Luka 9:41 - Bibilia Buk na Ŋun nagon koti luŋu a

⁴¹ a Yesu waddi adi, Ta ŋutu ti na toberon logon ’bak yupet ko a karenyak kulo, diŋit ŋornan nagon nan si ’da ko ta ko dara ko kulya kasu? Jo ŋuro ilot ni.

Luka 9:41 ပူးပေါင်းရင်းမြစ်များ

2 Moran 5:8

Ama a Elisa ŋuto lo Ŋun ko yiŋge adi mor lo Yisaraele a kekereŋdya boŋgwat kanyit, a nye sunyukiŋdye mor lore pija adi, Nyo nagon do kekereŋdya boŋgwat kunök? Ti ŋilo ŋuto poŋdi köyö ni, a lepeŋ de kuruŋdye adi nebi kata Yisaraele.

Saumajin 78:8

Köti an se ko gwon gwoso merenyejin kase, gwoso toberon na ŋutu kabulak ti kusik ko a karenyak, iŋkoi, teberon na ŋutu logon a ko togwi ’dikindya töilyet kase gwogwo, anyen gwo ’dan go ko Ŋun.

Yuörö 10:3

A Mose ko Arona lupöni ko Paro yu, a kulyani ko lepeŋ adi, MATAT Ŋun lo Ebere lo pija adi, Diŋit ŋoman nagon do renya tokoyogga mugun koyo i komor? Kölörö Ŋutu kwe anyen se böŋö tu kitakiŋdya nan.

Yuörö 16:28

A MATAT pipije Mose adi, Diŋit ŋoman ta ti ’bön ’debba jujuwesi kwe ko saresi kwe?

Yeremia 4:14

Ta ŋutu ti Yerusalema, lalane ta lala konesi narok kasu i toilyet anyen ta boŋo lwolwoko. Diŋit ŋornan nagon ta ’debba yeyeesi narok kasu i toilyet?

Kenet 14:11

A minyo lo MATAT puköki ko ŋutu ti Yisaraele liŋ i kemia torumet ti A MATAT kulyani ko Mose adi, Diŋit ŋoman nagoŋ kilo ŋutu lauŋdya nan? Diŋit ŋoman nagoŋ se ti yuŋ nan, ko kweyesi liŋ nagoŋ nan a kon kase kiden?

Kenet 14:27

Diŋit ŋoman nagoŋ ŋina momoret naron rerenya ko nan? Nan aje yiŋ rerenyesi ti ŋutu ti Yisaraele nagoŋ se rerenyari ko nan kune.

Matayo 11:28

Po ta köyö ni, ta ŋutu liŋ logon kikita ko a sopa pömöni, a nan de tiŋdi ta yukan.

Matayo 12:39

Ama a nye waddi lepeŋat adi, Toberon na ŋutu lorok logon a paju Ŋun kulo gaga ’yu kweyet. ama kweyet mo ti kweki lepeŋat, ka ’de kweyet na nebi Yona.

Matayo 12:45

Nyena a nye iti tu, a joŋdi kulye mulöko lorok buryo logon lwölwöŋ nye, a se liŋ luponi lukata a si ’dani nyu, a gwiliŋit lo ŋilo ŋuto i ’dutet worani a loron parik Iwolwöŋ lo kokwe lu. Köti a mo poki sona i na toberon na ŋutu lorok.

Matayo 16:4

Toberon na ŋutu lorok logon a paju Ŋun kulo gaga ’yu kweyet, ama kweyet mo ti kweki lepeŋat, ka ’de kweyet na nebi Yona. Nyena a nye kö ’yi lepeŋat a iti tu.

Matayo 17:17

A Yesu waddi adi, Ta ŋutu ti na toberon logon ’bak yupet ko a karenyak, diŋit ŋornan nagon nan si ’da ko ta? Diŋit ŋornan nagon nan dara ko kulya kasu? Jo ta ŋilo ŋuro köyö ni.

Matayo 23:36

’Diri nan takiŋdya ta adi, kine ŋo liŋ mo kokonaki i ŋutu ti na toberon.

Matayo 3:7

Ama a na meddi lepeŋ Parusijin jore se ko Sadokejin jore poŋdya i batisa nu, a nye pije se adi, Ta torela ti munuö, ŋa lo tokujöŋdu ta i woran na popo nu, anyen ta rwörwöddu le?

