Luka 5:12 - Bibilia Buk na Ŋun nagon koti luŋu a

¹² A gwe sona na gwoŋdi Yesu i nene köji nu, a lele ŋuto gwe nyu logon a moka parik ko rimajin; a na meddi ŋilo ŋuto Yesu nu, a nye rugwuŋökine kak ko komor nanyit a mamaŋdi lepeŋ adi, Pon MATAT, ko do nyanyar do bubulö toke ’ya nan.

Luka 5:12 ပူးပေါင်းရင်းမြစ်များ

Suluet 18:14

Nene ŋo kata nagon bubulö te ’ya nan MATAT le? A nagon diŋit mo aje temakiŋdya nu, nan mo yiyitwe konut ni i kiŋa lo popo gwoso i na diŋit na, a Sara mo yupundye ŋuro lulalet.

1 Moran 18:39

A ŋutu liŋ ko meddi kine kulya, a se ’do ’done kak rupu, a se kulyani adi, MATAT logon a Ŋuro; MATAT logon a Ŋuro ’diri.

2 Moran 5:1

A Namana, kasaranit lo kamörök ti mor lo Suria gwe a ŋuto duma lo bubula ko duma lonyit i komor, kogwon MATAT a tiŋdu Suria i te ’ya kogwon kulya kanyit. A nye gwe a ŋuto wa, ama nye a ŋuto lo rimajin.

2 Moran 5:27

Nyenagon rimajin ti Namana de momok do ko nyakwariat kulök ŋupi. A Geaji kö ’yi lepeŋ a nye gwe a ŋuto lo rimajin, a kwekweji a lokwe gwoso kurök.

2 Moran 7:3

A kulye ŋutu iŋwan ti rimajin gwe i lupet na kotumit; a se tokulyaki ko ’borik adi, Nyo nagon yi si ’da ni teŋ koyi a twatwa?

1 Dekat 21:16

A Dawidi ’bi ’yi konyen kanyit ki a meddi malaikatat lo MATAT gwogwo ’dan i wöli na kak ko ’diko, a nye gwe ko baŋdu kanyit i könin a rikin i Yerusalema loki. A Dawidi ko ŋutu temejik aje jupu boŋgwat terekesi a ’do ’done kak rupu.

Saumajin 50:15

Luŋgi ta nan i lor delyaet; a nan mo lwökundye ta, a ta mo pupurje nan.

Saumajin 91:15

Nye mo luluŋgu nan, nyena a nan mo ruŋge lepeŋ; nan mo gwon ko lepeŋ i ŋirit na geleŋ i diŋit nagusu, nan mo lwökundyö lepeŋ, a nan mo tindi lepeŋ i bula.

Yuörö 4:6

A MATAT kulyani ko lepeŋ koti adi, Suki könin ilot konut i ku ku ’di. A nye sukiŋdye könin lonyit i kuku ’di; a nye ko ’dutuŋdye könin lonyit kaŋo, mete, a könin lonyit gwe a rimajin a lokwe gwoso kurök.

Lewi 13:16

Ama ko nu ’dika a löpuggö köti a worani a nakwe, nyena a lu ŋuto ködyö poŋdi ko koane ni,

Lewi 9:24

A kimaŋ puku kaŋo ko MATAT i komor a totumbe rubaŋga lo ’yu ’yura ’buluŋ se ko welet na gwon i pirit ’yuret na rubaŋgajin loki na; a na meddi ŋutu liŋ kine kulya nu, a se woŋoro ki, a ’dorone kak rupu.

Matayo 26:6

Nyena na gwoŋdi Yesu Betania i kadi na Simona logon a moka rimajin lo,

Matayo 9:28

A nye ko luponi kadi, a ŋutu logon a mo ’dokeno kulo poŋdi kanyit ni, a Yesu pije se adi, Ta a yuŋ adi nan bubulo koŋdya na ŋo? A se waddi adi, Jye, pon MATAT.

Marako 5:23

a nye mamaŋdi lepeŋ adi, Ŋuro nio nu gwe nyona ko twan. Böŋö poŋdi ko sopakiŋdye konisi kulok kanyit loki, anyen nye böŋö totokela a gwe jörun.

Luka 17:16

a nye ’dorone kak ko komor nanyit ko Yesu i mokosi, a kulyani adi, Tinate. Ŋuto lo a Samariatyo.

Luka 5:13

a Yesu riöddi könin lonyit, a taŋdi lepeŋ, a kulyani adi, Iŋkoi, nan nyanyar toke ’ya do; kele kelan. ’De ’de a rimajin kö ’yi lepeŋ.

Nyökit 24:8

Kunyar ta i moka ko twanti lo rimajin. anyen ta titiju ’bura i koŋdya gwoso i ŋo liŋ nagoŋ koanejin Lewijin todinikin ta kune; a ta ködyö tiji i koŋdya gwoso na saŋi nan se nu.

Ebere 7:25

Ko ŋina kwe lepeŋ köti bubulo Iwoggu asut ŋutu logon mijun nyona ko Ŋun ni kulo kanyit i mugun, kogwon lepeŋ yeyeŋon opi i momo ’yu na Ŋun kogwon kulya kase.

Yosua 5:14

A nye waddi adi, A a; ama nan a po ni soŋinana a duma lo kamörök ti MATAT. A Yosua ’dorone kak rupu, a twöji twöju, a pipije lepeŋ adi, Ŋo a nyo nagon duma liŋ ’dek kulyari ko köli­pönit lonyit?