Luka 4:6 - Bibilia Buk na Ŋun nagon koti luŋu a

⁶ A kaŋöönit kulyani ko lepeŋ adi, Nan de titikin do kido saret ko minyo lose liŋ, kogwon aje tiki nan, a nan tiŋdi ŋuto logon nan ’de ’dekan lo.

Luka 4:6 ပူးပေါင်းရင်းမြစ်များ

Esetere 5:11

A Aman jamakiŋdye se todumalan na tukwörien nanyit, ko tojore na ŋwajik kanyit, ko gwoso i diŋitan liŋ nagon mor a ’dulukiŋdye lepeŋ ki na, ko tiki nanyit a kwe lo temejik se ko kakitak liŋ ti miri na mor.

Yisaya 23:9

MATAT lo kurumi lo yiyikiŋdyö kine kulya, anyen köŋu todumalan na ŋutu lokukwön liŋ, anyen jakiŋdya yu na kusik i ŋutu lo bubula liŋ ti kak.

Yisaya 5:14

Nyenagon pirit na mulökö kak yu a tugalaŋgu magor lonyit, a gaaddi kutuk nanyit ’bak ’dutet, a kwelen nase, se ko lodir lose lo ŋutu a tu kak nyin, se ko wogon nase ko nye lo lyölyöŋi i pirit na geleŋ lo.

Luka 4:7

Nyena ko do a dulaki kak i twoju na nan a kine ŋo liŋ de gwe a kunok.

Yoane 12:31

Soŋinana na gwe a diŋit ’duŋet na kulya ti ŋutu ti na kak; soŋinana matat lo na kak mo gubaji kaŋo.

Yoane 14:30

Nan tine jambu ko ta diŋit a najo köti, kogwon matat lo na kak ŋilo poni po. Lepeŋ ’bak riŋit köyö;

Yoane 8:44

Munyi a ŋilu kaŋöönit, a ta koŋdi ŋo nagon munyi ’de ’dekan koŋdya. Suluja i suluet lepeŋ a katatuanit, a lepeŋ tine gwi ’dikin i to ’diri, kogwon lepeŋ ’bak to ’diri. Na jambi nye ’burönö na, a nye jambi gwoso na gwoŋdi nye a ’burönit na, kogwon nye a ’burönit ko a monye ’burönö liŋ.

2 Korinto 11:14

Nene ŋo ’bayin na tutusöŋu i kine kulya; ma ’di ködyö Satani mirakiŋdya mugun gwoso malaikatat lo parara.

Epeso 2:2

Gwiliŋit losu gwon i toron, a ta kekebbi kulya narok ti na kak, a ta inge twö matat lo riŋit na kobuŋot lo gwon i woli na ki lo. Ŋilo mulokotyo nyuŋ kikita i kiden na ŋutu lo renya Ŋun kulo.

1 Petero 1:24

Kogwon adi, Ŋutu liŋ gwon gwoso doru, a kwelen nase liŋ gwe gwoso koturon ti mu ’diŋ. Döru teteyon, a koturön ’do ’done kak;

1 Yoane 5:19

Yi deden adi yi a ti Ŋun, a kak ’bukuluŋ gwe ko Ŋilo Loron i riŋit.

Kweyatti 12:9

A ŋilo kitun duma logon gwe a munu lo ’beron lo, logon lupu a Kaŋöönit ko a Satani, logon a togiraddu jurön liŋ ti kak, iŋge gube i na kak, a malaikajin kanyit iŋge gube kak ko lepeŋ i pirit na geleŋ.

Kweyatti 13:2

A gworoŋ lo met nan lo gwe gwoso koka, a mokosi kanyit gwe ko morin lojo gwoso ti liŋgo, a kutuk nanyit gwe gwoso na kömiru. A ŋilo kitun tiŋdi lepeŋ riŋit nanyit, ko si ’daet nanyit na tumatyan, se ko kido duma.

Kweyatti 13:7

A lepeŋ iŋge ruköki i mörö ko ŋutu ti Ŋun ko i te ’ya na lepeŋat, a lepeŋ iŋge ’buruki kido saret i kötumitön liŋ, ko i gweyajin ti ŋutu liŋ, ko i kutusen liŋ, se ko i jurön liŋ.