Malaki 4:3 - Bibilia Buk na Ŋun nagon koti luŋu a

³ A ta mo ryokakiŋdye ŋutu lorok kak, kogwon se mo gwon gwoso kurök kasu i ’dapan i pilu lor lo kitari nan lu, nan MATAT lo kurumi lo kulya.

Malaki 4:3 ပူးပေါင်းရင်းမြစ်များ

Suluet 3:15

A nan mo tiŋdi ŋisa i kiden inot ko na ŋuto, Köti i kiden na nyakwariat kulök ko na nyakwariat kanyit; nye mo böböŋörö do i kwe, a do mo böŋöddi lepeŋ i loru ’yum.

2 Samuele 22:39

Nan a tukar se; nan a reremoju se, nyena a se gwe a ko ŋien ki; a se ’do ’done kak köyö i mokosi.

2 Samuele 22:43

Nan a jikin se adi minyit, gwoso ŋutu ti kak; nan a muyugga se, a ryoggi se gwoso wo ’do ’do ti kikolin.

Eyobo 40:12

Meddi ŋutu liŋ logon a ka ’du ’du-ŋak, nyöku lepeŋat kak; ryokaki ŋutu lorok kak i piritön nagon se gwo ’dan kata kunu.

Saumajin 147:6

MATAT tötökökin ŋutu lokoyokak ki, a nye gubakindye ŋutu lorok kak.

Saumajin 49:14

Se a wuloki i tu kak i ŋirit na muloko gwoso yidin, a twan mo gwe a kayukunit lose. A ŋutu lo gwon gwogwo mo tumatyane ko se i ko ’bure; a ŋirit na mulokö mo tukaŋi mugunya kase nakwekwelen, a se mo gwe ’bak ŋirit nase köti.

Saumajin 91:13

Do mo ryogga kömiru ko munu gwoŋ korokok; do mo ryokakindya kak kömiru titinti ko munu duma.

Yisaya 25:10

Lo a MATAT; yi gwon i nyinyiggö na lepeŋ; ti yi lyölyöŋine ko nyonyola i lwökit nanyit.Kogwon MATAT mo tanyakiŋdya könin i lo mere, a Moaba mo ryokakine kak kanyit i pirit gwoso kudit na ryokaki kak i sudi lo woro.

Yisaya 26:6

A nye nyökuŋdye nyökuŋdyö ŋinu köji, a nyökuŋdye tojo kak, a gubakiŋdye lepeŋ i ŋutut, anyen lomerika ko ŋutu lo yoŋö ŋo kulo ryokakiŋdya lepeŋ kak.

Delyasi 1:15

MATAT aje lauŋdya ŋutu walan kwe liŋ koyo kiden; a nye iŋge luŋgu lodir i moro ko nan ko i te ’ya na teton kwe. MATAT aje ryogga tumatyan na Yuda gwoso ŋuto lo ryogga ludweki ti binyo i pirit ryoket.

Ejikele 28:18

Do aje köŋu piritön kunök nake na rurwan, kogwon toronjin kunök jore i tugwöŋu inot a naron. Nyena a nan iŋge jon kimaŋ konut kiden i ’yuŋa na do, a nan totumbe do a do worani a kurök i kak ni a ŋutu liŋ memed-dya.

Daniele 7:18

Ama ŋutu loke ti Katoŋanit lo ki lio molo wujutumatyan, a ŋinu tumatyan mo yeŋe a nase ŋupi ŋupi.

Daniele 7:27

A tumatyan ko tomoran ko todumalan ti tumatyanjin ti kak ’bukuluŋ molu tikine ŋutu loke ti Katopanit lo ki liŋ; a tumatyan nase mo gwe a tumatyan na yeyeŋon ŋupi, a tomoran liŋ mo kitakiŋdye a twöji lepeŋat.

Mika 5:8

A pitono ti ŋutu ti Yakobo mo gwe i kiden na juron ko i kiden na gweyajin ti ŋutu jore, gwoso komiru i kiden na kijakwa ti mu ’diŋ, ko gwoso komiru titinti i kiden na yidin, a ko lepeŋ gwugwuoddu, a ryoka-kiŋdye yidin kak, a kekereŋdi se, a kalwokonit gwe ’bayin.

Mika 7:10

A kirut merok kwe mo meddi meddya, a yu na kwe mo morgi ŋutu lo pija nan adi, Liya MATAT Ŋun ilot? A nan mo meddi lepeŋat ko lyöŋön i diŋit na ryokari se gwoso wo ’do ’do ti kiko nu.

Jakaria 10:5

A se mo gwe gwoso ŋutu walan i pirit na geleŋ i mörö, logon ryokakiŋdya merok kase kak i wo ’do ’do ti kikolin; a se mo möröni mörö kogwon MATAT gwon ko se, a se mo te ’yi ŋutu lo wörö ko kusanjin.

Malaki 3:17

A nan MATAT lo kurumi kulyani adi, Se mo gwon a ŋutu kwe, iŋkoi, se a ŋutu kwe lomoriot gwak i ŋilu lor lo kitari nan lu, a nan mo wone konyen ko lepeŋat gwoso nagon ŋuto won konyen ko ŋuro lonyit logon kitakiŋdya lepeŋ lo.

Roma 16:20

A i diŋit a na ’dit a Ŋun logon taliŋ gwon ko lepeŋ lo mo tiŋdi ta i ryokakiŋdya na Satani kak. Ti ’busan na Yesu Kristo Matat likaŋ gwe ko ta.

Kweyatti 11:15

A malaikatat toburyo lo kuddye buruŋ i lonyit; a gworolo lobot gwe kata ki yu logon kulya adi, Tumatyan na na kak soŋinana gwe a na Matat likaŋ ko a na Masia lonyit, a lepeŋ mo tumatyane tumatyan ŋupi ŋupi.

Kweyatti 14:20

A ludweki ti binyo ryokani ryoka i pirit ryoket na binyo i kaŋo na köji, a rima ’bukuŋdye kaŋo i pirit ryoket na binyo, a juruu juruun tojo ko murut na kusan ko ködyö gwo ’dan kata. A kine rima ’doke ’dokon gwoso mailijin miajin murek.Kulya ti malaikajin logon ’debba twana iŋgo ti ’dutet