Malaki 4:2 - Bibilia Buk na Ŋun nagon koti luŋu a

² Ama a kolor na loti lo rigwo nagon gwon ko kopukon tokelesi na mo puköki i ta logon kukuk karin kwe kilo. A ta mo luponi kaŋo lyölyöŋiörö gwoso kaja lo kolwe i gorwat.

Malaki 4:2 ပူးပေါင်းရင်းမြစ်များ

2 Samuele 23:4

nye mo gwe gwoso seser na kolor i nyerun nanyit, gwoso diŋit na ko ’bure nagon ’dikolo ’bayin, gwoso kudu logon topunuŋdyö döru i kak.

Saumajin 103:3

Leŋeŋ pipitökin toronjin kwe liŋ, nye totoke ’ya twanajin kwe liŋ;

Saumajin 147:3

Nye totoligga ŋutu logon töilyet kase a ’be ’beleŋo kilo, a nye toŋi ’dikasin kase.

Saumajin 61:5

Kogwon do ŋon Ŋun aje yiŋga milyejin kwe, do a tindu nan i parundya na ŋo ko se logon kugga karin kunok kilo.

Saumajin 67:1

Ti Ŋun won konyen koyi, ti nye ’boroji yi, ti nye tindi komor nanyit gwon ŋa koyi,

Saumajin 84:11

Kogwon MATAT Ŋun gwon a kolor ko a ’buku gayet; MATAT a tindu ’busan ko bulet. Nye ti renya tindu nene ŋo geleŋ na ’but i ŋutu logon wöwörö gwogwo kulo.

Saumajin 85:9

’Diri lepeŋ gwon ajo i lwöggu na ŋutu lo kukuk lepeŋ kilo, anyen bulet bubulö si ’da kayaŋ i jur.

Tolupesi 4:18

Ama kiko lo ŋutu ti löti lo rigwo gwon gwoso baŋun na kak, nagon pararaaddu tojo ko tuparan kiden.

Yisaya 30:26

A pija na yapa mo gwe gwoso loja na kolor, a loja na kojoŋ mo gwe daŋin buryo, gwoso loja na perok buryo.

Yisaya 35:6

A i ŋinu diŋit a ŋutu ŋodeki mo lalabara gwoso ka ’bujin, a ŋedepa ti ŋutu mumutön mo yoloni yolo ko lyöŋön. Kogwon pioŋ mo pu ’döe kaŋo i yöbu, se ko luruki ti pioŋ i yöbu na sese;

Yisaya 49:6

a nye kulyani adi, Kita nagon nan a tin do i gwon a kölipönit liŋ na a ŋo na ’dit, anyen do ’bilikiŋdya kötumitön ti Yakobo ki, ko anyen nyökuŋdyö ŋutu ti Yisaraele logon a lwökö; nyena a nan mo tiŋdi do a parara i ŋututi jurön, anyen lwökit nio böŋö yegaddu tojo ko ’dutesi ti kak.

Yisaya 50:10

Ŋa logon kasu kiden logon kukuk MATAT, a yiŋge gworo lo kölipönit lonyit? Ŋilo ŋuto wöwörö i mudwe a tine gwon ko parara, ama a nye yinikiŋdye karin ti MATAT a tökökiŋdye mugun i Ŋun lonyit.

Yisaya 53:5

Ama nye a remo kogwon lyaŋesikaŋ, nye a mumuyuka kogwon toronjin kaŋ; riŋesi na ’durukin kanyit loki kune se na tiŋdu yi gwon taliŋ, a ’dikasin na ’bitöki lepeŋ kune se na tobia ’yi yi.

Yisaya 9:2

Ŋuto lo wöwörö i mudwe kilo a meddya parara duma; se logon sisi ’da i jur logon twan gwon kata kilo, parara a loja se.

Yeremia 17:14

Pon MATAT, tolike nan, a nan mo kele kelan; lwöggi nan, a nan mo lwököni lwökö; kogwon do a nye loron nan pupur lo.

Yeremia 30:17

Kogwon nan mo titin do mugun na ’but, iŋkoi, nan mo totolik ’dikasin kunök, ma ’di nagon ŋutu a luŋ do Siona adi do a paya, lele ŋuto ’bayin lo yeyeju do. Ŋilo a nan MATAT lo jambu.

