Luka 7:13 - Bibilia Buk na Ŋun nagon koti luŋu a

¹³ A na meddi MATAT nina nuto nu, a nye wone konyen ko lepeŋ, a kulyani ko lepeŋ adi, Mama, an do ko gwien.

Luka 7:13 ပူးပေါင်းရင်းမြစ်များ

Saumajin 103:13

Gwoso nagon monye wowon konyen ko ŋwajik kanyit na, sona a MATAT won konyen ko se logon kukuk lepeŋ kilo.

Saumajin 86:15

Ama do ŋon MATAT, do a Ŋun logon wowon konyen parik ko ŋutu, do a kanyaranit, do a ’dikö i woran ko a jore ko nyaŋu nagon ti ’duddyö kwöŋ na ko to ’diri.

Saumajin 86:5

Kogwon do MATAT, gwon a lo ’but, do gwon ajo i pitökindyö, do nyanyar ŋutu liŋ lo luluŋgu do kilo ko nyaŋu a duma.

Yisaya 63:9

i yöyöŋesi kase liŋ. Nye a ko yökijö kode ŋuto kode malaikatat ama nye lepeŋ lo lwöŋgu lepeŋat; a nye dakuŋdye lepeŋat kogwon nyaŋu nanyit kowon nanyit na konyen; a nye ’dukuŋdye lepeŋat ki a ’dokoddi se i perok liŋ ti ’beron kulu.

Yeremia 31:20

Nan MATAT lo pija adi, Epuraima ŋona a ŋuro lio lo nyanyara le? Lepeŋ ŋona a ŋuro lio logon nan nyanyar ko töili lio liŋ? Kogwon temba i diŋit nagon nan ririŋga lepeŋ ko kutuk na, nan nyuŋ yeye lepeŋ. Nyenagon a töili lio yöŋöni yöŋö lepeŋ parik; a nan ’diri mo wone konyen ko lepeŋ.

Marako 8:2

Konyen kwe wowon lodir lo ŋutu, kogwon yi aje si ’da i pirit na geleŋ ko perok musala, ŋo lo nyenyei gwe ’bayin;

Luka 10:1

A mukök na nina, a MATAT wuluŋdye kulye nutu merya buryo wot murek, a sonyoddi lepeŋat murek murek kanyit nerot i köjinö liŋ ko i piritön liŋ nagon lepeŋ ko mugun nanyit ’de ’dekan tu kata kunu.

Luka 11:1

A gwe sona a Yesu gwe i kwakwaddu i nene pirit, a nagon nye aje jo kwakwaddu nu, a lele lo ŋutu kanyit kajujumuk kulyani ko lepeŋ adi, MATAT, todiniki yi i kwakwaddu gwoso na todiŋdye Yoane ŋutu kanyit kajujumuk na.

Luka 11:39

A MATAT kulyani ko lepeŋ adi, Ta Parusijin lalaju kaŋo na kopojin ko na kalabajin; ama kasu lukata ta a jore ko ryaggu se ko ŋo narok.

Luka 12:42

A MATAT waddi adi, Taki nan, köliŋönit lo yiyiniki i kita ko a lokoŋ a ŋa, logon duma lonyit a sarakiŋdya i meddya na mede nanyit, i korakiŋdya na kulye köliŋönök kinyo i diŋitan na ’but?

Luka 13:15

a MATAT waddi lepeŋ adi, Ta kamumulukak, ta liŋ geleŋ geleŋ ti yukuuŋdyö dwönin kasu kode kaineki kasu i gorwat, anyen joŋ se i möju na pioŋ i lor lo Sabata le?

Luka 17:5

A luyökie kulyani ko MATAT adi, ’Yalaki yi nene yupet!

Luka 17:6

a MATAT waddi adi, Ko ta gwon ko yupet ma ’di a na ’dit gwoso nyomotti lo kiteta, ta bubulö kulya ko lo ki ’bi adi, Gwunyu mugun kaŋo ko ’yutuki mugun i tor, a nye ködyö yiŋge ta a koŋdi sona.

Luka 18:6

A MATAT kulyani adi, Yiŋge ta kulyaesi ti ka ’duŋönit loron.

Luka 19:8

Ama a Takayo gwo ’de gwo ’dan nyu a kulyani Ko MATAT adi, Mete, pon MATAT, nan titiŋdu lomerika swöt na tito kwe, a ko nan a mumulukuŋdya nene ŋo ko lele ŋuto, a nan de ropaki ropakin lepeŋ daŋin iŋwan.

