Luka 7:47 - Bibilia Buk na Ŋun nagon koti luŋu a

⁴⁷ Nyena nan takiŋdya do adi, Toronjin kanyit na gwon jore kine aje pitöki; ŋina a kwe nagon lepeŋ nyaŋi nan parik; ama ŋuto logon a pitöki ku ’dik lo nyaŋu nanyit a na ’dit.

Luka 7:47 ပူးပေါင်းရင်းမြစ်များ

Yisaya 1:18

Nan MATAT lo kulya sona adi, Po ta, ti yi lilije ta kulya kaŋ. Ma ’di nagon toronjin kasu gwon a nator, a se de gwe a nakwe gwoso luru lo lilik; ma ’di se gwon a nator gwoso rima, a se de gwe a nakwe gwoso waratat.

Yisaya 55:7

ti ŋutu lorok kö ’yi kikolin kase, ko ti ŋutu ti lötiöt lorok kö ’yiyeyeesi kase; ti lepeŋat yitwene ko MATAT ni, anyen nye böŋö wowon konyen ko lepeŋat, ti se yitwene ko Ŋun likaŋ ni, kogwon nye mo pipitökiŋdyö abur.

Ejikele 16:63

A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.

Mika 7:19

Do koti mo wowon konyen koyi, a do mo ryoggi lyaŋesi kao ko mokosi, a do mo gubaddi toronjin kao liŋ i piriton nagululok ti tor na ’balaŋ

Matayo 10:37

Ŋuto lo nyaŋu monye kode ŋote lwölwöŋ nan lo ti jukin i nan, köti nye lo nyaŋu ŋuro lonyit kode ŋuro nanyit lwölwöŋ nan lo ti jukin i nan.

Luka 7:39

A nagon Parusityo lo lupuŋdya Yesu lo ko meddi ŋina ŋo, a nye kulyani ko mugun adi, Ko lo ŋuto ködyö a nebi, nye ködyö deden ko ŋina ŋuto a ŋa nagon ’bo ’yu lepeŋ na, köti ko gwiliŋit lonyit gwon ada. Nye ködyö deden adi lepeŋ a katoronyanit.

Luka 7:46

Do a ko we ’ya kwe nio ko welet, ama nye a we ’ya mokosi kwe ko welet na mon ’bura.

Luka 7:48

a nye takiŋdye ŋina ŋuto adi, Toronjin kunök aje pitöki.

Konesi 5:31

A Ŋun iŋge toduma ’yu lepeŋ kanyit i könin lutaten a Kasaranit ko a Kalwökönit, anyen tiŋdu ŋutu ti Yisaraele i Iöpuggö na töilyet, anyen toronjin kase boŋo pipitöki.

Roma 5:20

Saret a jukiŋdya nyin anyen ’ya ’yu toron, ama ko toron aje odi, a ’busan na nyaŋu na Ŋun baraŋdi baraŋdu bia parik.

2 Korinto 5:14

Kogwon nyaret na Kristo riri’dikiŋdya yi. Yi a kurun adi ŋuto geleŋ aje twan kogwon kulya ti ŋutu liŋ, kweja adi ŋutu liŋ aje twatwa.

Galatia 5:6

Kogwon koyi gwon ko Kristo Yesu i mugun, kulya ’bayin kode yi a tawero kode yi a ko tawero, ama ŋo duma tuŋ gwon a yupet nagon riŋit nanyit pukun i nyaŋu na.

Epeso 6:24

Ti ’busan gwe ko ŋutu liŋ logon nyanyar Matat likaŋ Yesu Kristo ko nyaŋu nagon ti bulö ’duddyö na.

Pilipoi 1:9

A nan momo ’yi adi ti nyaŋu nasu ŋdine ŋdi bia parik mora ko kopon se ko kuruŋdyo na kulya,

1 Timoteo 1:14

a Matat likaŋ Kristo Yesu iŋge tiŋdu nan ’busan na nyaŋu nanyit abur i pirit na geleŋ ko yupet, se ko nyaret na gwon kanyit i mugun na.

1 Yoane 1:7

Ama koyi wöro i parara gwoso na gwoŋdi nye i parara na, a yi tojuline ko ’börik, a rima ti Yesu Ŋuro lonyit lalaji yi i toronjin liŋ.

1 Yoane 3:18

Ŋwajik kwe, ti yi gwe ti nyaŋu ko kulyaesi kode ko kutusen kana, ama ti yi nyaŋi ko konesi ko kulya ’diri.

1 Yoane 4:19

Yi nyanyaŋu, kogwon a kokwe Ŋun a nyaŋu yi.

1 Yoane 5:3

Kogwon nyaŋu nikaŋ na Ŋun gwon sona adi, yi ’de ’dep saresi kanyit, a saresi kanyit tine ri ’dikiŋdya yi go.