Luka 8:1 - Bibilia Buk na Ŋun nagon koti luŋu a

¹ A gwe sona i mukök na ŋina, a yesu jöjölöjine i köjinö ko i turön lalajaddu ko totokuöddu Loŋe Lo ’but lo Tumatyan na Ŋun. A ŋutu kanyit kajujumuk puök wot murek kulo moraddi ko lepeŋ,

Luka 8:1 ပူးပေါင်းရင်းမြစ်များ

Matayo 11:1

A Yesu ko tutuŋge saŋu na ŋutu kanyit kajujumuk puök wot murek kulo, a nye kö ’yi ŋinu pirit, a iti ŋerot i totodinöddu ko i totokuöddu i köjinö kase ka ’de ka ’de.

Matayo 13:19

Ko ŋuto a yiŋga kulyaet lo Tumatyan, ama a gwe a ko kurun, a ŋilo loron poŋdi po a jekaddi ŋo logon aje weki kanyit i töili kulo. Nyomot lo weki i merete lo kiko kulo gwon sona.

Matayo 4:23

A Yesu wöröni i Galilaya liŋ, totodinöddu kase i kadijik momoresi, ko totokuöddu Loŋe Lo ’but lo Tumatyan, ko totokeladdu ŋutu i twana liŋ ka ’de ka ’de ko i gilösi liŋ,

Matayo 9:35

A Yesu worojine i köjino liŋ ko i turon liŋ, totodinoddu kase i kadijik momoresi. ko totokuoddu Loŋe Lo ’but lo Tumatyan, ko totokeladdu ŋutu i twana liŋ ka ’de ka ’de ko i gilosi liŋ.

Marako 1:39

A nye wöröni i Galilaya liŋ, totokuöddu i kadijik kase momoresi a riköddi mulökö lorok kaŋo.

Luka 1:80

A ŋuro ’duroddi ki a worani a iŋgo i toili. A nye gwe i yobu tojo ko lor lo pukokiŋdye nye ko ŋutu ti Yisaraele lu.

Luka 20:1

A ko gwe sona i lele lor, na todiŋdye Yesu ŋutu i Kadi na Ŋun ko i tokujo na Loŋe Lo ’but nu, a koanejin temejik ko katodinök ti Saresi ti Mose se ko ŋutu temejik iŋge po,

Luka 4:18

Mulökötyo lo MATAT gwon koyo loki, kogwon nye aje welakin nan i tokukiŋdyo na lore lo ’but i ŋutu lomerika, nye aje son nan i laikiŋdya na ŋutu lo rereka i yukwe nase, ko i laikiŋdya na ŋutu mo ’dokeno adi se mo memeddya ko i köloddu na ŋutu lo ruda kulo a lui,

Luka 9:6

A ŋutu kanyit kajujumuk ŋiörö ŋiörö, a wöröjine i turön liŋ totokuöddu Loŋe Lo ’but ko totoke ’ya ŋutu logon a gigilötu i piritön liŋ.

Konesi 10:38

Ta a den kulya ti Yesu lo Najareta, gwoso nagon Ŋun a we ’ya lepeŋ ko welet nagon a Mulökötyo Loke se ko riŋit anyen koŋdya kita. A lepeŋ iŋge wöröji i piritön liŋ koŋdya po na ’but se ko i toligga na ŋutu liŋ logon gwon ko ŋilo kaŋöönit i riŋit kulo; kogwon Ŋun gwon ko lepeŋ.

Konesi 13:32

yi jakiŋdya ta Loŋe Lo ’but logon Ŋun köju a milyekin merenyejin kaŋ lo,

Roma 10:15

A ŋutu tokuöddi ada ko se a ko sonyo? Sekine kulya nagon a wurö kune adi, Mokosi ti ŋutu lo joŋdya lore lo ’but kulo kwekwelen adi rio!