Matayo 2:3 - Bibilia Buk na Ŋun nagon koti luŋu a

³ A na yiŋge mor Erode kine kulya nu, a nye wiwinyani wiwinya parik se ko ŋutu liŋ ti Yerusalema.

Matayo 2:3 ပူးပေါင်းရင်းမြစ်များ

2 Moran 6:11

A yeyeesi ti mor lo Suria iŋge köbuŋö parik kogwon kine kulya; a nye luŋgi köliŋönök kanyit a kulyani ko lepeŋat adi, Kweki ta nan ko lon likaŋ a ŋuto lo mor lo Yisaraele.

Matayo 2:2

a pije adi, Liya lupudi logon a yuŋwe a mor lo Yudayaki lo? Kogwon yi aje met kaserokoti lonyit ŋiun i swot lo ’yure, a yi kulo aje poŋdya i twoju na lepeŋ.

Matayo 2:4

A nye luŋgi koanejin temejik liŋ ti ŋutu, se ko katodinök kase ti Saresi ti Mose i pirit na geleŋ a pije se adi, Masia ködyö yuŋwe ya?

Matayo 23:37

A, Yerusalema, Yerusalema, ŋutu kulök a katatuak ti nebijin, a gugubuje ŋutu logon a sunyuki do kilo ko ŋurupö! Diŋitan muda nagon nan ’de ’dekan sukuŋdyö ŋwajik kulök köyö ni i pirit na geleŋ gwoso sukuri nagon sukuŋdyö torela kanyit i köpukön na, ama a ta tine ’bön!

Matayo 24:6

A ta mo yiŋge kulya ti mörö, ko lodokon ti mörö; nyena meddi ta ’bura an ta ko kujöno ta. Kogwon kine po agu ködyö kokona, ama ’dutet nyuŋ ’bak.

Matayo 8:29

Mete, a se woŋe parik adi, Do Ŋuro lo Ŋun, do ’dek nyo kayaŋ? Do po ni i tomor na yi a kokwe nagon diŋit a ko nyuŋ temakiŋdya na?

Marako 13:7

A na yiŋge ta kulya ti mörö ko lodokon ti mörö nu, an ta ko kujönö ta; kine ŋo agu ködyö kokona, ama ’dutet nyuŋ ’bak.

Konesi 4:2

Lepeŋat a woran kogwon Petero se ko Yoane gwon i todiŋdyö na ŋutu ko i laŋa adi lo twatwa pipien i twan kogwon Yesu ko mugun nanyit aje ŋien i twan.