Yeremia 33:6

Mete, nan mo jajakin ŋina köji gwon na ’but, a nan mo toliŋge lepeŋ, a nan mo tiŋdi ŋutu kanyit mugunya na ’but, a mo toliŋge se, a nan mo kwekiŋdye se diŋit nagon se mo si ’da ko taliŋ a duma a mo gwe ’bura.

Ejikele 47:12

A gwe-yarijin liŋ ti kaden logon ludweki kase nyenyei kulo mo ’duŋe i kijitön ti ŋilo kare i swötön kanyit liŋ murek. Koropo kase mo ti teteyon, a ludweki kase mo tine jaran i toran, ama se mo radan ludweki logon a ludukö temba i yapa, kogwon pioŋ kase ’dukun i pirit nake na rurwan. Ludweki kase mo gwon a kinyo, a koropo kase mo gwe a tolikesi.

Osea 6:1

Iŋkoi, se ga ’yu nan kulya adi, Po ta, ti yi yitöni ta ko MATAT yu, kogwon lepeŋ aje kekeren yi ka ’de ka ’de, anyen nye böŋö totolik yi; Lepeŋ aje gwuddyö yi, a nye mo doggi ’dikasin kaŋ ko rubatan.

Osea 6:3

Ti yi dene ta den MATAT, ti yi ri ’dikiŋdye ta ’börik i deŋdya na lepeŋ; ŋo nanyit a gwak gwoso nagon kak ’diri babaŋuŋdye na; lepeŋ mo ŋoŋo kayaŋ ni gwoso lilima, ŋo nanyit gwoso ’don na kudu lo kiser lo popogga kak.

Malaki 3:16

A se logon kukuk MATAT kulo tujamaki ko ’borik; a MATAT togwi ’di-kiŋdye swo kanyit a yiŋge se, a karin ti ŋutu lo kukuk MATAT ko yeyeju karin kanyit kilo iŋge wuro i buk kanyit i komor anyen yeyeŋ.

Matayo 11:5

adi ŋutu mo ’dokeno meddi meddya, ŋodeki wöröni wörö, ŋutu ti rimajin aje tokela, miŋeki yiŋge yioga, ŋutu lo twatwa aje toŋiyu i twan, ŋutu lomerika aje tokuki Loŋe Lo ’but.

Matayo 23:37

A, Yerusalema, Yerusalema, ŋutu kulök a katatuak ti nebijin, a gugubuje ŋutu logon a sunyuki do kilo ko ŋurupö! Diŋitan muda nagon nan ’de ’dekan sukuŋdyö ŋwajik kulök köyö ni i pirit na geleŋ gwoso sukuri nagon sukuŋdyö torela kanyit i köpukön na, ama a ta tine ’bön!

Luka 1:50

Lepeŋ wowon konyen ko ŋutu liŋ logon kukuk lepeŋ kilo suluja i nyakwari tojo i lele.

Luka 1:78

Kogwon Ŋun likaŋ a kanyaranit ko wowon konyen, a nye mo tiŋdi lor i nyerakin kayaŋ ki,

Luka 2:32

anyen gwon a parara nagon kwekweki i Lwaka na, ko a minyo lo ŋutu kulok ti Yisaraele.

Yoane 1:14

A Kulyaet lo worani a ŋuto, a mönuŋdye kayaŋ kiden, a yi meddi kwelen nanyit, kwelen gwoso ŋuro pilili lo Monye, a jore ko ’busan na nyaŋu se ko to ’diri.

Yoane 1:4

gwolon ko ru nanyit, a ru na gwe a parara na ŋutu.

Yoane 1:8

Lepeŋ ko mugun nanyit ti gwon a ŋina parara, ama lepeŋ po i to koŋu na kulya ti ŋina parara.

Yoane 12:40

Ŋun aje tomo ’dokeju konyen kase, a tiŋdi töilyet kase i gwon pomöni. Ko ködyö nye a ko koŋdya sona lepeŋat ködyö memet ko konyen kase, a kuru kurun ko töilyet kase, a löpukuŋdye kanyit ni a nye ködyö toke ’yi se.