Luka 22:61

A MATAT wöriŋöni woriŋo a diŋe Petero, a Petero iŋge yeyeoro kulyaesi logon MATAT a jamakin nye kulo adi. A kokwe nagon sukuri a ko nyuŋ sira i lo lor na, do de rerenya nan daŋin musala adi do a ko den nan.

Luka 24:3

ama na lupöri se lukata nu, a se gwe a ko ryo öpu na MATAT Yesu.

Luka 24:34

a se gwe i jambu adi, MATAT ’diri aje ŋien, ko aje pukökin ko Simona!

Luka 7:12

A nagon nye gwe nyona ko ’dur i kötumit na köji nu, mete, a nuto logon aje twan lo ’dokoni kano. Ŋilo nuto a pilili lo ŋote nagon a karu ’be. A nutu jore ti köji inge moruŋdya ko nina nuto.

Luka 7:14

A nye iti nerot, a taŋdi par, a ka ’dokök kulo gwo ’de gwo ’dan. A nye kulyani adi, Do nilo titinti, nan takiŋdya do adi, Ŋine ki.

Luka 7:19

A Yoane lupundye kulye kajujumuk kanyit murek, a sonyoddi se ko MATAT yu adi, Do a nye lo popo lo kode yi mordu lele?

Luka 8:52

A nutu liŋ luluje lulujö dedelya lepeŋ; ama a nye kulyani adi, Ko gwi ta; nuro na a ko twan ama dodoto.

Yoane 11:2

Ŋina Maria a nye nagon aje we ’ya MATAT ko welet na mon ’bura, a iŋge seja mokosi kanyit ko kupir kanyit ti kwe. Ŋilo Lajaro logon a gilö lo a luŋaser lonyit.

Yoane 11:3

A kiasirik kune soŋdi ŋuto i takiŋdya na Yesu adi, MATAT, ŋuto logon do nyanyar lo lu a gilö.

Yoane 20:13

A se pije lepeŋ adi, Do ŋina ŋuto, do gwi nyo? A nye waddi lepeŋat adi, Nan gwi kogwon se a ’dumara MATAT liŋ kaŋo i gulöm, a nan tine den ko se a ’delakin lepeŋ da.

Yoane 20:15

A Yesu pije lepeŋ adi, Do ŋina ŋuto, do gwi nyo? Do ga ’yu ŋa? A nye yeyeji adi kode ŋona lepeŋ a kametanit lo melesen, nyena a nye pije lepeŋ adi, Duma liŋ, ko ŋona do lo ’dumaddu lepeŋ; tuköki nan pirit nagon do aje ’delakiŋdye lepeŋ kata nu, anyen nan tu jojoŋ lepeŋ.

Yoane 4:1

A Yesu ko dene adi Parusijin ajeyiŋ adi nye a batiddya ŋutu kajujumuk jore lwölwöŋ Yoane nu,

Yoane 6:23

Nyenagon a ki ’bojin lo po Tiberia kulo ’dure i pirit nagon MATAT aje tiŋdu Ŋun tinate a ŋutu iŋge nyesu ambatajin kata nu.

1 Korinto 7:30

ti se lo gwigwien kilo gwe gwoso logon ti gwien; ti ŋutu logon lyolyoŋi kilo gwe gwoso logon ti lyolyoŋi; ti ŋutu logon gwogworuŋdyo kilo gwe gwoso logon ’bak tito;

1 Tesalonike 4:13

Luŋasirik, yi ’de ’dekan ta deden kulya ti ŋutu logon aje twatwa kilo, anyen ta kodyo gwon ti gwigwitu gwoso Ŋutu logon ’bak yenet.

Ebere 2:17

Nyena Ŋina a kwe nagon lepeŋ agu ködyö kona gwoso luŋasirik kanyit i ŋo luŋ, anyen nye böŋö gwon a koane duma lo won konyen ko a lo yiyiniki i kitakiŋdya na Ŋun, anyen nye böŋö lalaju toronjin ti Ŋutu.

Ebere 4:15

Ŋilo koane duma likaŋ ti gwon a ŋuto logon ti bulö deŋdya tomunyan nikaŋ, kölumbö nye a ŋuto logon a tema ko möriesi i ŋo liŋ nagon a temarikin yi, ama nye a ko toroŋdya.

Ka’duŋök 10:16

A se paji ŋunyen lepelok lo gwon kase kulo, a kitakiŋdye MATAT; a töili lonyit gwe ko lokole i yeyeju na kulya ti dara na Yisaraele.