Luka 8:3 - Bibilia Buk na Ŋun nagon koti luŋu a

³ ko Yöana nakwan na Kuja katiyunit lo mede na Erode; ko Susana, se ko kunie jore. A kine wate parakiŋdye lepeŋat ko ŋo kase.

Luka 8:3 ပူးပေါင်းရင်းမြစ်များ

1 Dekat 29:14

Ama nan a ŋa, ko ŋutu kwe a ko ŋa anyen yi ködyö ’dogga ko tupalikan na töilyet kaŋ sona? Kogwon ŋo liŋ popo konut, ko kine a kunök nagon yi aje tin do kine.

Yisaya 23:18

A ’bulisi kanyit ko ropet na kita nanyit mo gelakine MATAT; se mo ti ’delaki a ’delat, ama a ’bulisi kanyit mo gwe a ti ŋutu lo gwogwolor ko MATAT i komor anyen nyesu a yimönöesi

Matayo 14:1

A i ŋinu diŋit a Erode kasaranit iŋge yiŋ liŋio i kulya ti Yesu,

Matayo 14:3

Kogwon Erode koju a morga Yoane, a toŋi lepeŋ, a tiŋdi lepeŋ i kadi rereket, kogwon kulya ti Erodia nakwan na Pilipo luŋaser lonyit,

Matayo 14:6

Ama a lor yuŋweet lo Erode ko poŋdi, a ŋuro na Erodia gwoji gwoja kase i komor, a tulyoŋgi Erode,

Matayo 2:11

a se lupöni kadi, a meddi lupudi lo se ko Maria ŋote nanyit. A se dulakine kak ko komorsikan a twoji lepeŋ, a se ŋaji tukworien nase, a ’doggi lepeŋ ko ’dokesi nagon a dakap, ko bökur, ko mur.

Matayo 20:8

A i sömukö, a monye luköbi takiŋdye yumi lonyit adi, Luŋgi kakitak ko ropaki se ropesi kase, suluja ko se lo ’dur a ti ’dutet a ’duddye ko se logon a ti kokwe.

Matayo 25:40

A nan Mor mo waddi adi, ’Diri nan takiŋdya ta adi, gwoso nagon ta a konakiŋdye ma ’di lele geleŋ lo ’dit lo kilo luŋasirik kwe, kweja adi ta a konakiŋdya nan.

Matayo 26:11

Kogwon ta ŋupi si ’da ko ŋutu lomerika, ama nan mo ti si ’da ko ta ŋupi.

Matayo 27:55

A kunie ŋutu jore gwe nyu, gwo ’dan pajo i meddya. Lepeŋat po Galilaya moruŋdya ko Yesu i parakiŋdya na lepeŋ.

Luka 24:10

Nyena a ŋutu wate na tukökiŋdyö luyökie kine ŋo liŋ kune gwe a ko Maria na po Magadala, ko Yöana, ko Maria ŋote Yakobo; a kunie wate na gwon ko se i pirit na geleŋ kune iŋge tuggö sona.

Yoane 12:6

Lepeŋ jambu sona ti gwon kogwon lepeŋ mi lomerika, ama kogwon lepeŋ a kolanit, a lepeŋ yeyeggi jurak lo gurut a ’dumakiŋdye mugun i ŋo nagon a tiki kata kune.

Konesi 13:1

A ŋutu lo momora a kanisa Antlokia yu kulu gwe kata ko nebijin se ko katodinök ti kulyaet lo Ŋun, logon a ko Barnaba, ko Simeona (logon köti karin a Niger,) ko Lukio Kurenetyo, ko Manaen (logon wowoa ko Erode kasaranit i pirit na geleŋ lo), se ko Saula.

2 Korinto 8:9

Kogwon ta a den ’busan na nyaŋu na Matat likaŋ Yesu Kristo, adi na gwoŋdi lepeŋ a kwörinit nu, a nye koŋdi mugun a lomeri kogwon kulya kasu, anyen ta böŋö wora a kwörinikö kogwon tolomerian nanyit.

Pilipoi 4:22

Ŋutu liŋ ti Ŋun roman ko ta, kegga se lo gwon a ti mede na Kaisar kulo.

1 Timoteo 5:10

Lepeŋ ködyö gwon a ŋuto nagon kukwön i konesi na ’but, ko i wowoja na ŋwajik kanyit ’bura, ko i wuju na kömu, ko i lalaju na mokosi ti ŋutu ti Ŋun, ko i parakiŋdya na ŋutu lo gwon ko delya, ko i tiŋdu na mugun i konesi na ’but liŋ.