Matayo 10:3 - Bibilia Buk na Ŋun nagon koti luŋu a

³ ko Pilipo, ko Bartolomayo; ko Toma, ko Matayo kapepenanit lo usur; ko Yakobo ŋuro lo Alapayo, ko Tadayo;

Matayo 10:3 ပူးပေါင်းရင်းမြစ်များ

Matayo 18:17

A ko nye a renya yiŋga lepeŋat, tuköki kine kulya i kanisa; ko nye a renya ma ’di kanisa koti, konaki lepeŋ gwoso lepetyo kode kapepenanit lo usur.

Matayo 27:56

a kunie kase gwe a ko Maria na po Magadala, ko Maria ŋote Yakobo ko Yosepa, se ko ŋote ŋwajik ti Jebedayo.

Matayo 9:9

A na Iwoŋoddi Yesu ŋerot nu. a nye meddi lele ŋuto luŋu a Matayo, si ’da i kadi ropet na usur, a nye takiŋdye lepeŋ adi, Kipuŋdye nan. A lepeŋ ŋine ki a kepoddi Yesu.

Marako 15:40

A kunie ŋutu gwo ’de pajo i meddya. A kunie kase na gwon nyu kunu gwe a ko Maria na po Magadala, ko Salome, se ko Maria ŋote Yakobo lo ’dit ko Yose.

Marako 2:14

A na Iwoŋöddi nye ŋerot nu, a nye meddi Lewi Ŋuro lo Alapayo, sisi ’da i pirit ropet na usur, a nye takindye lepeŋ adi, Kipundye nan. A lepeŋ ŋine ki a kepoddi Yesu.

Marako 3:18

ko Aŋöarea, ko Pilipo, ko Bartolomayo, ko Matayo, ko Toma, ko Yakobo Ŋuro lo Alapayo, ko Tadayo, ko Simona Kawelonit,

Luka 18:10

Adi, Ŋutu murek a tu i Kadi na Ŋun i kwakwaddu; lele a Parusityo, a lele gwe a kapepenanit lo usur.

Luka 18:11

A Parusityo lo gwo ’de gwo ’dan a momo ’yi pupurja mugun adi, A pon Ŋun, tinate ilot kogwon nan ’bayin gwoso kulye ŋutu logon goma ŋo liŋ, kode ŋutu logon ti yiniki, kode kalupok, kode ma ’di gwoso lo kapepenanit lo usur.

Luka 18:13

Ama a kapepenanit lo usur lo gwo ’de pajo, a tine ’bon ma ’di ’bi ’yu konyen ki, ama a kolumbö joggi kido nanyit, a momo ’yi adi, Pon ŋun, wone konyen ko nan logon a katoronyanit lo.

Luka 19:2

A lele ŋuto gwe nyu, karin kanyit a Takayo; a nye gwe a duma lo kapepenak ti usur, ko a kwörinit.

Luka 5:27

A i mukök na ŋina a Yesu iti kaŋo, a nye meddi kapepenanit lo usur, karin kanyit a Lewi, sisi ’da i pirit ropet na usur, a nye takiŋdye lepeŋ adi, Kipundye nan.

Yoane 1:48

A Natanaele pije lepeŋ adi, Do den nan ada? A Yesu waddi lepeŋ adi, Nan aje met do na sakari do i ki ’bi mukok a kokwe nagon Pilipo a ko nyuŋ luŋgu do nu.

Yoane 11:16

A Toma lo luŋu a Kurudwötti kulyani ko kulye kajujumuk kulo adi, Ti yi moraddi ta ko lepeŋ köti anyen yi böŋo twatwa ko lepeŋ i pirit na geleŋ.

Yoane 14:22

A lele Yuda leŋe Isikariota, pije lepeŋ adi, MATAT, do de kwekwekin yi mugun inot ada, a tine kwekin ŋutu ti kak le?

Yoane 14:5

A Toma pije lepeŋ adi, MATAT, yi ti den ko do tu da; nyena yi den kiko ada?

Yoane 14:9

A Yesu pije lepeŋ adi, Nan aje joŋga diŋit a najo ko ta, ama Pilipo do nyuŋ a ko den nan? Ŋuto logon a met nan lo aje met Baba. Nyena nyo do kulya adi, Kweki yi Munyi?

Yoane 21:2

a Simona Petero, ko Toma lo luŋu a Kurudwötti, ko Nataniele lo po Kana yu i jur lo Galilaya, ko ŋwajik ti Jebedayo, se ko kulye ŋutu kajujumuk murek ti Yesu liŋ gwe i pirit na geleŋ.

Konesi 1:13

A na lupöri se köji kata nu, a se luponi i kadi nagon a koŋilore, nagon Petero moruŋdyo kata, ko Yoane, ko Yakobo, ko Aŋöarea, ko Pilipo, ko Toma, ko Bartolomayo, ko Matayo, ko Yakobo ŋuro lo Alapayo, ko Simona Kawelonit, se ko Yuda ŋuro lo Yakobo.

Konesi 12:17

Ama a nye nanakiŋdye se könin adi ti se yiŋani taliŋ, a nyönyökökiŋdye lepeŋat ko Matat a jon nye kaŋo ada i kadi rereket. A lepeŋ kulyani adi, Taki ta Yakobo se ko luŋasirik lo yubbö kulo kine kulya. A kirut lepeŋ pine ŋien a iti i nene pirit.

Konesi 15:13

A nagon se aje tutuŋgö jambu nu, a Yakobo kulyani adi, Luŋasirik, yiŋge ta nan.

Konesi 21:18

Ko ’bure a yi se ko Paulo iti i ’yö ’yu na Yakobo, a turyeni temejik liŋ gwe nyu.

Galatia 1:19

Ama a nan gwe a ko met lele lo luyökie, ake nan meddya Yakobo luŋaser Matat likaŋ.

Galatia 2:9

Nyenagon a Yakobo, ko Kepa, se ko Yoane logon dena a katökök ti momoret nok kayupok kulo ko meddi adi Ŋun aje ’dogga nan, a se rome ko nan ko Barnaba ko konin lutaten a kweyet na tojulin, adi yi kodyo tu i nutu ti juron, a lepeŋat iti i Yudayaki.

Yakobo 1:1

Nan Yakobo a kölipönit lo Ŋun ko a lo Matat Yesu Kristo. Nan roman ko kötumiton puök wot murek nagon a rekin i kak ’bukuluŋ kine.

Yuda 1:1

Nan Yuda koliponit lo Yesu Kristo ko a luŋaser Yakobo, nan roman ko nutu logon a luŋu logon Ŋun Monye nyanyar kilo ko a gaju se ko Yesu Kristo i mugun.