Luka 5:10 - Bibilia Buk na Ŋun nagon koti luŋu a

¹⁰ Nyena a Yakobo se ko Yoane ŋwajik ti Jebedayo, logon ŋaŋu kita ko Simona i pirit na geleŋ kulo koti iŋge söŋu. A Yesu kulyani ko Simona adi, An do ko kujöno, suluja soŋinana tojo ko ŋerot do mo jikuŋdyö ŋutu köyö ni gwoso ŋuto logon jikuŋdyö somot ko ku ’yi.

Luka 5:10 ပူးပေါင်းရင်းမြစ်များ

Matayo 13:47

Köti Tumatyan na Ki gwon gwoso ku ’yi nagon a gubaki i tor kata a munuki i kiden na ki ’bojin murek, a iŋge momok gweyarijin liŋ ti somot.

Matayo 14:27

Ama a Yesu nyoŋgi kulya ko se adi, Togo ’yi ta töilyet, ŋo lo a nan; an ta ko kujönö ta.

Matayo 20:20

Nyena a ŋote ŋwajik ti Jebedayo se ko ŋwajik kanyit kulo poŋdi ko Yesu ni, a dulakine kak i twoju na lepeŋ, a piyuŋdye nene po ko lepeŋ.

Matayo 4:19

A nye kulyani ko lepeŋat adi, Kipuŋdye ta nan, a nan mo tiŋdi ta i jikuŋdyö na ŋutu köyö ni gwoso ŋutu logon jikuŋdyö somot ko ku ’yi.

Matayo 4:21

A na tirikin ŋeröt nu, a nye köti meddi kulye ŋutu murek logon a luŋasirik, Yakobo ŋuro lo Jebedayo se ko Yoane luŋaser lonyit, gwon i ki ’bo kata i pirit na geleŋ ko Jebedayo monye lose ririgga ku ’yilan kase. A nye luŋgi lepeŋat?

Marako 1:17

A Yesu kulyani ko lepeŋat adi, Kipuŋdye ta nan, a nan mo tiŋdi ta i jikuŋdyo na ŋutu köyö ni gwoso ŋutu logon jikuŋdyo somot ko ku ’yi.

Luka 5:7

a se kwetuŋdye ŋutu logon ŋaŋu kita ko se lo gwon i lele lo kilo ki ’bojin kulo anyen po i parakiŋdya na se. A se poŋdi po a iŋge tojoreju kilo ki ’bojin murek ko somot, nyena a se suluje ’dirön.

Luka 5:9

Kogwon lepeŋ se ko ŋutu liŋ lo gwon ko nye kulo a soŋu kogwon somot logon lepeŋat aje munyun kulo.

Luka 6:14

Nyena a karin kase gwe a ko Simona logon nye a gwijö a Petero; ko Aŋöarea luŋaser lonyit, ko Yakobo, ko Yoane, ko Pilipo, ko Bartolomayo,

Yoane 21:2

a Simona Petero, ko Toma lo luŋu a Kurudwötti, ko Nataniele lo po Kana yu i jur lo Galilaya, ko ŋwajik ti Jebedayo, se ko kulye ŋutu kajujumuk murek ti Yesu liŋ gwe i pirit na geleŋ.

Konesi 2:4

A lepeŋat liŋ iŋge jore ko Mulökötyo Loke, a suluje jambu ko kunie kutusen, gwoso na tikiŋdye Mulökötyo se riŋit jamet na.

2 Korinto 8:23

a ko gwe gwoso Tito, lepeŋ a ŋuto logon yi paŋu kita ko lepeŋ, a yi se ko lepeŋ kitakiŋdye ta. A ko gwe gwoso kilo luŋasirik kaŋ lo yubbo kilo, kanisajin lo soŋdu lepeŋat; lepeŋat a bulesi ti Kristo.

2 Timoteo 2:26

anyen se deden ’börik, a rwösuŋdye kaŋo i birya na kaŋöönit logon a logga se anyen koŋdya ’dekesi kanyit lo.