Luka 4:8 - Bibilia Buk na Ŋun nagon koti luŋu a

⁸ A Yesu waddi lepeŋ adi, A wurö adi, Do ködyö kugga MATAT Ŋun ilot a kitakiŋdye lepeŋ ka ’de.

Luka 4:8 ပူးပေါင်းရင်းမြစ်များ

2 Moran 19:15

A Kijikia momo ’yi momo ’yu ko MATAT i komor adi, Pon MATAT Ŋun lo Yisaraele, logon sisi ’da i kerubajin loki, do logon a Ŋun lo tumatyanjin liŋ ti kak, iŋkoi do geleŋ; do a gweja ko ki ko kak.

Saumajin 83:18

Ti se dendi adi do geleŋ logon karin kunök a MATAT, do logon a Katoŋanit lo kak liŋ!

Yisaya 2:11

A ŋutu lowo ’duŋak mo nyö-kwene kak, a ŋutu kabulak ti kusik mo tokoyokani tokoyoka; a MATAT geleŋ mo lo todumalakine ki i ŋilu lor.

Matayo 16:23

Ama a Yesu wöriŋöni wöriŋö, a kulyani ko Petero adi, Iŋgo Satani, kölöki nan! Do gwon köyö a kopuket, kogwon do ti yeyeju gwoso na yeyeji Ŋun na, ama do yeyeju gwoso na yeyeji ŋutu na.

Matayo 4:10

A Yesu kulyani ko lepeŋ adi, Iŋgo, Satani! kogwon a wurö adi, Do ködyö kugga MATAT Ŋun ilot a kitakiŋdye lepeŋ ka ’de.

Luka 4:4

a Yesu waddi lepeŋ adi, A wuro adi, Ŋuto ti gwolor kogwon kinyo ka ’de.

Luka 4:7

Nyena ko do a dulaki kak i twoju na nan a kine ŋo liŋ de gwe a kunok.

Nyökit 10:20

Ta ködyö kukuk MATAT Ŋun losu, a ta ködyö kitakiŋdye lepeŋ, a ta ’depakiŋdye ko lepeŋ ŋo, a ta milyeji ko karin kanyit.

Nyökit 6:13

A ta kujonöni MATAT Ŋun losu, a ta kitakiŋdye lepeŋ, a milyeji ’diŋdya karin kanyit.

Yakobo 4:7

Nyenagon kuŋge ta ŋun. Gwo ’de ta go i moro ko ŋilo kaŋöönit, a nye mo wöki kaŋo kasu i komor.

1 Petero 5:9

Gwe ta a iŋgo i yupet i renya na lepeŋ, kogwon ta a den adi luŋasirik kasu lo yubbö i kak ’bukuluŋ kilo ködyö ŋoŋoŋgo kine ŋoŋesi na geleŋ kine.

Kweyatti 19:10

A kirut nan ’dorone kanyit i mokosi i twöju na ŋilo malaikatat, ama a lepeŋ goji nan adi, Ko koŋdya sona. Nan ko do se ko luŋösurök a köliŋönök. Yi liŋ a katökorok ti kulya gwak na jam Yesu kune; kölumbö twöji Ŋun. Kogwon kulya gwak na tokor Yesu kune a mulökötyo lo tiŋdu nebijin i keju.

Kweyatti 22:9

Ama a lepeŋ goji nan adi, Ko koŋdya sona. Nan ko do se ko luŋösurök logon a nebijin a köliŋönök i pirit na geleŋ ko se lo ’debba kulyaesi ti ŋina buk kulo. Twöji Ŋun.

1 Samuele 7:3

A Samuele kulyani ko kötumit na Yisaraele liŋ adi, Ko ködyo ta a yitwe ko MATAT ni ko töilyet kasu liŋ, nyena paji ta kasu kiden ŋunyen logon a lepelok ko nye nagon luŋu a Asatarot, ko tirikuni ta MATAT ko töilyet kasu ko kitakiŋdye ta nye geleŋ, a nye mo lwökuŋdye ta kaŋo i könisi ti ŋutu ti Pelesete.