Luka 4:32 - Bibilia Buk na Ŋun nagon koti luŋu a

³² A ŋutu iŋge söŋu ko todiŋdyo nanyit, kogwon lepeŋ jambu ko kido.

Luka 4:32 ပူးပေါင်းရင်းမြစ်များ

Luka 4:36

a ŋutu liŋ iŋge söŋu, a totopine ko ’börik adi, Kulo kulyaesi a nyo lo jam nye kulo? Kogwon lepeŋ saŋu muloko lorok ko kido ko riŋit, a se poŋdi kaŋo.

Yoane 6:63

Mulökötyo titiŋdu ru, a mugun tine koŋdya nene ŋo. Kulyaesi logon nan aje jamakin ta kilo a ti mulokotyo a toruje torujo.

Tito 2:15

Sekilo kulyaesi logon do ködyö jajam. Kido liŋ a ’buruki do i jujuja, ko i ririŋga na ŋutu kayupök. Ti lele ŋuto ködyö gwe ti lanu do.

1 Tesalonike 1:5

kogwon na tokukiŋdye yi ta Loŋe Lo ’but nu, yi a ko jambu kulyaesi ka ’de, ama yi a Tambu ko riŋit na Mulökotyo Loke gwoso ŋo nagon yi a yuŋ adi ’diri a gwak. Ta koti a den koyi gwolor ada na gwoŋdi yi ko ta i pirit na geleŋ nu kogwon kulya kasu.

2 Korinto 4:2

Yi aje renya konesi na mukö ti yu na kwe, yi gwe ’bayin a kamumulukak. Yi ti tukwölöŋgu kulyaet lo Ŋun, ama tuŋ yi kwekiŋdya kulya ti to ’diri köke, a yi tiŋdi ŋutu liŋ ko Ŋun i komor i deŋdya kase i töilyet adi yi a lo ’but.

Marako 1:22

a ŋutu iŋge söŋu ko todiŋdyö nanyit, kogwon lepeŋ todiŋdyö se gwoso ŋuto logon ko kido ko ti gwon gwoso katodinök ti Saresi ti Mose.

Luka 2:47

a ŋutu liŋ lo yiŋga lepeŋ kilo söŋi söŋu parik i kuruŋdyö nanyit se ko wasesi kanyit.

Luka 4:33

A lele ŋuto lo gwon ko mulökötyo loron gwe i kadi momoret, a nye woŋoro ki ko gworo lobot adi,

Yoane 7:46

a kölipönök kulo waddi adi, Ŋuto ’bayin kwoŋ lo jambu gwoso ŋilo ŋuto.