Matayo 22:4 - Bibilia Buk na Ŋun nagon koti luŋu a

⁴ Köti a nye soŋdi kulye kölipönök, a kulyani adi, Taki ta ŋutu lo luŋwe kulu adi, Mete ta, nan aje teteŋdya kinyo liŋ ajo, dwönin kwe se ko kaja kwe lopir aje ’duŋö, ŋo liŋ gwe ajo. Po ta i budu yemet.

Matayo 22:4 ပူးပေါင်းရင်းမြစ်များ

Nemaya 9:17

Lepeŋat a renya twöju, a iŋge böŋö sörösi nagon do a kon kase kiden kune; a se kölumbö koŋdi murutö kase a nawu ’duoak, a wuluŋdye kanyömönit lose anyen nyököddu se bot Ejipeto i to ’dupien nase. Ama do a ŋun kapitönit ko a kanyaranit, ko wowon konyen, ko a ’dikö i woran, ko a jore ko nyaŋu nagon ti ’duddyö kwöŋ na, a do gwe a ko kölökin lepeŋat.

Saumajin 86:5

Kogwon do MATAT, gwon a lo ’but, do gwon ajo i pitökindyö, do nyanyar ŋutu liŋ lo luluŋgu do kilo ko nyaŋu a duma.

Tolupesi 15:17

Bia nyesu na kinyo nagoŋ a ’dötilön lurwök ko ŋutu nyanyar ’börik, lwölwöŋ nyesu na lokore nagoŋ a welet ko ŋutu maman ’börik.

Koli Lo ’but Parik 5:1

Kiaser nio, nan aje po köyö i melesen ni, nakwan nio, nan aje ’deja mur kwe se ko ŋo kwe lo mon ’bura; nan aje nyesu kele lio lo siwatat ko siwatat nio, nan aje möju binyo kwe se ko le kwe. Ta julin kwe, nyesi ta, ko möji ta; möji ta parik, ta lo nyanyara kulo.

Matayo 21:36

Köti a nye soŋdi kulye kölipönök lwölwöŋ ti kokwe kulu, a se köti konakiŋdye lepeŋat jojo.

Matayo 22:5

Ama a lepeŋat yiŋe kine kulya a ŋo kana, a iti tu, lele tu kanyit i melesen, a lele iti kanyit i kita.

Matayo 22:8

A kirut lepeŋ kulyani ko kölipönök kanyit adi, Budu yemet aje tetena, ama ŋutu lo luŋwe kulo ti jukin kogwon se a lorok.

Luka 14:17

A nagon kinyo aje jo dera nu, a nye soŋdi koliŋonit lonyit i luŋgu na ŋutu logon a luŋu kulo, adi, Po ta, kogwon kinyo aje jo.

Konesi 1:8

Ama ta mo wuju riŋit ko Mulökötyo Loke a pokin kasu loki; a ta mo tukokiŋdye ŋutu kulya kwe Yerusalema kata, ko i Yudaya ’bukuluŋ, ko i Samaria, tojo ko ’dutesi ti kak.

Konesi 13:46

a Paulo se ko Barnaba kulyajine ki ko topurwan adi, Kulyaet lo Ŋun agu ködyö jajamaki ta kiyaŋ, ama ta a renya lepeŋ, a ta iŋge ’duŋökin ’börik adi ta ti jukin wuju ru na yeŋ nyin, mete ta, ko sona yi kulo wöriŋoddi i ŋutu ti kulye jurön.

Roma 8:32

Lepeŋ a ko renya tiŋdu Ŋuro lonyit gwak, ama nye a wukin lepeŋ kogwon yi liŋ. A ko lepeŋ a koŋdya sona, nye ŋona mo ti tikin yi ŋo liŋ abur ko lepeŋ i pirit na geleŋ le?