Malaki 3:3 - Bibilia Buk na Ŋun nagon koti luŋu a

³ a nye mo si ’dani gwoso kanamanit ko gwoso katokelanit lo podo, a nye mo toke ’yi ŋwajik ti Lewi, a mo nambi se gwoso dakap ko podo i namaddu na korodo kaŋo tojo ko se a wukiŋdya MATAT ’dokesi na rigwo.

Malaki 3:3 ပူးပေါင်းရင်းမြစ်များ

Saumajin 116:17

Nan de wukindya do rubaŋga lyöŋit, a ’dindye karin kunök MATAT.

Saumajin 4:5

Wukindye ta MATAT rubaŋgajin ti kulya na rigwo, ko yinikindye ta ’borik ko lepeŋ.

Saumajin 4:6

Ŋutu jore a ŋija adi, Ŋa lo tindu yi i meddya na kulya na ’but? Pon MATAT, kweki yi komor inot nagon a parara!

Saumajin 50:14

Wukindye ta nan Ŋun pupuresi a rubaŋga, konakindye ta nan Katoŋanit lo ki liŋ ŋo na milyekin ta kune.

Saumajin 50:23

Ŋuto logon wukindya nan pupuresi a rubaŋga lo, nye bu ’ya nan; a nan Ŋun de kwekindye lwökit nio i ŋuto lo wöwörö rigwo lo.

Saumajin 51:19

nyena a do de lyöŋi lyöŋön ko rubaŋgajin lo wuki jojo, do lyölyöŋön ko rubaŋgajin liŋ lo ’yu ’yura ’buluŋ; a kirut dwönin wukine i ŋirit inot ’yuret na rubaŋgajin.

Saumajin 66:10

Kogwon do ŋon Ŋun aje möŋu yi: do aje temba yi gwoso na temari pödö na.

Tolupesi 17:3

Podo tema i tuka a dakap temani i pirit namet, nyena a MATAT lo tembi toilyet ti ŋutu.

Tolupesi 25:4

’Dume lut kago i pödö, a kanitonit gwe kata ko go nagon nye ninit a titoni;

Yisaya 1:25

A nan mo wöriguŋdye könin liŋ konut, a nan mo namara lut kunök kaŋo, a nan mo ’dumaddi ŋo nagon a ŋolaki kata.

Yisaya 48:10

Meddi, nan a ŋoŋoja do ama ti gwon gwoso pödö; nan a temba do i kimaŋ yöyöŋit.

Yisaya 61:6

ama a ta mo luguni a koanejin ti MATAT, a ŋutu mo luŋgi ta a kölipönök ti Ŋun likaŋ; a ta mo nyesi tukwörien na jurön, a ta mo ruddye minyojin kase.

Yeremia 9:7

Nyenagon nan MATAT lo kurumilo kulya adi, Mete, nan mo nanam lepeŋat a mo tembi se, nene ŋo köti a nyo nagon nan kökon kogwon ŋutu kwe?

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Daniele 11:35

A kulye ŋutu lokoŋ mo sasanyani sasanya anyen totokela, anyen seseta gwoso ’bolot, anyen lala a loke, tojo ko diŋit na ’dutet nagon möŋdu diŋit na wulwe.

Daniele 12:10

Ŋutu jore mo seseta gwoso ’bolot, a lalani lala a loke, a tokelani tokela; ama a ŋutu lorok mo koŋdi kulya narok; a lele lose mo gwe ’bayin lo kukuruŋdyö; ama ŋutu lokoŋ mo lo kuruŋdyo.

Osea 14:2

Teteŋdi ta kulyaesi kasu ajo ko yitwene ta ko MATAT ni; kulyani ta ko lepeŋ adi, ’Dumara toronjin liŋ; wuji go nagon a na ’but. a yi mo pupurje do gwoso ŋutu logon wukiŋdya rubaŋgajin.

Jakaria 13:9

A nan mo gwurusökiŋdye ŋina tupet i kimaŋ, a mo ŋoŋoji se gwoso ŋuto lo ŋoŋoaddu korodo kaŋo i pödö, a nan mo tembi se gwoso na temari dakap na. A se mo luluŋgi karin kwe, a nan mo waddi se adi, Se a nutu kwe; a se mo kulyani adi, MATAT a ŋuri likaŋ.

