Luka 5:34 - Bibilia Buk na Ŋun nagon koti luŋu a

³⁴ A Yesu waddi pija lepeŋat adi, Ta ŋona bubulö tiŋdu julin ti kayemanit i miŋdya i diŋit nagon kayemanit gwon ko lepeŋat i pirit na geleŋ nu le?

Luka 5:34 ပူးပေါင်းရင်းမြစ်များ

Koli Lo ’but Parik 5:8

Ta ŋwajik kö ’disi ti Yerusalema, nan saŋu ta adi, ko ta a ryö nyaratti lio, böŋö taki ta lepeŋ adi nyaŋu nio na lepeŋ a tiŋdu nan i doddya.

Koli Lo ’but Parik 6:1

Do nakwekwelen i kiden nakö ’disi, nyaratti ilot a tu da? Nyaratti ilot tiri lon kiko anyen yi böŋö moraddu ko do i ga ’yu na lepeŋ?

Yisaya 54:5

Kogwon nan kagweyanit ilot a lalet ilot, karin kwe a MATAT lo kurumi; nan Loke lo Yisaraele a kadakanit ilot, nan a luŋu a Ŋun lo kak ’bukuluŋ.

Yisaya 62:5

Kogwon gwoso na yembi titinti ’diet nu, a ŋwajik kulök mo yembi do, ko gwoso nagon kayemanit lyölyöŋi ko ŋuro na yeyeilia nu, a Ŋun ilot mo lyölyöŋine ko do.

Jepania 3:17

Nan MATAT ŋun ilot gwon konut kiden, a nan gwe gwoso ŋuto wa i gaju na do; nan mo nyonyola ko do ko lyöŋön, a nan mo toluduŋge do ko nyaŋu nio; a nan mo yoloni yolo parik i bu ’ya na mugun ko do

Matayo 22:2

Tumatyan na Ki gwon gwoso mor logon konakiŋdya ŋuro lonyit budu yemet.

Matayo 9:15

A Yesu pije lepeŋat adi, Julin ti kayemanit bubulo delya i diŋit nagon kayemanit gwon ko lepeŋat i pirit na geleŋ nu le? Ama diŋit mo popo nagon kayemanit mo joŋari kaŋo kase kiden, a kirut a lepeŋat mo miŋdye miŋdya.

Luka 5:33

A kulye ŋutu kulyani ko Yesu adi, Ŋutu ti Yoane kajujumuk mimiŋdya daŋin jore ko kokoŋdya kwakwasesi, a kajujumuk ti Parusijin köti koŋdi sona, ama kajujumuk kulök kulo nyenyesu ko mömöju.

Luka 5:35

Ama diŋit mo popo nagon kayemanit mo joŋari kaŋo kase kiden, a kirut i ŋilu lor a lepeŋat mo miŋdye miŋdya.

Yoane 3:29

Nye logon yemba nakwan lo a kayemanit; ju lo kayemanit logon gwogwo ’dan nyona i yiŋga na lepeŋ lo, lyölyöŋön parik na yiŋge nye gworo lo kayemanit nu. Nyena ŋina lyöŋön nio soŋinana aje jore.

2 Korinto 11:2

Nan gwon ko yulön ko ta gwoso na yu ’ye ŋun na, kogwon ta gwon gwoso ŋuro ’diet nagon a ko nyuŋ den kulya ti ŋutu lyan na, nagon nan a rukökin i yema ko ŋuto geleŋ ka ’de logon a Kristo.