Luka 7:12 - Bibilia Buk na Ŋun nagon koti luŋu a

¹² A nagon nye gwe nyona ko ’dur i kötumit na köji nu, mete, a nuto logon aje twan lo ’dokoni kano. Ŋilo nuto a pilili lo ŋote nagon a karu ’be. A nutu jore ti köji inge moruŋdya ko nina nuto.

Luka 7:12 ပူးပေါင်းရင်းမြစ်များ

Suluet 22:12

A nye kulyani adi, Ko tanyakin könin i ŋilo ŋuro, ma ’di ko konakiŋdya lepeŋ nene ŋo, kogwon soŋinana nan a den adi do a kugga ŋun, kogwon do a ko renyakin nan ŋuro ilot logon a pilili ilot lo ŋuro lo.

Suluet 22:2

A lepeŋ kulyani adi, Soŋinana ’du muŋdye pilili ilot lo ŋuro logon do nyanyar lo, logon a Yisaka, ko iti ta i jur lo Moria, ko wukiŋdye lepeŋ yu a rubaŋga lo ’yu ’yura i lele geleŋ lo merya logon nan mo tatakin do kulya kanyit lu.

2 Samuele 14:7

Soŋi-nana mede liŋ aje ŋikin i mörö ko nan köliŋönit inot, a se jambi adi, Topuköki yi ŋuto lo gwuddyö luŋaser lonyit lo, anyen yi tatatu lepeŋ kogwon rima ti luŋaser lonyit logon nye a tatu lo; a lepeŋat kirut ’deke ’dekan tukaŋu karutanit lo köti. Nyena a lepeŋat de peŋgi tukuyu nio na kimaŋ nagon a pitöki na, a se gwe ti kölökin lalet liŋ ma ’di nyakwari geleŋ anyen ’diŋdya karin kanyit i kak ni.

1 Moran 17:12

A nye waddi lepeŋ adi, ’Diri gwak gwoso na gwoŋdi MATAT Ŋun ilot na, nan ’bak nene ŋo nagon a dera, tuŋ könin geleŋ lo ’bolot a pitöki i kuŋo, ko welet a na ’dit i tuli; nan na ’du ’dumba kaden gwoso murek anyen nan böŋö tu i tetenakiŋdya na mugun ko ŋuro liŋ, a yi nyesi nyesu, a twatwane twatwa.

1 Moran 17:18

A nu ŋuto pipije Eliya adi, Kulya kwe a nyo konut do ŋuto lo Ŋun? Do aje ŋo köyö ni i toyiyikiŋdyö na nan toron nio le, ko i tatuja na ŋuro liŋ?

1 Moran 17:23

A Eliya ’dumuŋdye lu luŋudi, a joŋdi lepeŋ kak i koŋilore yutojo i kadi lukata, a ŋutukiŋdye ŋote nanyit; a Eliya kulyani adi, Malo ŋuro ilot meddi meddya.

1 Moran 17:9

Ŋine ki ko iti Sarepata na Sidona, ko si ’dani nyu. Mete, nan aje sarakiŋdya nene karu ’be nyu i tunyeju na do.

2 Moran 4:16

A Elisa kulyani adi, Ko diŋit na kiŋa gwoso na mo a po köti, a do mo ’debbi ŋuro. A nu ŋuto kulyani adi, ’Bayin, pon duma lio ŋuto lo Ŋun; ko mumulugga nan köliŋönit inot.

2 Moran 4:20

A nagon nye aje ’duku-ŋdyö lepeŋ nu, a joŋgi lepeŋ ko ŋote yu, a lu ŋuro si ’dani ko ŋote i mugun tojo ko tuparan kiden, a nye twane twan.

Eyobo 29:13

Ŋutu logon gwe nyona ko twatwa a ’boroja nan, a nan tiŋdi töilyet ti karu ’bejin i yolo ko lyöŋön.

Jakaria 12:10

A nan mo ’bukökiŋdye mulökotyo lo ’busan ko lo momolesi i kötumit na Dawidi ko ŋutu lo si ’da Yerusalema kulo, anyen na meddi se nye logon se a rem lo, a se mo gwine lepeŋ gwoso ŋuto logon gwi nuro lonyit lo geleŋ, a mo gwine parik tolikisien kanyit loki, gwoso ŋuto logon gwi ŋuro lonyit kayu.

Luka 7:11

A i mukok na ŋina, a Yesu iti i köji na luŋu a Naina, a ŋutu kanyit kajujumuk se ko ŋutu jore parik moraddi ko lepeŋ.

Luka 7:13

A na meddi MATAT nina nuto nu, a nye wone konyen ko lepeŋ, a kulyani ko lepeŋ adi, Mama, an do ko gwien.

Luka 8:42

kogwon nye gwon ko pilili na nuro na gwon ko kinajin gwoso puök wot murek na, a gwe nyona ko twan. A na tiri Yesu nu, a nutu kulo ri ’diundye ko lepeŋ ni.

Luka 8:52

A nutu liŋ luluje lulujö dedelya lepeŋ; ama a nye kulyani adi, Ko gwi ta; nuro na a ko twan ama dodoto.

Yoane 11:19

a Yudayaki jore iŋge po kase Marata ko Maria ni i sugga na lepeŋat i kulya ti twan na luŋaser lose lo.

Konesi 9:39

Nyena a Petero ŋine ŋien, a moraddi ko se i pirit na geleŋ. A na ’durökiŋdye nye nu, a se joŋgi lepeŋ i kadi na gwon i koŋilore nu. A karu ’bejin liŋ dumökiŋdye Petero kiden, gwigwien ko kwekiŋdya lepeŋ boŋgwat nagon a muisi se ko kunie boŋgwat nagon Doruka a riŋakin se na gwoŋdi nye nyuŋ jörun nu.

Konesi 9:41

A Petero sukiŋdye lepeŋ könin, a ’biluŋdye lepeŋ ki, a kirut nye lupundye kayupök se ko karu ’bejin, a togwi ’dikiŋdye Tabita kase i komor jörun.

Yakobo 1:27

Twoju nake nagon ’bak yuyuket ko Ŋun Monye i komor gwon sona adi, ŋutu ködyö garakiŋdya kikijiko ko karu ’bejin i delyaesi kase, koti ti ŋutu tiji ’börik an ’yota ko lut ti na kak.