Malaki 4:1

Nan MATAT lo kurumi lo kulya adi, Mete ta, ŋilu lor mo popo logon ’yu ’yuŋa gwoso pirit namet, logon kabulak ti kusik se ko katoronyak liŋ mo gwe gwoso kuku; a ŋilu lor lo popo lu mo ’yuraddi se kaŋo, a mo tine kolokin se nene kokorite kode kene.

Kenet 8:6

Joŋe Lewijin kaŋo i kiden na ŋutu ti Yisaraele, ko toke ’yi lepeŋat.

Luka 3:16

A Yoane nyobbi se liŋ adi, Nan lo batiddya ta ko pioŋ, ama lele logon riŋit nanyit a duma lwölwöŋ nio lo ŋilo popo; nan ti jukin laggu patala ti kamuka kanyit. Lepeŋ mo batiddya ta ko Mulökötyo Loke ko kimaŋ.

Roma 12:1

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

Roma 15:16

anyen nan gwon a köliŋönit lo Kristo Yesu, anyen nan kita i swöt lo ŋutu ti jurön i tokukiŋdyö na se Loŋe Lo ’but lo Ŋun. Nan gwon gwoso koane anyen wukiŋdya Ŋun ŋutu ti jurön a rubaŋga lo tulyöŋgu lepeŋ, ŋilo rubaŋga a tokela ko Mulökötyo Loke.

Pilipoi 2:17

Ta wukiŋdya Ŋun yupet nasu gwoso rubaŋga, nyena ko ködyö rima kwe a ’yalaiki kata gwoso rubaŋga ’bu ’buket, a nan ködyö nyolani nyola ko a lyöŋi lyöŋön ko ta liŋ i pirit na geleŋ.

Pilipoi 4:18

Nan aje wuju ŋo liŋ ko kunie köti; nan gwe ko ŋo jore kogwon Epaporodito a tikin nan ’dokesi nagon ta a sunyun kune. Kine ’dokesi gwon gwoso rubaŋga lo mon paleleŋ logon wuki Ŋun logon nye a wu ko lyöŋön lo.

2 Timoteo 4:6

Kogwon ru nio soŋinana aje ’buköki kak a rubaŋga, köti diŋit nagon nan wuwuddye aje ’durökin.

Tito 2:14

Lepeŋ a tiŋdu mugun a rubaŋga kogwon kulya kaŋ, anyen dakuŋdya yi i toronjin liŋ, i toke ’ya na yi a ŋutu kanyit lomore, anyen yi gwon ko pusök i koŋdya na ŋo na ’but.

Ebere 12:10

Komonye kaŋ ti na kak tojumbu yi ko diŋit a na ’dit gwoso nagon lepeŋat met adi a na ’but na; ama Ŋun Monye tojumbu yi anyen yi ryeju ’bulit i naruŋdya na kelan nanyit.

1 Petero 1:7

anyen yupesi kasu tetema kode a gwak. Dakap kakaŋu ma ’di nagon se a tema ko kimaŋ. Yubbo nasu ko a tema gwon ko ’bulit Iwolwöŋ dakap, a mojakiŋdye ta pupuresi, ko kwelen, se ko bula i lor lo kweyari Yesu Kristo lu.

1 Petero 2:5

anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.

Kweyatti 1:6

logon a tiŋdu yi tumatyan i kitakiŋdya na Ŋun Monye lonyit a koanejin lo, koti ti kido saret gwe ko lepeŋ Ŋupi ŋupi. Amin.

Kweyatti 3:18

Nyena nan jujuja do, gwöruŋdye dakap ködyo nagon a nama a iŋge tokela, anyen do boŋo wora a kworinit; koti ti do gwöruŋdye boŋgwat nakwe, anyen muggö mugun inot limu kana nagon tiŋdu yu na kwe; koti ti do gwöruŋdye wini, anyen do we ’yi konyen kulok anyen do boŋo memeddya.

Kweyatti 5:10

A do iŋge kon se a tumatyan na koanejin ti Ŋun likaŋ, a se mo tumatyane tumatyan i kak.