ta adi, nan MATAT ’de ’dekan se, a ŋilo ŋuto de rukökiŋdye ta ’de ’de i joŋdya.

Yoane 20:16

A Yesu luŋgi lepeŋ adi, Maria! A nye wöriŋöni wöriŋö a kulyani ko lepeŋ i kutuk na Ebere adi, Raboni! (Raboni nyönyökö adi, Katodinönit liŋ.)

Matayo 26:49

a Yuda iti ko Yesu yu ’de ’de, a rome adi, Madaŋ koi Katodinönit! a ’biyuŋdye lepeŋ.

Matayo 26:19

a ŋutu kajujumuk kulo iŋge koŋdya gwoso na takiŋdye Yesu se nu, a se teteŋdi kinyo lo Pasaka.