Luka 4:23 - Bibilia Buk na Ŋun nagon koti luŋu a

²³ a Yesu kulyani ko lepeŋat adi, ’Diri ta de tatakin nan ŋilo tolupet adi, Ko do a katoruonit a ti do torune mugun, a ta mo kulyani adi, Yi aje yiŋ ŋo liŋ na kon do Kaperanauma, nyena ti do koti koŋdi se ni konut i jur.

Luka 4:23 ပူးပေါင်းရင်းမြစ်များ

Matayo 13:54

a nye iti kanyit köji, a todiŋdye kase i kadi momoret, a ŋutu iŋge soŋu, a totopine adi, Lo ŋuto ryo ŋina koŋon ya se ko kine kitajin sorosi?

Matayo 4:13

A nye kö ’yi Najareta, a iti tu a si ’dani Kaperanauma nyona ko tor na Galilaya, i kak na Jebulun ko na Napatali,

Matayo 4:23

A Yesu wöröni i Galilaya liŋ, totodinöddu kase i kadijik momoresi, ko totokuöddu Loŋe Lo ’but lo Tumatyan, ko totokeladdu ŋutu i twana liŋ ka ’de ka ’de ko i gilösi liŋ,

Marako 6:1

A Yesu kö ’yi ŋinu pirit a nye itikanyit köji, a ŋutu kanyit kajujumuk kulo moraddi ko lepeŋ.

Luka 2:39

A nagon Yosepa ko Maria aje tutuŋgö ŋo liŋ nagon ’de ’dekarikin i Saret lo MATAT nu, a se yitöni Galilaya, kase i köji na Najareta.

Luka 2:51

A nye moraddi ko lepeŋat tojo Najareta, a nye gwe a lokoyok ko lepeŋat i komor. A ŋote nanyit ’delakiŋdye kilo kulyaesi liŋ kanyit i toili.

Luka 4:16

A kirut Yesu iti Najareta i köji na wowoari nye nu. A nye luponi i kadi momoret i lor lo Sabata, gwoso i keri lonyit, a nye gwo ’de ki i keŋdya na buk.

Luka 4:31

A Yesu lulurara Kaperanauma nagon a nene köji na Galilaya, a nye gwe i todiŋdyo na ŋutu i lor lo Sabata.

Luka 4:35

Ama a Yesu riŋge lepeŋ, a kulyani adi, Yiŋani taliŋ, poŋdi kaŋo ko ŋilo ŋuto i mugun! A mulokotyo loron gubakiŋdye ŋuto lo kak ko ŋutu i komor, a poŋdi kaŋo ko lepeŋ i mugun ’bak tomijo na lepeŋ.

Luka 6:42

Do bubulo kulya ada ko luŋaser ilot adi, Luŋaser liŋ, ti nan kurutu ŋina korodoti na ’dit kaŋo konut i koŋe, ama do kwoŋ a ko met bau na gwon konut i koŋe na? Do kamumulukanit, a kokwe kiyaŋ ’dumu bau kaŋo konut i koŋe, a kirut a do buloni bulo meddya ’bura i kurutuŋdyo na korodoti na ’dit kaŋo ko luŋösur i koŋe.

Yoane 4:28

A kirut ŋuto, na kölökiŋdye sape lonyit lo pioŋ, a yitöni köji, a luogi ŋutu lyan lo gwon yu kulu adi,

2 Korinto 5:16

Nyenagon suluja soŋinana yi ti lilija kulya ti lele ŋuto ko yeyeesi ti na kak, ma ’di köju yi a lilija kulya ti Kristo ko yeyeesi ti na kak kune, a yi tine koŋdya sono köti kwöŋ.