Marako 10:14

Ama a Yesu ko mete, a nye iŋge woran a kulyani ko se adi, Kölu ta kilo lupudiet ti poŋdi köyö ni, an ta ko teŋ ta lepeŋat; kogwon Tumatyan na Ŋun a na ŋutu logon gwoso kulo lupudiet.

Marako 10:49

a Yesu gwo ’de gwo ’dan a kulyani adi, Luŋi ta lepeŋ. A se luggi ŋuto mo ’doke lo, a kulyani ko lepeŋ adi, Togo ’yi töili; ŋine ki, nye luŋgu do.

Marako 9:19

A Yesu waddi adi, Ta ŋutu ti na toberon logon ’bak yupet, diŋit ŋornan nagon nan si ’da ko ta? Diŋit ŋornan nagon nan dara ko kulya kasu? Jo ta ŋilo Ŋuro köyö ni.

Luka 8:25

a nye pije lepeŋat adi, Niya yupet nasu? A se iŋge kujönö a söŋi söŋu, a totopine ko ’börik adi, Ŋilo ŋuto a ŋa logon saŋu ma ’di köbuŋöt se ko tör, a se yiŋge lepeŋ?

Luka 9:40

a nan iŋge mamaŋdu ŋutu kulök kajujumuk anyen riköddu ŋilo mulökötyo kaŋo, ama a se tine bulö riköddu.

Luka 9:42

a nagon ŋuro nyuŋ jwejwe nu a mulökötyo gubakiŋöe lepeŋ kak a kiki iŋge lepeŋ. Ama a Yesu riŋge mulökötyo loron, a toke ’yi ŋuro lo, a ŋutukiŋdye monye.

Yoane 14:9

A Yesu pije lepeŋ adi, Nan aje joŋga diŋit a najo ko ta, ama Pilipo do nyuŋ a ko den nan? Ŋuto logon a met nan lo aje met Baba. Nyena nyo do kulya adi, Kweki yi Munyi?

Yoane 20:27

a kirut a nye kulyani ko Toma adi, Riyu morinet ilot ni ko meddi könisi kwe; riyu könin ilot ko suki köyö i merete. An do ko gwon a kadyadyalanit ama yupe yuŋ.

Konesi 13:18

a lepeŋ iŋge ŋoŋga kulya kase i yobu ko kiŋajin gwoso merya iŋwan.

Konesi 2:40

A lepeŋ iŋgo tokurukindyo lepepat ko kulye kulyaesi jore, a jujuje se adi, lwök ta ’borik i ŋutu ti na toberon nakwolor na.

Roma 2:4

Kode do lauŋdya tukwörien na ’busan nanyit, ko na wi ’yö na kulya se ko na ŋoŋga taliŋ le? Do ti den adi ’busan na Ŋun ’de ’dekan jikuŋdyö do i löpuggö na töili le?

Nyökit 32:5

Kilo ŋutu aje konakin lepeŋ arabat, lepeŋat ’bayin a ŋwajik kanyit kogwon kulya ti bata nase; se a toberon nakwölöŋ ko a lupalien.

Ebere 3:19

Nyena a yi kuruŋdye adi lepeŋat ti bulö luŋö kanyit i pirit yukaet kogwon se ti yubbö.

Ebere 4:11

Nyenagon ti yi möŋi ta möŋu parik anyen luŋö i nu pirit yukaet, an yi ko ’doro kogwon yi ti ’bön yiŋga gwoso se.

Ebere 4:2

Kogwon ’diri yi aje tokuki Loŋe Lo ’but gwoso na ŋutu ti ’beron köju kulu. Ama tokujö nagon se a yiŋ nu ’bak ’bulit kase kogwon ma ’di se ködyö a yiŋ ko swö kase, ama a se tine yuŋ ko töilyet kase.

Ebere 7:25

Ko ŋina kwe lepeŋ köti bubulo Iwoggu asut ŋutu logon mijun nyona ko Ŋun ni kulo kanyit i mugun, kogwon lepeŋ yeyeŋon opi i momo ’yu na Ŋun kogwon kulya kase.