Yoane 8:12

A Yesu köti kulyani ko ŋutu kulo adi, Nan a parara na ŋutu ti na kak. Nye logon kebbu nan lo ti wörö i mudwe kwöŋ, ama lepeŋ gwon ko parara toruet.

Yoane 9:4

Yi ködyö yeŋon koŋdya kitajin ti lepeŋ lo sunyuŋdyö nan lo a kak nyuŋ a tuparan. Tukwaje de popo nagon lele ŋuto ti bulö kitari na.

Konesi 13:26

Ta luŋasirik logon a nyakwariat ti Abarayama se ko ta Lwaka logon kugga Ŋun kilo, kulyaet lo ŋina lwökit aje sunyuki yi.

Konesi 13:47

Kogwon Matat a sarakin yi adi, Nan a tin do a parara i ŋutu ti jurönanyen do böŋö tokuöddu lwökit tojo ko ’dutesi ti kak.

Konesi 26:18

Nan soŋdu do i ŋaju na konyen kase anyen se löpukuŋdyö kaŋo i mudwe tojo i parara, ko i löpukuŋdyö i riŋit na Satani tojo ko Ŋun ni, anyen toronjin kase böŋö pipitöki, anyen mora ko ŋutu logon Ŋun a wulun a kanyit kulo kogwon yubbö nase na nan.

2 Tesalonike 1:3

Luŋasirik, yi ŋupi agu ködyö tiŋdu Ŋun tinate kogwon kulya kasu. Kodyo a na ’but sona kogwon yupet nasu ’ya ’yaladdu ŋerot, a tunyar nasu ko ’borik geleŋ geleŋ ŋdine odi.

2 Petero 1:19

Kine ŋo a tin yi i yubbo bia parik kulyaesi lo jam nebijin koju kulu. Ködyo a na ’but ko ta yiyiŋ kilo kulyaesi, kogwon se gwon gwoso lombo lo kobbu i pirit nagon a mudwe tojo ko baŋun na kak, a dabur puköki kasu i toilyet.

2 Petero 3:18

Ama yeŋe ta i ’duŋo i ’busan na nyaŋu ko i deŋdya na Matat likaŋ Kalwokonit Yesu Kristo. Ti bulet gwe ko lepeŋ soŋinana ko ŋupi ŋupi. Amin.

1 Yoane 2:8

Kölumbö nan wurökiŋdyö ta saret ludukötyo. Ŋilo saret a gwak ko Kristo i mugun ko kasu i mugunya, kogwon mudwe ’bakani ’baka, a parara nagon a ’diri gwe i pararaju.

Kweyatti 11:18

Jurön woworan, ama lor ilot ropet lo toron aje ’durökin.Na a diŋit ’duŋet na putesi ti lo twatwa, ko a diŋit nagon do ropakiŋdya ’busan i köliŋönök kulök nebijin, ko i ŋutu kulök katwöyök, se ko i ŋutu liŋ lo ’di ’dik ko dumalak logon kukuk karin kunök kilo, ko a diŋit nagon tukararikin ŋutu lo köŋu kak kulo.

Kweyatti 2:28

a nan mo tiŋdi lepeŋ kaserököti lo luŋu a dabur.

Kweyatti 22:16

Nan Yesu a sunyuŋdyo malaikatat liŋ i tokurukiŋdyö na ta kine kulya kogwon kulya ti kanisajin. Nan a kokorite ko a nyakwari lo Dawidi. Nan a dabur lo kokobbu.

Kweyatti 22:2

a ’doke i kiden na kiko lo köji. A ködini toruet gwe i na pele na kare ko i nu pele. Lepeŋat radan ludweki daŋin puök wot murek daŋ geleŋ temba i yapa, a koroŋo ti kilo kaden gwe a tolikesi ti jurön.

Ruta 2:12

Ti MATAT ropakiŋdye do kita inot. Ti MATAT ŋun lo Yisaraele logon do a po i rupu ko lepe ŋ i mugun lo, ti ropaki do ’bura ’bak temet.