Matayo 24:3 - Bibilia Buk na Ŋun nagon koti luŋu a

³ A na si ’dari Yesu i Mere lo Jeitun nu, a ŋutu kanyit kajujumuk poŋdi i pija na lepeŋ na gwoŋdi se ka ’de nu, adi. Taki yi diŋit nagon kine po mo kokonari, köti kweyet mo a nyo i po inot ko i ’dutet na na kak?

Matayo 24:3 ပူးပေါင်းရင်းမြစ်များ

Matayo 13:36

A kirut Yesu kö ’yi lodir lo ŋutu, a nye lupöni kadi; a ŋutu kanyit kajuju muk iti ko lepeŋ yu, a kulyani ko lepeŋ adi, Tokuruki yi lilim lo liabe lo gwon i melesen.

Matayo 13:49

A mo gwe sona i ’dutet na kak. A malaikajin mo poŋdi i nyumbo na ŋutu lorok i kiden na ŋutu lo ’but,

Matayo 15:12

Nyena a kajujumuk kulo poŋdi ko Yesu ni, a pije adi, Do ŋona a den adi Parusijin aje woran ko ŋo na jam do kine?

Matayo 16:27

Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase.

Matayo 16:28

’Diri nan takiŋdya ta adi, Kulye ŋutu kata i kulo ŋutu logon gwogwo ’dan ni kulo, logon mo ti waŋ twan a kokwe na meddi se nan Ŋuro lo ŋuto i po i tumatyan nio nu.

Matayo 17:19

A ŋutu kajujumuk poŋdi ko Yesu ni a lwön, a pije lepeŋ adi, Ko nyo yi ti bulö riköddu ŋilo mulökötyo kaŋo?

Matayo 21:1

A nagon se gwe nyona ko ’durökin Yerusalema nu, a se poŋdi Betepage, a ’dure i Mere lo Jeitun, a Yesu ’deke soŋdu ŋutu kanyit kajujumuk murek ŋerot,

Matayo 24:27

Kogwon gwoso na meme ’dekuŋdye kipya lo ki suluja i swöt lo ’yure a meme ’dekara i swöt lo tokotyaŋ nu, a po nio na Ŋuro lo ŋuto mo gwe sona.

Matayo 24:30

A kirut kweyet nio na Ŋuro lo ŋuto mo na puku ki yu, a kötumitön liŋ ti kak mo gwine gwien jojogga kidoni kase, a se mo meddi nan Ŋuro lo ŋuto popo i ’dikolo ko riŋit se ko minyo duma parik.

Matayo 24:37

Nyena po nio na Ŋuro lo ŋuto mo gwon gwoso perok ti Noa köju kulu.

Matayo 24:39

ama a lepeŋat gwe a ko den tojo bar a po a iŋge ’dokoro se liŋ, köti a po nio na Ŋuro lo ŋuto mo gwe sona.

Matayo 24:43

Ta deden ’bura adi, ko monye kadi ködyö a den i nan diŋit na tukwaje kolanit pöpö, a nye ködyö aje tiju, a nye ködyö tine kölökin kadi nanyit i turöji lukata.

Matayo 28:20

todiniki ta se i debba na ŋo liŋ nagon nan aje sarakin ta kine; mete ta, nan gwon ko ta perok liŋ tojo ko ’dutet na kak.

Luka 21:7

A se pije lepeŋ adi, Katodinönit, kine ŋo mo gwon nanu? Kweyet mo a nyo ko kine ŋo mo gwe nyona ko pokin?

Konesi 1:7

A Yesu waddi lepeŋat adi, ’Bayin a kulya kasu i deŋdya na perok kode diŋitan, kogwon kine kulya a ti Baba, lepeŋ aje wuluŋdyo se.

Ebere 9:26

kogwon ko ködyö gwon sona, a lepeŋ ködyö aje nyöggu ŋoŋga daŋin jore suluja i gweya na kak. Ama lepeŋ soŋinana aje pukun daŋ geleŋ asut i diŋit na ’dutet anyen tiŋdu mugun nanyit a rubaŋga i tutuŋgö na toronjin liŋ.